Նարեկին հանգստացրե՛ք հլը. տաքարյուն պատգամավորը «սեԿտեմբերի» հեղինակն է

Այսօր՝ օգոստոսի 11-ին, Ազգային ժողովում տեղի ունեցած միջադեպի ժամանակ, երբ թեժ վիճաբանություն սկսվեց ՔՊ և «Հայաստան» խմբակցությունների պատգամավորների միջև, ԱԺ նախագահ Ալեն Սիմոնյանը պարբերաբար հանգստության կոչ էր անում իշխանական պատգամավորներից մեկին․ «Նարե՛կ, Նարե՛կ, մի հատ Նարեկին հանգստացրեք հլը, Նարեկ Գրիգորյան վեր չկենաս տեղիցդ»,- Սիմոնյանը հորդորում էր պատգամավորին զսպվածություն դրսևորել։ 

Թեև ԱԺ ուղիղ եթերը ցույց չէր տալիս, թե ինչ է կատարվում դահլիճում և ովքեր են միջադեպ հրահրող պատգամավորները, սակայն լրագրողների կողմից օթյակից նկարահանած կադրերից երևում է, որ դրանց շարքերում առաջիններից մեկը հենց իշխանական թիմի ներկայացուցիչներից Նարեկ Գրիգորյանն է, որին այդքան նկատողություն էր անում Ալեն Սիմոնյանը։ Գրիգորյանը ԱԺ նիստերի դահլիճից դուրս գալիս լրագրողներին հրաժարվեց մեկնաբանել, թե ինչո՞ւ էր այդքան նյարդային։ Հարցի պատասխանը ստանալու համար թերևս հարկավոր է հիշել այն հանգամանքը, որի համաձայն, ըստ մամուլի հրապարակումների, պատգամավորն ազատվել էր զինծառայությունից։ «Հետք»-ին հայտնի էր դարձել, որ Նարեկ Գրիգորյանը զինծառայությունից ազատվել է ինքնավնասման միջոցով, ինչի մասին են վկայում նաև Նարեկ Գրիգորյանի թևերի սպիները, որոնք նրա լուսանկարներում նկատելի են:

Նշենք, որ Նարեկ Գրիգորյանը ՔՊ-ական այն պատգամավորն է, որին հանրությունը սկսեց ճանաչել այն բանից հետո, երբ երեկ ԱԺ-ում ելույթ ունենալիս սեպտեմբերին «սեԿտեմբեր» ասաց․ «Վաղը սեԿտեմբերի մեկ ա, մենք ունենք կրթության․․․ կրթության․․․ սեկտեմ․․․ հա, կրթության որակի բարելավման, բարձրացման խնդիր»,- ասել էր Նարեկ Գրիգորյանը։ Ի դեպ, Նարեկ Գրիգորյանը դասվում է անհասանելի պատգամավորների շարքին, երեկ ամբողջ օրվա ընթացքում փորձում էինք կապ հաստատել նրա հետ՝ տեղեկանալու՝ արդյոք «սեԿտեմբեր»-ը լեզվի սայթաքում էր, թե ոչ, սակայն մեր բազմաթիվ զանգերն այդպես էլ անպատասխան մնացին։  

Հիշեցնենք, որ ԱԺ փոխխոսնակ Իշխան Սաղաթելյանը խորհրդարանի նիստում իր ելույթում ընդգծեց` կապիտուլյանտ, հողատու արտահայտությունները անձնական վիրավորանք չեն, այլ` քաղաքական գնահատական: ՔՊ-ական Նարեկ Գրիգորյանը տեղից արձագանքեց, նա կանգնել ու գոռգոռում էր, որից հետո ընդդիմադիր պատգամավորները ևս սկսեցին գոռգոռալ: ԱԺ նախագահ Ալեն Սիմոնյանը անվտանգության աշխատակիցներին հրավիրեց նիստերի դահլիճ, ապա հրահանգեց անջատել եթերը: 

Լուսանկարը՝ «Հետք»-ի

Այս թեմայով Երբեք չէի կարող պատկերացնել, որ ես փողոց կփակեմ. պետք է պարտադրենք իշխանություններին հեռանալ. ՀՀԿ-ական նախկին պատգամավոր Ռուբեն Հակոբյան Թե բա՝ Մեծ Եղեռն, գուցե՝ տխուր միջադեպ... և սա հանուն առևտրի. լրագրողը հեգնանքով մեկնաբանել է Հայոց ցեղասպանություն իրավական եզրույթից վարչապետի խուսափելու հնարքը Ես էլ ձեռքերս կկտրեմ ու Տավուշից ոչինչ չեմ տա, Տավուշից ոչ ոք ոչինչ չի տալիս. ՔՊ-ական (տեսանյութ) «Փոքր ազգ» ղեկավարող ՀՀՇ-ական ռեժիմը լավ հավեսով թաթախվում էր մեծ հավակնությունների մեջ, որոնք հակաթուրքական չէին, ընդհակառակը՝ պրոթուրքական էին. քաղաքագետ «Կարողանու՞մ եք նայել ժողովրդի աչքերին». լրագրողը՝ ՔՊ-ական Վահե Ղալումյանին ՔՊ-ական կապիտուլյանտներ, Գրանադայից հետո գոռում էիք, թե անկլավները հանձնելու հարց չկա, բա սա ի՞նչ է. Շարմազանով Շահումյան գյուղի աղբավայրում հայտնաբերվել է մոտ 31 հատ հակատանկային ական. ժամանել են սակրավորները Կլինի՞ մի օր Մայր Աթոռը կուսակրոնությունից խոսա, «ֆեյք նյուզ» է տարածում. ՔՊ-ական Օկուպացված Ակնայում ական է պայթել. ադրբեջանցի է վիրավորվել Վարչապետը 80-ական թվականներից հակառուսական քաղաքականություն է իրականացրել