Մալդիվներում մեղրամիսն անցկացնելու համար վճարել են 2700 դոլար և խաբվել. «Դավինչի»-ից տուժածների թիվը գնալով ավելանում է

Ինչպես արդեն տեղեկացրել ենք, «Դավինչի» տուրիստական գործակալությունից բազմաթիվ քաղաքացիներ են տուժել: Բանն այն է, որ վերջիններս «Դավինչի»-ի հաշվեհամարին գումարներ են փոխանցել՝ հանգիստը արտերկրում կազմակերպելու համար, սակայն գործակալությունը չի կատարել որևէ ամրագրում՝ պատճառելով խոշոր չափերի գույքային վնաս: ԼՈՒՐԵՐ.com-ի հետ զրույցում Վարդուհի Պապյանը պատմեց, որ ամուսնական մեղրամիսը Մալդիվներում անցկացնելու համար դիմել էին «Դավինչի» տուրիստական գործակալություն, բայց ինչպես ինքն է ասում՝ դարձել խարդախության զոհ. «Մեր հարսանիքը օգոստոսի 17-ին է և մենք պետք է օգոստոսի 20-ին թռնեինք Մալդիվներ: Օգոստոսի 12-ին մոտ 1000$ կանխավճար ենք տվել, սակայն նույն օրը տուր մենեջերը, որի անունը Աննա է, երեկոյան ժամը 22:00-ին զանգահարեց ու ասաց, որ պետք է մնացած գումարն էլ վճարենք, քանի որ վառվող առաջարկ է: Մենք ևս 1700$ վճարեցինք, ընդհանուր 2700$  վճարում ենք կատարել, որը հավաստող ՀԴՄ կտրոնն ունենք: 2 օր մեզ չէին ուղարկում հյուրանոցի վաուչերները, զանգահարում էինք, պատասխանում էին՝ մեկ ժամից, երկու ժամից, կեսօրից հետո կուղարկենք, բայց այդպես էլ չէին ուղարկում: Հաջորդ օրը գնացինք իրենց գրասենյակ և տեսանք, որ մոտ 15 անձ զայրացած կանգնած են գրասենյակի մոտ»,- պատմեց Վարդուհին՝ նշելով, որ հենց այդպես են հասկացել, որ իրենց ևս խաբել են:

Նա նշեց, որ փորձել են պարզաբանում ստանալ, սակայն տնօրենի կինն ու աշխատակիցը  ասել են, որ կազմակերպությունը ֆինանսական խնդիրներ ունի, հետևաբար գումարը հետ չեն կարող վերադարձնել. «Ասացին՝ երբ կարողանանք, այն ժամանակ էլ կտանք»:

Վարդուհին ասաց, քանի որ զբաղված էին հարսանեկան արարողության հարցերով դեռևս չեն դիմել իրավապահ մարմիններին, բայց չեն պատրաստվում լռել և առաջիկա օրերին անպայման հաղորդում կներկայացնեն:

Սոնա Հարությունյան

Այս թեմայով Պետք է երկուստեք ապահովենք, որ սահմանի երկու կողմերում մարդիկ ապահով ապրեն. ՀՀ վարչապետ Մարդիկ վիրավորված են, որ իրենց ապրած կյանքը բաժանում եք իրական Հայաստանի և պատմական Հայաստանի միջև 2 կոպեկ են առնում, խանութը հոր գներն ա դրել վրեն, մարդիկ առևտրով տուն են պահում, բա ո՞նց ապրեն Որպեսզի Երևանի փողոցներում հարյուր հազարներով մարդիկ կանգնեն կողքիդ, պետք է ասել, թե ինչ պետք է անել. Հովհաննիսյան Ապաշնորհ մարդիկ են թույլ տալիս պղծել մեր խաչքարերը. Մելիքյան Խաղադրույքների մեջ չոր փողն ինչքա՞ն է կազմում, մարդիկ ինչքա՞ն փող են դնում. Աղազարյան Նախարար Մխիթար Հայրապետյանն այցելել է «ՍոֆթԿոնստրակտ» ընկերություն Հազարավոր մարդիկ փորձում են հեռանալ Խարկովից (տեսանյութ) Փոքր Կենտրոնում մի հատ շրջայց անենք, հասկանանք՝ ոնց են մարդիկ հետևում գովազդի նոր չափորոշիչներին Հարյուրավոր մարդիկ մասնակցում են Ոսկեպարի Սուրբ Աստվածածնի ժամերգությանը