Մինչև 2030 թվականը ջրհեղեղները կազդեն ևս 25 երկրների բնակչության վրա․ Nature

21-րդ դարի սկզբից ջրհեղեղներից տուժած մարդկանց թիվն աճել է 24 տոկոսով՝ տասն անգամ ավելի, քան կանխատեսում էին գիտնականները, գրում է Nature ամսագիրը:

Նոր ուսումնասիրությունն իրականացրել են Cloud to Street ընկերության փորձագետները: Արբանյակային դիտարկումների արդյունքների հիման վրա նրանք պարզել են, որ ջրհեղեղի բարձր ռիսկ ունեցող տարածքներում բնակչության աճը պայմանավորված է այդ տարածքների տնտեսական զարգացմամբ:

«Բնակչության խոցելի խմբերին հաճախ այլ ելք չի մնում, քան բնակություն հաստատել ջրհեղեղների բարձր ռիսկայնության վայրերում», - բացատրում են փորձագետները: Նրանց տվյալներով՝ 2000 -2018 թվականներին ջրհեղեղներն ամբողջ աշխարհում ազդել են 2,23 միլիոն քառակուսի կիլոմետրի վրա՝ ազդելով 255-290 միլիոն մարդու վրա: Միևնույն ժամանակ, ջրհեղեղների գրեթե 90 տոկոսը տեղի է ունենում Հարավային և Հարավարևելյան Ասիայի երկրներում՝ հատկապես այնպիսի խոշոր գետերի ավազաններում, ինչպիսիք են Ինդոսը, Գանգես-Բրահմապուտրան և Մեկոնգը: Բացի այդ՝ արբանյակային տվյալները վկայում են Լատինական Ամերիկայի հարավում, Մերձավոր Արևելքում և ենթասահարյան Աֆրիկայում ջրհեղեղի մակարդակի բարձրացման մասին: Cloud to Street-ի փոխանցմամբ՝ կլիմայի և ժողովրդագրական փոփոխությունների պատճառով՝ մինչև 2030 թվականը ջրհեղեղները կազդեն ևս 25 երկրների բնակչության վրա:

Այս թեմայով Անկարայում ջրհեղեղ է, երթևեկությունը կաթվածահար է եղել Երևանում անձրևից հետո «ջրհեղեղ» է (տեսանյութ) Պերուում խոշոր ջրհեղեղի հետևանքով՝ 18 մարդ է զոհվել Կալիֆորնիայում ջրհեղեղի զոհերի թիվը հասել է 20-ի. Reuters Թուրքիայում ջրհեղեղ է (լուսանկարներ, տեսանյութ) Սուդանում անձրևների սեզոնի սկզբից ի վեր ջրհեղեղների զոհ է դարձել 129 մարդ Սիմֆերոպոլում ջրհեղեղ է. փողոցները վերածվել են գետերի Ստամբուլում ջրհեղեղ է. մարդիկ պայքարում են բնաղետի դեմ, կան տուժածներ Սոչիում ավերիչ ջրհեղեղներ են․ արտակարգ դրություն է հայտարարվել (լուսանկարներ) Հարավային Աֆրիկայում սաստիկ ջրհեղեղներից մոտ 400 մարդ է մահացել (լուսանկարներ)