Այդ շինծու դատավարությունները թուրքը հետագայում ցանկացածի աչքն է կոխելու՝ որպես Հայաստանի ագրեսիան իբր դատական կարգով ապացուցված փաստի. Գևորգ Դանիելյան

Ռազմագերիների հարցը մեր պետության միջազգային արժանապատվության, իսկ հետագայում նաև պատասխանատվության լրջագույն հիմնահարց է. Այս հարցին է անդրադարձել Իրավագիտության դոկտոր, արդարադատության նախկին նախարար Գևորգ Դանիելյանը ֆեյսբուքի իր էջում։

«Ռազմագերիների հարցը միայն իրենց անձնական կամ նրանց ազգականների հարցը չէ, այն վաղուց արդեն միայն հումանիտար խնդիր էլ չէ, այն առավելապես մեր պետության միջազգային արժանապատվության, իսկ հետագայում նաև պատասխանատվության լրջագույն հիմնահարց է։

Եթե անգամ հնարավոր չէր բոլոր տեսակի բանակցությունները սառեցնել՝ ռազմագերիներին ազատ արձակելու առանցքային պայմանով, եթե անգամ հնարավոր չէր աննախադեպ մեծ քանակով ռազմագերիների կեղծ դատավարություններում հայրենական փաստաբաններ ներգրավելը, ապա առնվազն հարկ էր (հիմա էլ ուշացած, բայց դեռ կարելի է) վարձել օտարերկրյա փաստաբաններ, որպեսզի այդ մարդիկ զգային ու զգան սեփական պետության կողմից տարրական պաշտպանության և առնվազն ուշադրության նշույլ, որպեսզի շուտափույթ բողոքարկվեն՝ այդ դատավճիռ կոչվածները, որպեսզի հնարավորինս արագ ՄԻԵԴ՝ արժանահավատ հիմքերով գանգատներ ներկայացվեն։

Դիտորդի անհաղորդ, անգլխացավանք և սոսկ դատարկ արդարացումներ մոգոնելու դերն ստանձնելը չի կարող կործանարար չլինել։ Սա այն եզակի հարցերից է, որը հուսալի լուծելու համար այլևս բավ է «սև» ու «սպիտակ», «նախկին» ու «ներկա», քրեական օրենքով հայհոյանքից իբր ապահովագրվելու վտանգավոր խաղերով տարվելը, ժամանակը չի սպասում, ախր տեսնում ենք իբր թարմացված «ներկա նախկիններին»։

Ռազմագերիները միայն խղճահարության թիրախ չեն, և էական էլ չէ, ներողամի՞տ են նրանց ծնողները, «ըմբռնումո՞վ են» մոտենում եղելությանը, նրանց ուղղակի հավուր պատշաճի պաշտպանել է պետք, ինչն անհնարին չէ …»։

Այս թեմայով «Հրապարակ». Հայաստանում ադրբեջանցի ռազմագերի չկա 80-ից ավելի ռազմագերի ունենք Ադրբեջանում, յուրաքանչյուր դեպքով բոլոր փաստերը կան. Սահակյան Ուկրաինական և ռուսական կողմերը հաղորդել են փոխադարձ հարվածների մասին. 130 ռազմագերի վերադարձել է Ուկրաինա «Ժողովուրդ». Ադրբեջանում այս պահի դրությամբ հաստատված ու նույնականացված 33 հայ ռազմագերի է պահվում Ռազմագերուն իբր ազատելու համար հարազատից գումար է շորթել. ԱԱԾ բացահայտումը (տեսանյութ) Ադրբեջանը հաստատել է, որ իր մոտ գտնվում է 17 հայ ռազմագերի. Քարազյան Ուկրաինան 55 ռազմագերի է հանձնել Ռուսաստանին Հայաստան վերադարձած 8 գերիներից 2-ը՝ ռազմական ոստիկանությունում են. ՔԿ-ն մանրամասներ է հայտնում Ամեն ինչ նորմալ է, այնտեղ մնացողներն էլ բոլորը «դուխով» են, ամեն օր սպասում են տուն գալուն. վերադարձված ռազմագերի Աստծո կամքով բոլորը հետ կգան, մեզնից ոչ ոք առողջական խնդիր չունի. ՀՀ վերադարձված ռազմագերի. Tert.am