Մահապատժի տեսանյութերից մինչև հեգնական մեմեր. ինչպես թալիբները ընտելացան սոցիալական ցանցերին (լուսանկարներ)

Աֆղանստանում իշխանությունը զավթած թալիբները հաղթեցին ոչ միայն մարտի դաշտում, այլև տեղեկատվական պատերազմում: Դա անելու համար, թերևս, լուրջ PR մասնագետների օգնությամբ նրանք օգտագործեցին իրենց սեփական լրատվամիջոցները, սոցիալական ցանցերը, համագործակցեցին բլոգերների և ազդեցիկ մարդկանց հետ, գրում է BBC-ն:

«Թալիբանի» պաշտոնյաները մամուլի ասուլիսներ են կազմակերպում` հարցեր տալու օտարերկրյա լրագրողներին և կանանց, իսկ թալիբանամետ շրջանակները տարածում են մեմեր, որոնք ծաղրում են Արևմուտքին և ազատական ​​արժեքներին:

Շարժման առաջնորդները Twitter-ի միջոցով համոզում են աշխարհին համագործակցության պատրաստակամության մասին, իսկ տեղացի թալիբները WhatsApp-ի թեժ գծեր են բացում տեղի բնակիչների համար՝ թալանի և հանցագործության մասին հաղորդելու համար:
Թալիբներն ասում են, որ փոխվել են և այս անգամ նրանք չեն իրականացնի զանգվածային մահապատիժներ մարզադաշտերում և չեն զրկի կանանց՝ նրանց իրավունքներից, ինչպես դա արեցին իրենց առաջին կառավարման տարիներին`1996-2001թվականներին:

Այս խոստումները մինչ այժմ ավելի շատ քարոզչական են թվում, քան իրականություն: Իրավապաշտպանները հայտնում են մահապատժի, վրեժ լուծելու Արևմուտքի հետ աշխատածների և նույնիսկ նրանց հարազատների նկատմամբ, ինչպես նաև էթնիկ փոքրամասնությունների նկատմամբ ոտնձգությունների, գրում է պարբերականը:

Նոր թալիբների կերպարը հիանալի կերպով ֆիքսվում է այն օգտատերերի էջերում, ովքեր իրենց անվանում են «Թալիբանի» լրագրության խմբագիր և տնօրեն»»՝ լուսանկարվելով սեղանին՝ հրացանով, սմարթֆոնով և նոութբուքով։

«ԶԼՄ-ները մեր և թշնամի օկուպանտի միջև ընթացող պատերազմի հիմնական և կարևոր տարրն են: Միգուցե մեդիա պատերազմում հաղթելը արդեն պատերազմում հաղթածի կեսից ավելին է», - ասել էր թալիբների ներկայացուցիչը 2012 թվականին։

Աֆղանստանի իշխանությունները, որպես գործոններից մեկը, մատնանշել են թալիբների քարոզչությունը, որ կառավարական ուժերը քաղաք առ քաղաք հանձնվեցին՝ առանց կռվի: Զինյալները համոզել են զինվորներին և տեղի պաշտոնյաներին, որ դիմադրությունն անօգուտ է, և եթե նրանք համագործակցեն, ապա նրանց ձեռք չեն տա: Քաբուլի անկումից հետո թալիբները փորձում են իրենց հայրենակիցներին և ամբողջ աշխարհին վստահեցնել, որ նրանք վախենալու ոչինչ չունեն:

«Մարդիկ երջանիկ են: Հիմա ներելու ժամանակն է, մենք վրեժ չենք փնտրում: Մենք ուզում ենք ստեղծել կառավարություն, որը կլինի արդարացի և ներդաշնակ աշխարհի հետ, կգա` լուծելու բոլոր աֆղանացիների խնդիրները», - գրել է «Թալիբանի» ներկայացուցիչ Անասը  Twitter-ի իր էջում։ Նա հավելել է, որ իրենք կարող են լինել «միջազգային խաղաղության և անվտանգության պատասխանատու գործընկեր»:

Այս թեմայով Թալիբները վեց իրանցի սահմանապահի են ձերբակալել Թալիբներն արգելել են աֆղանցի կանանց աշխատել ՄԱԿ-ում Թալիբներն արգելել են Աֆղանստանում կանեփի աճեցումը Թալիբները ներկայացրել են Mada 9 ժամանակակից սպորտային մեքենան (տեսանյութ) Քաբուլում Աֆղանստանի ԱԳՆ շենքի մոտ տեղի ունեցած պայթյունի հետևանքով 21 մարդ է զոհվել Աֆղանստանի հարավում անհայտ հիվանդության բռնկում է գրանցվել․ ԶԼՄ Աֆղանստանի դպրոցներից մեկում պայթյուն է որոտացել. կա առնվազն 35 զոհ Աֆղանստանում թալիբների ներկայացուցիչը սպանել է անչափահասին՝ հարսանիքից հրաժարվելու համար Բայդենը ներում է շնորհել բարձրաստիճան թալիբին՝ գերի ընկած ամերիկացու ազատ արձակման համար «Թալիբանին» թողեցինք աշխարհի լավագույն՝ 85 միլիարդ դոլար արժողությամբ զենքը. Թրամփը ափսոսում է