ԵՄ երկրների հետաքրքրությունը Հայաստանի հետ հարաբերությունների զարգացման առումով մեծացել է. ՀՀ վարչապետ

 Հայաստանում ընթացիկ տարվա հունիսի 20-ին կայացած արտահերթ խորհրդարանական ընտրություններից հետո Եվրոպական միության երկրների հետաքրքրությունը Հայաստանի հետ հարաբերությունների զարգացման նկատմամբ մեծացել է, և այս առումով Լիտվան առանձնահատուկ ակտիվություն է և աջակցություն է փորձում ցուցաբերել: Այս մասին հայտարարել է ՀՀ վարչապետ Նիկոլ Փաշինյանը՝ Լիտվա պաշտոնական այցի շրջանակում երկրի հայ համայնքի ներկայացուցիչների հետ հոկտեմբերի 3-ին կայացած հանդիպմանը։

 ՀՀ վարչապետը նշել է. «Սա իմ առաջին այցն է Լիտվա, և հույս ունեմ, որ այն արդյունավետ կլինի: Պետք է արձանագրել հետևյալը․ հունիսի 20-ի ընտրություններից հետո նկատելի է, որ ԵՄ երկրների հետաքրքրությունը Հայաստանի հետ հարաբերությունների զարգացման առումով մեծացել է, չնայած այն երբեք էլ փոքր չի եղել: Այս առումով Լիտվան առանձնահատուկ ակտիվություն է և աջակցություն է փորձում ցուցաբերել: Դա պատահական չէ, որովհետև Լիտվայի հետ ավանդական կապեր կան, Լիտվան շատ ավելի լավ է ճանաչում Հայաստանի Հանրապետությունը, ԽՍՀՄ ժամանակ երկու երկրների միջև ակտիվ շփումներ են եղել»,- նկատել է Նիկոլ Փաշինյանը՝ հույս հայտնելով, որ մեր համագործակցությունն էլ ավելի արդյունավետ կլինի:

Նա անդրադարձել է Եվրամիության հետ իրականացվելիք առաջիկա ծրագրերին՝ մանրամասնելով. «ԵՄ-ի հետ աշխատում ենք առաջիկա տարիների ընթացքում 2,6 մլրդ եվրոյի ներդրումային ծրագրեր իրականացնելու վերաբերյալ, որոնք ունեն մի քանի ուղղվածություն՝ գործարարության զարգացման, տեխնոլոգիաների, ՓՄՁ-ների, թվայնացման, Սյունիքի կամ Հայաստանի հարավային շրջանների զարգացման ուղղությամբ»:

Կառավարության ղեկավարը նաև հայտնել է, որ հայկական կողմը ծրագրի վերաբերյալ իր պատկերացումներն արդեն իսկ ներկայացրել է ԵՄ գործընկերներին։ «Հույս ունենք առարկայական աշխատանք տանել դրանց իրականացման ուղղությանբ»,- նշել է նա՝ հայտնելով, որ այդ ծրագրերը պետք է իրականացվեն ՀՀ պետական բյուջեի համաֆինանսավորմամբ, որը քննարկվում է, և այդ ծրագրերի մեկնարկը ներառված է բյուջեում:

Այս թեմայով Երևանը դիտարկում է Հայաստանի ու Ադրբեջանի ԱԳ նախարարների հանդիպում կազմակերպելու Ղազախստանի առաջարկը Մենք հեղափոխություն չենք անում, վարչապետ չենք փոխում, բայց թուրքին մի բերեք մեր տան մեջ. ակցիա Մենք Հայաստանի Հանրապետությունից ոչ մի տարածք էլ չենք տալիս. Տավուշի ոստիկանապետը կրկնում է ՔՊ-ին Քննարկվել են Հայաստան-Սիրիա միջխորհրդարանական հարաբերությունների ընդլայնման հեռանկարները Մենք մշտապես կարևորում ենք հայ-ֆրանսիական խորհրդարանական հարաբերությունների զարգացումը․ Վարդանյան ՌԴ ԱԳՆ-ն մեկնաբանել է Հայաստանի և Ադրբեջանի միջև առաջին սահմանային սյան տեղադրումը Էդ մի փոքր հողը Հայաստանի լինել չլինելու հարցն է. Չարենցի փողոցը փակած քաղաքացի (տեսանյութ) Հայաստանի կառավարությունը Թավրիզում գլխավոր հյուպատոսություն բացելու որոշում է ընդունել ՀԻՄԱ. Հայաստանի տարբեր հատվածներում փողոցներ են փակվում Քննարկվել են Հայաստան-Չեխիա ռազմատեխնիկական համագործակցության ընթացքը և զարգացման հեռանկարները