Ինչպես են «հեղափոխվել» Էդուարդ Աղաջանյանի ընկերների բիզնես եկամուտները 2018-ից հետո

Կառավարությունը երեկ, ի թիվս չզեկուցվող այլ հարցերի, հավանություն տվեց «Հայաստանի Հանրապետության 2021 թվականի պետական բյուջեի մասին» օրենքում վերաբաշխում կատարելու և կառավարության՝ 2020 թվականի դեկտեմբերի 30-ի N 2215-ն որոշման մեջ փոփոխություններ կատարելու մասին հարցին: Ըստ այդմ՝ գործադիրը դրամաշնորհի պայմանագրի հիման վրա 17 միլիոն 137.000 դրամ կհատկացնի «Գևորգ Աղաբալյան» ԱՁ-ին՝ ԱՊՀ մասնակից պետությունների երիտասարդության հարցերի խորհրդի նիստը և «100 գաղափար ԱՊՀ համար» միջազգային փուլի միջոցառումները հավուր պատշաճի կազմակերպելու համար: Աղաբալյանն Էդուարդ Աղաջանյանի մտերիմ ընկերն է:

Աղաբալյանի ընկերությունը 2019թ. Երիտասարդության միջազգային օրվան նվիրված միջոցառումները Վանաձորում կազմակերպելու համար պետական բյուջեից ստացել է 2,150,000 դրամ, «Քաղաքացու օրվան» նվիրված միջոցառումների կազմակերպմամբ զբաղվելու դիմաց` 17,880,000 դրամ: «EX production event»-ը ներգրավված է եղել 2018թ. ՀՀ Անկախության օրվա, Կառավարության գործունեության 100 օրվա, WCIT 2019 տեղեկատվական տեխնոլոգիաների 23-րդ համաշխարհային համաժողովի կազմակերպման և պետական ֆինանսավորմամբ կազմակերպված այլ միջոցառումների տեխնիկական աշխատանքներում:

Հեղափոխությունից հետո Ֆեյսբուքյան օգտատեր Արթուր Ղազարյանն իր էջում գրառում էր կատարել։ Նա վստահեցնում էր, որ Սերժ Թանկյանի համերգը, որը, ինչպես հայտնի է, նախատեսված էր հունիսին System of a Down խմբի եվրոպական տուրնեի շրջանակներում, կազմակերպելու է հենց Գեւորգ Աղաբալյանը։

«EX production» անվան ներքո գործող «Գևորգ Աղաբալյան» Ա/Ձ-ի ներգրավումը հունիսի 1-ի միջոցառումների կազմակերպմանը նույնպես պատահական չէր: Երեխաների պաշտպանության միջազգային օրվա միջոցառումների կազմակերպման համար նա 7,770,000 դրամ է ստացել պետբյուջեից: Բացի այդ, հենց «EX production»-ի սպիտակ տաղավարներն են օգտագործվել «White Shorja» լողափում:

Գևորգ Աղաբալյանն ու նրա ընկերությունը ակտիվ մասնակցություն են ունեցել «Իմ քայլը» դաշինքի նախընտրական քարոզարշավին, Փաշինյանի ղեկավարած դաշինքի դրամահավաք երեկոյին և «Այո»-ի քարոզարշավին:

Հիշեցնենք, որ լավագույն ավանդույթների՝ միլիոնավոր դրամների հասնող պետական գնումների պայմանագրեր կնքելու արատավոր և կոռուպցիոն ռիսկեր պարունակող գործելաոճի համաձայն` ՀՀ Կառավարությունը՝ ի դեմս ԿԳՄՍ նախարարության, օգոստոսի 12-ին նշվող Երիտասարդության միջազգային օրվա միջոցառումների կազմակերպման համար 8 միլիոն 200 հազար դրամի պայմանագիր էր կնքել «Գևորգ Աղաբալյան» Ա/Ձ-ի հետ, ապա կորոնավիրուսային հիվանդության տարածման հետ պայմանավորված` լուծել այն:

Աղաբալյանի ընկերությունն անգամ զբաղվել է 2018թ. մայիսին կառավարական առանձնատանը շոու բիզնեսի ներկայացուցիչների մասնակցությամբ սահմանամերձ համայնքների շրջանավարտների վերջին զանգի միջոցառման կազմակերպմամբ: Միջոցառումն անցել է Աղաբալյանի մտերիմների՝ Հայկ և Նաիրի Սարգսյանների ներկայությամբ: Միջոցառմանը ներկա է եղել նաև Նիկոլ Փաշինյանը:

«Unity production/ Ալեքսանդր Մհերյան» ԱՁ-ն պատկանում է վարչապետի աշխատակազմի ղեկավար Էդուարդ Աղաջանյանի մյուս ընկերոջը՝ Ալեքսանդր Մհերյանին, ում ֆեյսբուքում կարելի է գտնել Sash Mheryan անունով: Այս ընկերությունը, ըստ ընկերության հիմնադրի ֆեյսբուքյան էջի, այլ միջոցառումների պատվերներ ևս ստացել է պետությունից։ Նախկինում կազմակերպված միջոցառումների համար պետությունից ստացած միջոցների մասին այս պահին հստակ թվեր չկան, սակայն խնդիրն անպայման կլինի կայքի ուշադրության կենտրոնում։

Տոնական միջոցառումներ կազմակերպող ընկերությունների թվում «Ֆակտորի փրոդաքշն» ընկերությունը ևս պատկանում է Փաշինյանի աշխատակազմի ղեկավար Էդուարդ Աղաջանյանի ընկերներին։ Այս ընկերությունը կազմակերպել է Երևան քաղաքի տոնական միջոցառումները, որի համար ստացել է ավելի քան 25 մլն դրամ։

Այս թեմայով Վիլյորբան քաղաքի պատվիրակությունն Աբովյանում էր կարևոր հանդիպումների ու հագեցած շրջայցի օրակարգով․ Էդուարդ Բաբայան Պատմական Հայաստանից հրաժարվելով՝ Նիկոլը մեզ դարձնելու է առանց հիշողոթյան անասուն․ Էդուարդ Շարմազանով Էդուարդ Սպերցյանը նախկին ԽՍՀՄ երկրների ամենաթանկ ֆուտբոլիստների հնգյակում է «Ժողովուրդ». ՔՊ խմբակցության նախկին պատգամավոր Էդուարդ Աղաջանյանը հարցաքննության է ներկայացել Հակակոռուպցիոն կոմիտեում Պետք է վախենալ ոչ թե պատերազմից, այլ «խաղաղ» ադրբեջանացումից․ Էդուարդ Շարմազանով Հո Բուդյոնին չեմ, որ թուրը ձեռս մտնեմ կռվի մեջ. Էդուարդ Շարմազանով Ազգակործան պատուհասները կգնան ու կկորեն պատմության աղբանոցում, քիչ մնաց․ Էդուարդ Շարմազանով Իսպանական ակումբներից մեկը հետաքրքրված է Էդուարդ Սպերցյանի ծառայություններով Փաշինյանի երազանքը «Զվարթնոց»-ում ռուսներին թուրքերով փոխարինելն է․ Էդուարդ Շարմազանով Զելենսկին, Փաշինյանն ու Ալիևը Արցախյան հարցում գաղափարակից ընկերներ են․ Արթուր Խաչատրյան