Բանակն արժանի պատասխան է տալիս, երեկվա գործողությունները դրա մասին են խոսում. Գնել Սանոսյան

 Գեղարքունիքի մարզպետ Գնել Սանոսյանը կառավարության նիստից հետո լրագրողների հետ զրույցում անդրադարձավ սահմանային իրավիճակին։ Սանոսյանը նշեց, որ գիշերը և լուսադեմին տեղի է ունեցել փոխհրաձգություն Վերին Շորժայի ուղղությամբ՝ այն դիրքում, որտեղ հուլիսի 28-ի գիշերն ընթացել էին թեժ մարտեր։ «Մենք մեկ վիրավոր ունենք՝ ուսի շրջանում, վիրահատել են, ամեն ինչ նորմալ է»,- ասաց մարզպետը:

Նրա խոսքով՝ ռուս սահմանապահներ չեն տեղակայվել հայ-ադրբեջանական սահմանի այն հատվածում, որտեղ նախօրեին թեժ մարտեր էին ընթացել, և ինքը տեղյակ չէ այդ ուղղությամբ բանակցությունների մանրամասներից։

«Որոշակի պրոցես եղել է, ռուսները եղել են մեզ մոտ, որոշակի աշխատանք եղել է։ Թե հիմա բանակցություններն ինչ փուլում են, ինչ ընթացք է, չեմ կարող ասել»,- նշեց Գնել Սանոսյանը։

Մարզպետը նաև հավելեց, որ այսօր ստեղծված իրավիճակը նույնը չէ, ինչ մայիսին, երբ ադրբեջանական ուժերը ներխուժեցին ՀՀ տարածք։ «Մայիս ամսին ադրբեջանական զորքերը քարտեզները ձեռքներին էին առաջ գալիս՝ իբր խաղաղ նպատակներով։ Հիմա ակնհայտ է՝ երբ նրանք մեր ուղղությամբ կրակում են, երբ մեր զինվորի թիկունքում մեր համայնքներում մեր բնակիչներն են, մեր բանակը չի կարող ուղղակի լռել։ Մեր բանակը շատ արժանի պատասխան է տալիս, երեկվա գործողությունները դրա մասին են խոսում, ինչի արդյունքում մենք ընդհանրապես բնագծի որևէ փոփոխություն չունեցանք»,- նշեց մարզպետը:

Այս թեմայով Մինչև 2020-ը Ադրբեջանը 27 մլրդ դոլարի զենք է գնել, իսկ Հայաստանը` 6.5-ից 7 մլրդ դոլարի Գնել Սանոսյանը դիտարկել է միջպետական ավտոճանապարհի Սպիտակ-Վանաձոր հատվածի ճանապարհաշինական աշխատանքների ընթացքը Գնել Սանոսյանն այցելել է միջպետական ճանապարհի՝ Աշտարակով անցնող հիմնանորոգվող հատված Տավուշի հատվածում կան հողեր, որ, ըստ այդ քարտեզների, ենթադրվում է՝ պետք է վերադարձվեն մեզ. Սանոսյան Գնել Սանոսյանն այցելել է ՀՀ ՏԿԵՆ Ջրային կոմիտե Գնել Սանոսյանը մասնակցել է «Համայնքների ավագանիների անդամների կարողությունների զարգացում» ծրագրի մեկնարկի միջոցառմանը «Հրապարակ». «Ներքին գործերի նախարարությունը 89 հատ թանկարժեք ժամացույց է գնել Գնել Սանոսյանն ընդունել է Հայաստանի Հանրապետությունում Ճապոնիայի արտակարգ և լիազոր դեսպան Աոկի Յուտակային Տավուշի 4 գյուղերը մեր վարչատարածքային բաժանման մեջ չեն գտնվում․ Գնել Սանոսյան Ինչո՞ւ է փակվում Ռուբեն Վարդանյանի անվան հետ կապվող «Կակտուս» ռեստորանը, և ո՞վ է գնել այն. «Փաստ»