ԱԺ ընդդիմությունը շարունակում է պնդել՝ Գորիս-Կապան ավտոճանապարհին ստեղծված իրավիճակի հարցով պետք է քննարկում անել

 Ազգային ժողովի ընդդիմադիր խմբակցությունները շարունակում են պահանջել, որ Գորիս-Կապան ավտոճանապարհին ստեղծված իրավիճակի հարցով լսում, քննարկում արվի, հրավիրվեն ԱԱԾ տնօրենը, Պաշտպանության նախարարը և այլ պաշտոնատար անձինք:

ԱԺ հոկտեմբերի 5-ի նիստում «Հայաստան» խմբակցությունից Գեղամ Մանուկյանը հայտնեց, որ Պաշտպանության հարցերով հանձնաժողովի՝ «Հայաստան» և «Պատիվ ունեմ» խմբակցությունների 4 անդամները նախորդ օրը նախաձեռնել էին հանձնաժողովի արտահերթ նիստ:

«Օրակարգի հարց էինք առաջարկել Սյունիքի մարզում, մասնավորապես Գորիս-Կապան ավտոճանապարհահատվածում ստեղծված իրավիճակի վերաբերյալ տեղեկավտություն և բացատրություն ստանալու հարցը: Եվ առաջարկել էինք հրավիրել ԱԱԾ տնօրենին, Պաշտպանության նախարարին, Գլխավոր դատախազին, ՊԵԿ նախագահին, ՄԻՊ-ին: Սակայն, նշված ժամին հանձնաժողովի իշխանական պատգամավորները չներկայացան, դեռ ավելին՝ նշված ժամից կես ժամ հետո հանձնաժողովի նախագահի կողմից ստացանք գրություն, որն արհեստականորեն, չհիմանվորված խոչընդոտում էր նման արտահերթ նիստ գումարելու հարցը»,-ասաց պատգամավորը:

Նա հավելեց, որ պնդում են և պահանջում են ԱԺ նախագահությունից՝ կատարել ԱԺ կանոնակարգ-օրենքի պահանջները և թույլ չտալ անօրինականություններ:

Հանձնաժողովի նախագահ Անդրանիկ Քոչարյանն էլ նշեց, որ առանց օրակարգ առաջարկելու՝ արտահերթ նիստի առաջարկ է արվել:

«Չի ներկայացվել, թե ինչ հարցի շուրջ պետք է արտահերթ նիստ արվի: Ըստ էության՝ իրենք լսումների առաջարկ են արել, իսկ արտահերթ նիստում հանձնաժողովը լսումներ նախաձեռնելու իրավասություն չունի»,-ասաց նա ու ընթերցեց 4 պատգամավորին ուղղված իր գրությունը:

 «Հայաստան»-ից Արծվիկ Մինասյանն առաջարկեց այդ հարցն առանձին քննարկման առարկա դարձնել՝ նշելով, որ Քոչարյանը ոչ ճիշտ մեկնաբանություններ է արել:

ԱԺ փոխնախագահ Ռուբեն Ռուբինյանն ասաց, որ ընդմիջման ժամին կարող են աշխատանքային կարգով խոսել և հասկանալ:

Արթուր Խաչատրյանն էլ հիշեցրեց, որ ընդդիմադիր երկու խմբակցությունները դեռ շաբաթներ առաջ դիմել էին՝ խնդրելով հրավիրել սահմանապահ զորքերի հրամանատարին, ԱԱԾ տնօրենին, Պաշտպանության նախարարին և այլ անձանց՝ քննարկելու սահմաններում տիրող իրավիճակը, և թե ինչ գործընթացներ են տեղի ունենում Հայաստանի և Ադրբեջանի միջև:

«ԱԺ նախագահության կողմից ունեցանք խոստում, որ արվում է ամեն ինչ, որ այդ հանդիպումը տեղի ունենա առաջին դեմքերի մակարդակով»,-ասաց նա ու հարցրեց, թե այդ ջանքերն ի՞նչ արդյունքի են հանգեցրել:

Ռուբեն Ռուբինյանը հայտնեց, որ «Հայաստան» խմբակցությունն այդ թեմայով զրուցել է ԱԺ նախագահի հետ՝ նշելով, որ գործուղումից վերադառնալուց հետո կարող են Ալեն Սիմոնյանի հետ դա քննարկել:

«Ես կարծում եմ, որ այդ ժամանակ, դրանից մի քանի օր անց Կառավարության հետ հարցուպատասանն էր այստեղ, որտեղ հենց վարչապետին ընդդիմադիր գործընկերները հնարավորություն ունեին հարցեր տալու նշված թեմաների վերաբերյալ»,-ասաց նա:

Արմեն Խաչատրյանն էլ նշեց, որ այն, ինչ  կարող են հարցնել նիստերի ժամանակ, մի քիչ ավելի խորը կարող են քննարկել այլ ֆորմատով, ինչը եղել է ԳՇ պետի տեղակալի հետ հանդիպմանը:

Այս թեմայով Եվրամիութան դեսպանի հետ քննարկել ենք ՀՀ սահմանների և ներսում առկա իրավիճակ մասին․ Թովմասյան ՈՒՂԻՂ. Լարված իրավիճակ. Բագրատաշեն տանող ճանապարհը փակ է «Ոստիկանն ի՞նչ պտի անի, պտի խոշտանգի ժողովրդին», «Մի ոգևորվեք, հանգիստ». գերլարված իրավիճակ «Ձեռս թող արա», «Մի գոռա», «Հիմա ի՞նչ, եկել եք թուրքի ճանապարհն եք պահում». լարված իրավիճակ (տեսանյութ) Արցախի հայաթափումից հետո ներկայիս մտահոգիչ ծանր իրավիճակ է ՀՀ սահմանային տարածքներում․ Վեհափառ Լարված իրավիճակ՝ Կառավարության շենքի մոտ (տեսանյութ) Ուղիղ․ Լարված իրավիճակ՝ Տավուշում Սողանք Տաթև-Լծեն ավտոճանապարհին․ փրկարարները սահմանազատել են տարածքը ՈՒՂԻՂ․ ինչ իրավիճակ է Ոսկեպար, Բաղանիս, Կիրանց գյուղերում ՈՒՂԻՂ. Պայթյունավտանգ իրավիճակ Ոսկեպար, Բաղանիս, Կիրանց գյուղերում