Վերաբացվեցին Պրոբացիայի ծառայության Աբովյանի և Աշտարակի մարզային մարմինների գրասենյակները

«Լեհական օգնություն» ծրագրի շրջանակներում Սեպտեմբերի 22-ին Հայաստանի Հանրապետության
Արդարադատության նախարարության Պրոբացիայի ծառայության Աբովյանի մարզային մարմնի գրասենյակում տեղի ունեցավ ՀՀ Պրոբացիայի ծառայության Աբովյանի և Աշտարակի մարզային մարմինների գրասենյակների վերաբացման արարողությունը։

«Հայաստանում  պրոբացիայի ծառայություն մատուցող  հաստատությու­նների պայմանների բարելավում» ծրագրի շրջանակում «Եվրասիա» բարեգործական հասարակական կազմակերպությունը, ՀՀ-ում Լեհաստանի  Հանրապետության դեսպանատան աջակցությամբ, իրականացրեց վերանորոգման և վերակառուցման ծրագիր, որը ֆինանսավորվել է Լեհաստանի Հանրապետության արտաքին գործերի նախարարության Լեհաստանի զարգացման համագործակցության շրջանակներում։

Ծրագրի ընթացքում կապիտալ վերանորոգվեցին Պրոբացիայի պետական ​​ծառայության Աբովյանի և Աշտարակի գրասենյակները, ստեղծվեցին վերականգնողական ծրագրերի տարածքներ, շահառուների հետ անհատական ​​հոգեբանական աշխատանքների համար նախատեսված առանձին  սենյակ:

Ծրագրի փակման արարողությանը ներկա էին ՀՀ -ում Լեհաստանի Հանրապետության առաջին խորհրդական պրն․ Քշիշտոֆ Բարտչակը, «Եվրասիա» ԲՀԿ գլխավոր տնօրեն Լիանա Եսայանը, ՀՀ Արդարադատության նախարարության քրեական օրենսդրության, քրեակատարողական և պրոբացիայի ոլորտի քաղաքականության մշակման վարչության պետ Արփինե Սարգսյանը, Պրոբացիայի պետական ծառայության  տնօրեն Գևորգ Սիմոնյանը և այլոք:

Ծրագիրը նպատակ ունի նպաստել Հայաստանի Պրոբացիայի ծառայության շուրջ 350 շահառուների վերաինտեգրմանը հասարակություն, նպաստել վերականգնողական և վերապատրաստման ծրագրերի իրականացմանը` դրանով իսկ բարձրացնելով շահառուների հմտություններն ու կարողությունները և նվազեցնելով կրկնահանցագործության ռիսկը:

Այս թեմայով 7 անձի մեղադրանք է ներկայացվել, 2-ը՝ կալանավորվել․ մանրամասներ Գառնիի և Աբովյանի ոստիկանապետերի մասնակցությամբ միջադեպից ՊՆ փոխնախարարը նոր նշանակված սպաներին մաղթել է բարի և անվտանգ ծառայություն Ոստիկանությունը մայրաքաղաքի կենտրոնում ուժեղացված ծառայություն է իրականացրել Ուժեղացված ծառայություն՝ Վարդավառի միջոցառումների շրջանակում․ հայտնաբերվել է ոչ սթափ 125 վարորդ (տեսանյութ) Աշտարակի խճուղում բախվել են «Mercedes-Benz» և «Nissan» մակնիշների ավտոմեքենաները․ կա տուժած Սահմանազատված տարածքում ծառայություն են իրականացնում սահմանապահները, 3-րդ բանակային կորպուսը գոյություն ունի. Սարգսյան Անվտանգության նկատառումներից ելնելով՝ դադարեցվել է Աբովյանի գազամատակարարումը Տարօրինակ բաներ եք ասում. ԲԿ-ներին ասվել է՝ ինչքան ուզում եք ծառայություն մատուցեք. վեճ՝ Թորոսյանի և Ավանեսյանի միջև (տեսանյութ) Դավթաշեն-Աշտարակի խճուղի հատվածում՝ Աշտարակ քաղաքից դեպի Երևան ուղղությամբ, նոր արագաչափ է տեղադրվել Օրհնվեք, տղերք ջան, բարի ծառայություն, թողեք վահանները, պետք չեն ձեզ. Բագրատ Սրբազանը՝ ոստիկաններին