«Փաստ». Իշխանությանը հայհոյողներին ի՞նչ պատիժ է սպառնում

«Փաստ» օրաթերթը գրում է. «Մինչ Հայաստանի սահմաններում շարունակվում է անհանգստությունն ու լարվածությունը, մինչ Հայաստանը մխրճվում է նորանոր խնդիրների ու ճգնաժամերի հորձանուտ, գործող իշխանությունները լիազորություններն ավարտող խորհրդարանի վերջին «շնչում» անցկացրեցին «անձին ծանր վիրավորանք հասցնելը՝ հայհոյելը կամ նրա արժանապատվությունն այլ ծայրահեղ անպարկեշտ եղանակով վիրավորելը» քրեականացնող օրինագիծը:

Իհարկե, ցանկացած քաղաքակիրթ ընտանիքում երեխաներին շատ փոքր հասակից սովորեցնում են, որ հայհոյելը վատ է, որ չի կարելի «քըխ» բառեր ասել և այլն: Այստեղ նույնիսկ քննարկելու բան չկա. հայհոյանքն ու վիրավորանքը մերժելի են միանշանակ:

Սակայն այստեղ կա մի քանի հարց: Նախ՝ արդյո՞ք Հայաստանի համար այսօր չկար ավելի կարևոր հարց, քան նշյալը: Երկրորդ՝ տարօրինակ չէ՞, որ նման օրինագիծ է անցկացնում մի ուժ, որը դարձել է թշնամանքի, հայհոյախոսության ու ատելության խոսքի հիմնական ներմուծողն ու արմատավորողը քաղաքական ու հասարակական հարաբերություններում: Երրորդ, ինչո՞ւ է տարբերակում դրվում «լրագրողական, հրապարակախոսական, հասարակական կամ քաղաքական գործունեությամբ» զբաղվողների ու «շարքային» քաղաքացիների միջև:

Չորրորդ՝ ինչպե՞ս է տարբերակվելու ծանր վիրավորանք հասցնելը թեթև վիրավորանքից, օրինակ՝ «վնգստացող դատավորները» ինչպիսի՞ վիրավորանք է: Եվ վերջում, սա քիչ է, եկեք մի օրենք էլ ընդունեք պատմության դասագրքերում այս իշխանության մասին պարզ ճշմարտությունը գրողներին դատելու մասին: Թեպետ, դրա համար երևի թե այս օրենքն էլ կարող է աշխատե»:

Այս թեմայով Միկա Բադալյանի նկատմամբ պատիժ նշանակվեց տուգանքը՝ 300.000 դրամի չափով Որտեղի՞ց իշխանությանը կոկաինի 1 մլրդ դոլարը, քաբաբ առ քյաբաբ հետ բերա՞ծն է. Արեգնազ Մանուկյան Հարբած վարորդը հայհոյել և հարվածել էր պարեկներին․ քրեական վարույթի նախաքննությունն ավարտվել է Ինձ ծեծել են, հլը կարող ա ասեն՝ ես եմ մեղավոր հա՞, հայհոյել եմ. Մասիս Զեյնալյան (տեսանյութ) Ընդդիմադիր պատգամավորների հրահրմամբ հարձակվել են առողջապահության նախարարի վրա ու հայհոյել Պարեկները մոտեցել են օգնելու, իսկ քաղաքացիները հայհոյել ու ծեծել են նրանց․ ՔԿ Դատախազը պահանջում է Գյուլագարակի նախկին ղեկավարի տեղակալի նկատմամբ նշանակել լրացուցիչ պատիժ Արծվանիստում քաղաքացին դուրս չի եկել ճանապարհից և հայհոյել է ոստիկաններին․ կա 5 ձերբակալված Վթարի հետևանքով հիվանդանոց տեղափոխված տղամարդը հայհոյել է, կռիվ արել ու հեռացել Քաղաքացին է՞ բերել այս իշխանությանը, դե թող քաղաքացին էլ փոխի նրանց ու լուծի խնդիրները