«Փաստ». Ուզում են արտախորհրդարանականներին էլ որևէ կերպ ընդգրկել

«Փաստ» օրաթերթը գրում է. «Փաստ» թերթի խորհրդարանական աղբյուրի փոխանցմամբ, իշխանությունները բավական «խառն են» 44-օրյա պատերազմի հարցերն ուսումնասիրող քննիչ հանձնաժողով ձևավորելու հարցով: Ավելին, արդեն իսկ իշխանական որոշ պատգամավորների օգնականներին և խմբակցության իրավաբանփորձագետներին հանձնարարվել է նախապատրաստական աշխատանքներ տանել և ուսումնասիրել պատերազմի հետ կապված տեսանյութերը, տարբեր ֆեյսբուքյան հրապարակումներն ու թեմայի հետ բովանդակային առնչություն ունեցող այլ փաստաթղթեր։

Ըստ էության, մեր աղբյուրների փոխանցմամբ, իրենց նման վարքագծով իշխանությունները փորձում են այնպիսի իմիտացիա ստեղծել, որ իբր իրենք ամեն հարցում նախաձեռնողական են և ցանկացած ձևաչափով կարող են գնալ համագործակցության, ինչպես նաև, որ թափանցիկ գործունեություն են ծավալում։

Թերթի տեղեկություններով, քննիչ հանձնաժողովի աշխատանքների կազմակերպման հարցում իշխանությունները պատրաստվում են ներգրավել նաև արտախորհրդարանական ուժերին, իրենց բնորոշմամբ՝ էլ ավելի հանրային և քաղաքական լայն շրջանակների հետ համընդգրկուն գործունեություն ցույց տալու նպատակով։

Մենք տեղեկություն ունենք նաև, որ այս ընթացքում ՔՊ պատգամավորները մի քանի անգամ հանդիպել են արտախորհրդարանական ուժերի ներկայացուցիչների հետ և որոշների, հատկապես իրենց սատելիտ միավորների հետ նախնական պայմանավորվածություն ձեռք բերել»:

Այս թեմայով «Ժողովուրդ». Ընդդիմությունը մտադիր է վերսկսել փողոցային պայքարը՝ համագործակցելով արտախորհրդարանական ուժերի հետ ՀՀ զինված ուժերում տեղի են ունեցել կադրային մի շարք փոփոխություններ․ ՊՆ «Հայ Առաքելական Սուրբ Եկեղեցու կողքին կանգնելու ու միավորվելու կոչով կդիմենք համայն հայությանը» Ո՞նց կարող եմ գոհ լինել, քչերն են հավատում, որ այդ մարդասպանների հետևում այլ ուժեր չեն եղել Մելիք-Ադամյանում ոստիկանական ուժեր են կուտակված «Իրավունք». Որոշ քաղաքական ուժեր արդեն իսկ փոշմանել են, որ մտել են ընտրապայքարի մեջ. որոնք են դրանք Զինված ուժերը պայմանագրային զինծառայողներով համալրելու վերաբերյալ քննարկում կանցկացվի Կապանում «Հայ զինվորի կողքին ենք». Որոշ քաղաքական ուժեր այսօր քարոզարշավ չեն իրականացնի Որոշ քաղաքական ուժեր առաջադրվել են իրենց գովազդելու և մոռացության չմատնվելու համար․ քաղտեխնոլոգ Փաշինյանի այցով պայմանավորված՝ ոստիկանությունը մեծաքանակ ուժեր էր կուտակել ԱԺ-ի դիմաց