Ինչ եղանակ է սպասվում նոյեմբերին

ՀՀ շրջակա միջավայրի նախարարության Հիդրոօդերևութաբանության և մոնիթորինգի կենտրոնը ներկայացրել է նոյեմբեր ամսվա կլիմայական բնութագիրը և եղանակային կանխատեսումը:

Համաձայն կենտրոնի ներկայացրած տվյալների, հանրապետությունում համեմատաբար տաք է նոյեմբերի առաջին տասնօրյակը (տասնօրյակային միջին ջերմաստիճանը` 4°C), երրորդ տասնօրյակի միջին ջերմաստիճանը հանրապետությունում բացասական է` -0.5°C, երկրորդ տասնօրյակի վերջին լեռնային առանձին շրջաններում տեղի է ունենում ջերմաստիճանի անկում՝ 0°C-ից ցածր: Նոյեմբերին կտրուկ մեծանում է մառախլապատ օրերի թիվը, հատկապես լեռնանցքներում` 25 օր: Մառախուղ առավել հաճախ դիտվում է առավոտյան ժամերին:

Արարատի և Արմավիրի մարզերում, Արագածոտնի և Կոտայքի մարզի նախալեռնային շրջաններում օդի ամսական միջին ջերմաստիճանը սպասվում է +7...+8⁰C, որը 1-2 աստիճանով բարձր է բազմամյա միջին արժեքից: Առանձին օրեր հնարավոր է օդի ջերմաստիճանի բարձրացում ցերեկը՝ մինչև +18...+20⁰C, երրորդ տասնօրյակում կանխատեսվում է օդի ջերմաստիճանի նվազում` գիշերը մինչև -3...-5⁰C : Ամսական տեղումների քանակը սպասվում է նորմային մոտ:

Շիրակի և Գեղարքունիքի մարզերում, Արագածոտնի և Կոտայքի մարզի լեռնային շրջաններում օդի ամսական միջին ջերմաստիճանը սպասվում է +2...+4⁰C, որը 1-2 աստիճանով բարձր է բազմամյա միջին արժեքից:  Առանձին օրեր  հնարավոր է օդի ջերմաստիճանի  բարձրացում ցերեկը` մինչև  +13...+16⁰C, երրորդ տասնօրյակում կանխատեսվում է օդի ջերմաստիճանի նվազում, գիշերը մինչև -10...-15⁰C: Ամսական տեղումների քանակը սպասվում է նորմային մոտ:

Լոռու մարզում օդի ամսական միջին ջերմաստիճանը սպասվում է +5...+7⁰C, որը 1-2 աստիճանով բարձր է բազմամյա միջին արժեքից: Առանձին օրեր  հնարավոր է օդի ջերմաստիճանի բարձրացում ցերեկը` մինչև +17...+20⁰C, երրորդ տասնօրյակում կանխատեսվում է օդի ջերմաստիճանի նվազում` գիշերը մինչև -10...-15⁰C: Ամսական տեղումների քանակը սպասվում է նորմային մոտ:

Տավուշի մարզում օդի ամսական միջին ջերմաստիճանը սպասվում է +6...+9⁰C, որը 1-2 աստիճանով բարձր է բազմամյա միջին արժեքից: Առանձին օրեր  հնարավոր է օդի ջերմաստիճանի  բարձրացում ցերեկը` մինչև  +18...+22⁰C, երրորդ տասնօրյակում կանխատեսվում է օդի ջերմաստիճանի նվազում` գիշերը մինչև -2...-5⁰C: Ամսական տեղումների քանակը սպասվում է  նորմային մոտ:

Վայոց ձորի մարզում օդի ամսական միջին ջերմաստիճանը սպասվում է նախալեռնային շրջաններում +7...+9⁰C, լեռնային շրջաններում` +2...+4⁰C, որը 1-2 աստիճանով բարձր է բազմամյա միջին արժեքից: Առանձին օրեր հնարավոր է օդի ջերմաստիճանի բարձրացում ցերեկը նախալեռնային շրջաններում մինչև +18...+21⁰C, լեռնային շրջաններում՝ +12...+16⁰C, երրորդ տասնօրյակում կանխատեսվում է օդի ջերմաստիճանի նվազում` գիշերը նախալեռնային շրջաններում մինչև` -3...-6⁰ C, լեռնային շրջաններում` -10...-15⁰C: Ամսական տեղումների քանակը սպասվում է նորմային մոտ:

Սյունիքի մարզում օդի ամսական միջին ջերմաստիճանը սպասվում է հովտային շրջաններում +8...+10⁰C, նախալեռնային շրջաններում` +4...+6⁰C, որը 1-2 աստիճանով բարձր է բազմամյա միջին արժեքից: Առանձին օրեր հնարավոր է օդի ջերմաստիճանի բարձրացում ցերեկը հովտային շրջաններում  մինչև` +20...+25⁰C, նախալեռնային շրջաններում՝ +16...+20⁰C, երրորդ տասնօրյակում սպասվում է օդի ջերմաստիճանի նվազում` գիշերը հովտային շրջաններում մինչև` 0...-3⁰C, նախալեռնային շրջաններում` -8...-13⁰C: Ամսական տեղումների քանակը  սպասվում է նորմային մոտ:

Երևան քաղաքում օդի ամսական միջին ջերմաստիճանը սպասվում է +7...+8⁰C, որը 1-2 աստիճանով բարձր է բազմամյա միջին արժեքից:  Առանձին  օրեր հնարավոր է  օդի  ջերմաստիճանի  բարձրացում  ցերեկը՝  մինչև  +18...+20⁰C, երրորդ տասնօրյակում կանխատեսվում է օդի ջերմաստիճանի նվազում` գիշերը մինչև -3...-5⁰C: Ամսական տեղումների քանակը սպասվում է նորմային մոտ:

Այս թեմայով Ռուսաստանում առաջիկա ամսում հրաժարականներ են սպասվում. Ведомости Երևանում և առանձին շրջաններում սպասվում է կարճատև անձրև և ամպրոպ Ինչպիսի եղանակ է սպասվում առաջիկա օրերին Արցախում ռուս-թուրքական համատեղ մոնիթորինգի կենտրոնի գործունեությունը կդադարեցվի Ի՞նչ է սպասվում Հայաստանին՝ Իրան-Իսրայել լայնածավալ պատերազմի դեպքում Ինչպիսի եղանակ է սպասվում առաջիկա օրերին Սպասվում են պաշտոնյաների ձերբակալություններ. իրավապահները «Ուիգմոր» ԲԿ-ում են Երևանի թիվ 4 առողջության կենտրոնի «Նորք-Մարաշ» մասնաճյուղի հիմնանորոգման աշխատանքները ավարտին են մոտենում ԱԺ են այցելել Հայաստանի մարզերի և մայրաքաղաքի դպրոցների, երիտասարդական կենտրոնի, արվեստի դպրոցի սաներ ու ուսուցիչներ Սպասվում են տեղումներ, օդի ջերմաստիճանը կնվազի