«Լադանիվա»-ն մասնակցել է «Եվրատեսիլ 2024»-ի բացման պաշտոնական արարողությանը

Շվեդիայի Մալմյո քաղաքում տեղի է ունեցել «Եվրատեսիլ 2024»-ի բացման պաշտոնական արարողությունը։ «Փիրուզագույն գորգի» միջոցառմամբ ամեն տարի մեկնարկում է «Եվրատեսիլ» երգի մրցույթի կենդանի շոուների շաբաթը:

«Լադանիվա» խումբը ևս մասնակցել է «Փիրուզագույն գորգի» արարողությանը։ Այս տարի ևս «Փիրուզագույն գորգը» ուղիղ հեռարձակմամբ ցուցադրվել է «Եվրատեսիլ» երգի մրցույթի YouTube-ի ալիքով, ինչպես նաև TikTok-ի եվրատեսիլյան հարթակով։

«Լադանիվա»-ի մեներգչուհի Ժակլին Բաղդասարյանի զգեստը մոդելավորել է Մերի Ստեփանյանը։ Զգեստն ամբողջականացրել են Վանի Շամշիկ կոչվող թռչնազարդը, որը պտղաբերության խորհրդանիշ է։ Մատանիները խորհրդանշում են կենաց ծառը, իսկ թևնոցը հայկական գոտու դետալ է: Այս աքսեսուարները հայերը ստեղծել և կապել են 16-19-րդ դարերում։ Զարդերը «Ագուլեցի» թանգարանի նմուշներ են. դրանց ժամանակակից ոճավորման հեղինակը Աստղիկ Սամվելյանն է: 

Մայիսի 6-ից մեկնարկում է «Եվրատեսիլ»-ի մրցութային շաբաթը։ Երեքշաբթի՝ մայիսի 7-ին, տեղի կունենա առաջին կիսաեզրափակիչը։ Հայաստանը ներկայանալու է երկրորդ կիսաեզրափակիչում՝ մայիսի 9-ին։ Մրցույթի Մեծ եզրափակիչը տեղի կունենա շաբաթ օրը՝ մայիսի 11-ին։ Մրցույթն ուղիղ հեռարձակմամբ ցուցադրվելու է Առաջին ալիքով մայիսի 7-ին, 9-ին, և 11-ին՝ 23.00-ին։

Այս թեմայով Հայաստանի պատվիրակությունը մասնակցել է Փարիզի Խաղերի բացմանը Վլադիմիր Հակոբյանը դարձել է 2024 թվականի շախմատի ԱՄՆ վետերանների չեմպիոն Վահագն Խաչատուրյանը Փարիզում մասնակցել է «Սպորտը հանուն կայուն զարգացման» առաջին գագաթնաժողովին Հայկ Մարտիրոսյանը՝ «Biel Chess Festival 2024» միջազգային մրցաշարի արծաթե մեդալակիր Ռիոն միշտ կմնա ինձ հետ՝ իմ ամբողջ կյանքում, կուզեմ՝ այդպես նաև Փարիզ-2024-ը լինի. Արթուր Ալեքսանյան ՀՀ նախագահը մեկնել է Ֆրանսիա՝ մասնակցելու Օլիմպիական խաղերի բացման պաշտոնական արարողությանը «ՀՀ վարչապետի գավաթ» սիրողական լողի մրցաշարն 2024 թվականին կանցկացվի օգոստոսի 17-ին Լուրի պաշտոնական հերքումից իմացանք ԱԹՍ-ների ու ՀՕՊ-երի գները, որոնք ՀՀ-ն մերժել է գնել Իրանից․ Ռոբերտ Մարգարյան 2024 թվականի ամառային զորակոչի անցկացման ժամկետը երկարաձգվել է մինչև օգոստոսի 15-ը ներառյալ Հուսով եմ՝ Փարիզ-2024-ը կառանձնանա միայն դրական առումով. Մալխաս Ամոյան