Նոյեմբերի 9-ի անկարգությունների քրգործերով կա 29 մեղադրյալ, Միրզոյանի ծեծի գործով՝ 2

Նոյեմբերի 9-ին Հայաստանի, Ադրբեջանի ու Ռուսաստանի միջև հրադադարի հայտարարությանը հետևած անկարգությունների քրեական գործերով կան 29 մեղադրյալներ։ Այդ մասին, «Լուրեր»-ի հարցմանն ի պատասխան, տեղեկացրել է ՀՀ գլխավոր դատախազությունը՝ չբացահայտելով մեղադրյալների ով լինելը։

Գործերը քննվում են Ազգային անվտանգության ծառայության քննչական դեպարտամենտում՝ զանգվածային անկարգությունների, իշխանությունը զավթելու, սահմանադրական կարգը բռնի տապալելու կոչերի հատկանիշներով։

Ըստ Գլխավոր դատախազության՝ մեղադրյալներից 44-ի նկատմամբ կալանավորումը որպես խափանման միջոց ընտրելու միջնորդություն է ներկայացվել դատարան, որից 22-ը մերժվել է, 21-ը՝ բավարարվել։ Այս քրեական գործով 3 անձ  հետախուզվում է։

Նոյեմբերի 9-ին ՀՀ կառավարություն, խորհրդարան ու կառավարական ամառանոց ներխուժած անձանց կողմից գողացված փաստաթղթեր բնակարանների խուզարկությունների արդյունքում չեն հայտնաբերվել:

«Վարչապետի կեցավայրից իրերի որոշ մասը՝ ժամացույցներ, օծանելիքներ, վարորդական իրավունքի վկայական, բջջային հեռախոս, հայտնաբերվել և վերցվել են այդ դրվագով մեղադրյալների անձնական խուզարկությամբ»,- հայտնել են դատախազությունից։

Նոյեմբերի 9-ի անկարգությունների գործով 3 անձի նկատմամբ կայացվել է մեղադրական դատավճիռ։ Նրանք դատապարտվել են 4 տարվա ազատազրկման։ Եվս 8 քրեական գործ, մեղադրական եզրակացությամբ, ուղարկվել է դատարան։

Նախաքննության փուլում է գտնվում նոյեմբերի 9-ի գիշերը Ազգային ժողովի նախագահ Արարատ Միրզոյանին ծեծի ենթարկելու հետ կապված քրեական գործը, կա 2 մեղադրյալ։ Նրանց նկատմամբ խափանման միջոց է ընտրվել քաղաքից չհեռանալու մասին ստորագրությունը։

Այս թեմայով Բերման են ենթարկել Արթուր Խաչատրյանին Ցուցարարները փակել են ոստիկանական մեքենայի ճամփան, չեն թողնում բերման ենթարկել Գերասիմ Վարդանյանին (տեսանյութ) Ինչպես են գիշերը բերման ենթարկել տավուշցիներին (տեսանյութ) Բերման են ենթարկում մի մարդու, ով այս շարժման ամենաակնառու ոգեշնչողներից և նախաձեռնողներից է Երևանում 25-ամյա վարորդը «Hyundai»-ով վրաերթի է ենթարկել հետիոտնին․ նա տեղում մահացել Ովքե՞ր և ի՞նչ պայմաններում են ծեծի ենթարկել Սամվել Վարդանյանին․ հրատապ գրություններ եմ ուղարկել Բերման է ենթարկվել ԱՆ երեխաների առողջության պահպանման բաժնի պետ Լիլիթ Ավետիսյանը. «Հրապարակ» Սամվել Վարդանյանին ծեծի ենթարկելը հնարավոր է բացառապես ոստիկանության ղեկավարության ցուցումով. փաստաբան Դիմակավորված անհայտ անձինք երեկ դաժանաբար ծեծի են ենթարկել Սամվել Վարդանյանին` մինչեւ խուց տանելը. փաստաբան Սարատովի կենտրոնում ներգաղթյալների միջև ծեծկռտուք է եղել. նրանց վրաերթի է ենթարկել մեքենան (տեսանյութ)