«Իրավիճակը իսկապես սարսափելի է»․ որն է ԱՄՆ բանակի ամենախոցելի տեղը․ 19FortyFive

ԱՄՆ բանակի ամենախոցելի տեղը նրա պետական ​​նավաշինարանների հետ կապված իրավիճակն է։ Այս մասին գրում է 19FortyFive պորտալը՝ խոսելով Ամերիկայի Միացյալ Նահանգների զինված ուժերի համակարգի հիմնական թույլ կետի մասին:

Ինչպես նշել է հոդվածի հեղինակ Մայա Քլարկը, Սենատը վերջերս հաստատել է 1,1 տրլն դոլարի հատկացումը հանրային ենթակառուցվածքների զարգացման համար: Սակայն, նրա կարծիքով, պետական ​​նավաշինարանների հետ կապված իրավիճակն առավել մեծ ուշադրության է արժանի։ Դրանք ընդամենը չորսն են, և նրանք ավելի քան հարյուր տարեկան են: Հաշվի առնելով այն հանգամանքը, որ նրանք պատասխանատու են ավիակիրների և սուզանավերի սպասարկման համար, իրավիճակը իսկապես սարսափելի է:

Առավել ակնհայտ խնդիրների թվում են չորս նավահանգիստներում նոր սուզանավերի սպասարկման անկարողությունը՝ իրենց փոքր հզորության պատճառով, ինչպես նաև մասնավոր նավաշինարաններում օգտագործված սարքավորումները, գրում է Քլարկը:

«Նմանատիպ խնդիրներ կան շատ ոլորտներում: Ժամանակակից ավտոմատ սարքավորումների օգտագործման փոխարեն՝ ԱՄՆ-ի բանակի զինամթերքի գործարանները շարունակում են ապավինել Երկրորդ համաշխարհային պատերազմի սարքավորումներին և արտադրական գործընթացներին»,- ասել է լրագրողը՝ նշելով, որ այս իրավիճակը սպառնում է ոչ միայն ձեռնարկությունների աշխատակիցներին, այլև, ընդհանուր առմամբ, Միացյալ Նահանգների ազգային պաշտպանությունը:

Հոդվածի հեղինակը նաև ընդգծել է, որ ենթակառուցվածքների համար միջոցների հատկացումը միայն վատնող նախագծերի վրա ծախսեր կատարելու վտանգավոր միտումներից է`անտեսելով կարևոր ազգային առաջնահերթությունները: Քլարկը նշել է, որ Կոնգրեսը վաղուց դադարել էր պատասխանատվություն վերցնել երկրի պաշտպանունակության պահպանման համար: Բայց, հավանաբար, շուտով դա դեռ առաջնահերթություն կդառնա, - ամփոփել է Քլարկը: