Քայլեր են ձեռնարկվում հետագայում ամբողջությամբ օնլայն տարբերակի անցնելու համար․ Ամերիաբանկն ամփոփեց 3-րդ եռամսյակի ցուցանիշները (տեսանյութ)

Ամերիաբանկի ներկայացուցիչներն այսօր՝ հոկտեմբերի 28-ին, հրավիրված ասուլիսի ընթացքում ներկայացրեցին 3-րդ եռամսյակի ցուցանիշները։ Ինչպես նշեց Ամերիաբանկի տնօրինության նախագահ, գլխավոր տնօրեն Արտակ Հանեսյանը Ամերիաբանկը Հայաստանի բանկային համակարգում շարունակում է զբաղեցնել առաջատարի  դիրքը հիմնական ցուցանիշների գծով, մասնավորապես, ակտիվները կազմել են 1,079 մլրդ դրամ, պարտավորությունները՝ 955 մլրդ դրամ, վարկային ներդրումները 660 մլրդ դրամ, հաճախորդների նկատմամբ ունեցած պարտավորությունները՝ 672 մլրդ դրամ, զուտ շահույթը կազմել է 14 մլրդ դրամ։ Կանոնադրական կապիտալի գծով Բանկը զբաղեցնում է 2-րդ հորիզոնականը՝ 54 մլրդ դրամով։ 

Նա ընդգծեց՝ ամեն բան արվում է հաճախորդների հարմարավետության համար, քայլեր են ձեռնարկվում հետագայում ամբողջությամբ օնլայն տարբերակի անցնելու համար․ «Այս պահի դրությամբ միայն վարկի նախահաստատումն է տեղի ունենում օնլայն տարբերակով, այնուհետև մշակումը մասնաճյուղերի միջոցով է իրականացվում։ Ապագայում փորձելու ենք գործընթացը ավարտին հասցնել, որպեսզի առանց հաճախորդի մասնաճյուղ այցելելու հիփոթեքային վարկեր տրամադրվեն և միայն նոտարացման փուլում հաճախորդները ստիպված լինեն այցելել մասնաճյուղեր։ Չի բացառվում՝ նաև այնպիսի լուծումներ տալ, որպեսզի ընդհանրապես կարիք չլինի այցելել բանկ և առանց տնից դուրս գալու վարկը ձևակերպել»,- նշեց նա։

2021 թվականի 3-րդ եռամսյակի տվյալներով՝ Ամերիաբանկը Հայաստանի ամենախոշոր հարկատու բանկն է։ Բանկը, սեպտեմբերի 30-ի դրությամբ, պետական բյուջե է վճարել, ընդհանուր առմամբ, 7․13 մլրդ դրամի հարկ։ Այս ցուցանիշը նախորդ տարվա նույն ժամանակահատվածի համեմատ ավելացել է 62․5 %-ով։ 

Հանեսյանը նշեց, որ սուբսիդավորման երկու՝ կորոնավիրուսային համավարակի և գյուղատնտեսության աջակցման ծրագրերով, բանկը տրամադրել է 600 վարկ, որը կազմել է 40 մլրդ դրամ։ 

Ամերիաբանկի մանրածախ բանկինգի տնօրեն Արման Բարսեղյանը և Ամերիաբանկի ինովացիաների և թվայնացման գծով տնօրեն Արտյոմ Շամցյանը ներկայացրեցին կառուցապատողների և ավտոսրահների առաջարկները մեկ հարթակում, ինչպես նաև շեշտեցին, որ բանկը ստեղծել է նաև այլ առցանց գործիքներ՝ Ameriastream` դրամային արագ փոխանցումներ, առցանց վճարումներ կայքի միջոցով, օնլայն ապահովագրություն՝ ապահովագրական պայմանագրերի կնքում ՝ առանց բանկ այցելելու, www.liooli.am՝ օնլայն գնումների հարթակ, որտեղ ներկայացված է հայ արտադրողների ապրանքատեսականին։ 

Այս թեմայով Ամերիաբանկի վարկային պորտֆելը գերազանցել է 1 տրիլիոն ՀՀ դրամը 2 խաղարկություն և 91 նվեր քարտ. Ամերիաբանկն ամփոփեց արդյունքները Առաջինը Հայաստանում. Ամերիաբանկի հիփոթեքային պորտֆելը գերազանցել է 200 մլրդ դրամը Ամերիաբանկի ՓՄՁ վարկային պորտֆելը hինգ տարում գրանցել է կրկնակի աճ Առաջինը Հայաստանում. MyAmeria-ում գործարկվել է Visa Card Subscription-ը Ամերիաբանկն ամփոփեց Visa-ի հետ համատեղ արշավը. Հայտնի է Volkswagen ID.4 էլեկտրամոբիլի հաղթողը Արտարժույթ փոխարկող լավագույն բանկը Հայաստանում. «Եռակի լավագույն» Ամերիաբանկի նոր մրցանակը Խելացի լուծումների կիրառումը ֆինանսական ընկերություններում. Ամերիաբանկը` Silicon Mountains 2022-ի գործընկեր Ամերիաբանկ․ Հայաստանի բանկային ոլորտի ավանգարդում «Ամերիա Բիզնես» թվային հարթակն առաջարկում է նոր հնարավորություններ