Համանախագահների հետ նախ հումանիտար հարցերը լուծելու պայմանավորվածություն է ձեռք բերվել. Միրզոյան

Հայաստանի և Ադրբեջանի արտգործնախարարների՝ ԵԱՀԿ Մինսկի խմբի համանախագահների հետ համատեղ հանդիպմանը նախ հումանիտար հարցերին լուծում տալու, հայ գերիներին վերադարձնելու պայմանավորվածություն է ձեռք բերվել:

Այս մասին ասուլիսում ասաց ՀՀ ԱԳ նախարար Արարատ Միրզոյանը ՝ անդրադառնալով Նյու Յորքում ՄԱԿ-ի գլխավոր ասամբլեայի հերթական նստաշրջանի շրջանակում կայացած հանդիպումներին:

Միրզոյանը նախ փաստեց՝ ՀՀ-ն ողջունում է ԵԱՀԿ Մինսկի խմբի համանախագահության շրջանակում խաղաղ բանակցությունների վերսկսումը՝ ընդգծելով, որ Հայաստանը ԼՂ հիմնախնդրի լուծումը տեսնում է միայն այս ֆորմատով խաղաղ բանակցությունների միջոցով և ԵԱՀԿ Մինսկի խմբի համանախագահության մանդատի շրջանակում:

«Հանդիպման ընթացքում ձեռք ենք բերել կոնկրետ պայմանավորվածություններ՝ նախ քննարկել և փորձել լուծում տալ հումանիտար հարցերին, ինչպիսիք են հայ ռազմագերիների ազատ արձակումը, անհետ կորած զինվորների և քաղաքացիական աձանց ճակատագրի հետագա պարզաբանումը, աշխատանքներն այդ ուղղությամբ, ադրբեջանական վերահսկողության տակ մնացած հայկական մշակութային հուշարձաններին հասանելիությունը և մի շարք այլ խնդիրներ, ապա հետագայում ձեռնամուխ լինել համանախագահության մանդատի հիմնական կոմպոնենտի՝ ԼՂ կարգավիճակի շուրջ քննարկումներին»,- ասաց Միրզոյանը:

Նյու Յորքում կայացած հանդիպումների շրջանակում խոսվել է Մինսկի խմբի համանախագահների՝ տարածաշրջան այցի նախապատրաստման մասին: Մոտ օրերս այս հարցի վերաբերյալ հստակեցում կլինի:

Իսկ հարցին, թե ԵԱՀԿ Մինսկի խմբի համանախագահների միջնորդությամբ և նրանց հետ Ադրբեջանի ԱԳ նախարարի հետ հետագա հանդիպումներ սպասվո՞ւմ են, արդյոք, Միրզոյանն ասաց, որ ձեռք է բերվել առնվազն պայմանավորվածություն՝ գործընթացը շարունակելու և նոր հանդիպում կազմակերպելու:

Չնայած նոյեմբերի 9-ի եռակողմ հայտարարությանը՝ Ադրբեջանը մինչև օրս ամբողջությամբ չի վերադարձնում հայ գերիներին:

Այս թեմայով Միրզոյանը և Սերբիայի ԱԳ նախարարը քննարկել են տարածաշրջանային հարցեր Իշխանության՝ խնդիրները լսելու կամքը բավարար չէ դրանք լուծելու համար, բռնություններ չպիտի լինեն․ ՄԻՊ Իրանը «հարգում է» Ադրբեջանի և Հայաստանի միջև ձեռք բերված պայմանավորվածությունները Ի սկզբանե պայմանավորվածություն է եղել, որ հանդիպումը կայանալու է կառավարության շենքում․ փոխվարչապետի գրասենյակը՝ տավուշցիների հետ հանդիպման մասին ՀՀ քաղաքացիներն ունեն եվրոպական ձգտումներ, Հայաստանի և ՌԴ–ի հարաբերություններում կան որոշ խնդիրներ․ Միրզոյան Միրզոյանը ողջունել է G7-ի արտգործնախարարների հայտարարությունները Հարավային Կովկասի վերաբերյալ Մաքսանենգ ճանապարհով Մարտիրոս Սարյանի գործեր են դուրս բերվել երկրից Զատուլինը հայտնել է՝ ինչու են Արցախից դուրս բերվել ռուս խաղաղապահները Փաշինյանն ասաց, որ սահմանային հարցերը Ադրբեջանի հետ դեռ քննարկման ընթացքում է Միրզոյանն ու Խալեդ ալ-Էնանին մտքեր են փոխանակել համագործակցության հեռանկարների շուրջ (տեսանյութ)