ՔՊ-ական պատգամավորի կարճ հիշողությունը. ե՞րբ է «մուրճը» հայտնվել նրանց ձեռքում

ՔՊ-ական պատգամավոր Հերիքնազ Տիգրանյանն այսօր ուշագրավ հայտարարություն է արել` նշելով, որ իրենց ձեռքին վերջին երեք տարիներին մուրճ չի եղել: Իշխող խմբակցության պատգամավորը, ով ժամանակին պայքարում էր մարդու իրավունքների, խոսքի ազատության, ժողովրդավարության արժեքների համար և ում այդ մասին հիշեցրին նաև ճեպազրույցների ժամանակ, հավելեց, որ «թավշյա» հեղափոխության ժամանակ իրենք ոչ միայն բարձրախոսերով են ակցիաներ արել, այլև այլ միջոցներով։ Բայց ուշագրավն այստեղ հենց մուրճի պատմությունն է, որը Փաշինյանի տրամաբանությամբ իրենից ենթադրում է բացարձակ իշխանություն՝ որոշակի ծրագրեր, բարեփոխումներ իրականացնելու համար: 

Եթե այդպես է, ապա գրեթե բոլոր ՔՊ-ականները, այդ թվում նաև Հերիքնազ Տիգրանյանը, հեղափոխությունից հետո միաբերան հայտարարում էին, որ ժողովրդի կողմից ստացել են բոլոր գործիքները երկրում անհրաժեշտ փոփոխությունները իրագործելու համար: Ստացվում է՝ բոլոր գործիքներից միայն մո՞ւրճն էր բացակայում, և հենց այդ մուրճի բացակայությո՞ւնն է պատճառը, որ իշխանությունները երեք տարի անատամ քաղաքականություն են վարել: Իրականում թե՛ մուրճն էր իշխանությունների ձեռքում, թե՛ մեխը, սակայն այդ մուրճն ու մեխը օգտագործվել է ակնհայտորեն ոչ նպատակային՝ հայոց պետականության դագաղի մեջ վերջին մեխը խփելու նպատակով: 

Իսկ եթե Տիգրանյանը նկատի ունի այն, որ վերջին երեք տարիներին մուրճը չի կիրառվել ընդդիմության և ԶԼՄ-ի ձայնը լռեցնելու համար, ապա նա, թերևս, ծանոթ չէ վերջին ամիսներին միջազգային հեղինակավոր կազմակերպությունների զեկույցներին, համաձայն որոնց` Հայաստանը հետընթաց է ապրել թե՛ խոսքի ազատության, թե՛ ժողովրդավարության մասով:

Այս թեմայով Փաշինյանը մերժել է Ֆրանսիայի նախագահի խնդրանքը․ 168.am Փաշինյանի գլխավորությամբ կառավարությունում տեղի է ունեցել խորհրդակցություն Փաշինյանը կուսակիցների հետ քննարկել է կրթության ոլորտի բարեփոխումները՝ «Հայրենիքը պետությունն է» հայեցակարգի դիտանկյունից Պետությունը շոու բիզնեսի ներկայացուցիչներից պահանջում է եկամտային հարկ և այս քաղաքականությունը պետք է ընդլայնել․ Փաշինյան Աստվածաշունչն ասում է՝ «ամեն իշխանությունն Աստծուց է»․ Փաշինյան (տեսանյութ) Զինվորն ի՞նչ գործ ունի սահմանին կանգնած․ Փաշինյան (տեսանյութ) Լեգիտիմությունն ավելի լավ երաշխավոր է, քան լավ երաշխավորը. Նիկոլ Փաշինյան (տեսանյութ) Ի՞նչ գործընթաց է սպասվում մոտակա օրերին Կիրանցում. Փաշինյանը մանրամասներ է ներկայացրել (տեսանյութ) Եթե Կիրանցի դպրոցն ադրբեջանցիների համար երևալը խնդիր է, կարող ենք ծառ տնկել, պատ կառուցել․ Փաշինյան (տեսանյութ) Կարող է մեր ինքնիշխան տարածքից դիրք դուրս գալ, որովհետև ՊՆ-ն այդ գծի վրա այլևս ծառայություն չի իրականացնելու. Փաշինյան (տեսանյութ)