Խնդրում ենք ձեզ հորդորել հնարավորինս կարճ ժամկետում պատվաստվել․ Հայկական Բժշկական Ասոցիացիայի բաց նամակը կաթողիկոսներին

Հայկական Բժշկական Ասոցիացիան (ՀԲԱ) բաց նամակ է հղել Ն.Ս.Օ.Տ.Տ. Գարեգին Բ. Ամենայն Հայոց Կաթողիկսին և Մեծի Տանն Կիլիկիո Արամ Ա.Կաթողիկոսին, որ սատար կանգնեն առողջապահական համակարգին, օժանդակեն կորոնավիրուսի դեմ պայքարին և ժողովրդին հորդորեն հնարավորինս կարճ ժամկետներում պատվաստվել։ Բաց նամակն ամբողջությամբ՝ ստորև․

«Հայկական Բժշկական Ասոցիացիան մեր երկրի խոշորագույն բժշկական հասարակական կառույցն է, ներկայացնում է հազարավոր բժիշկների։ Նրանցից շատերն արդեն երկար ամիսներ ամեն օր պայքարում են կորոնավիրուսով վարակաված մեր հայրենակիցների կյանքի համար։ Նրանց շնորհիվ ապաքինվել են հարյուր հազարավոր հիվանդներ։

Ցավոք, այս պայքարը միշտ չէ, որ պսակվում է հաջողությամբ, ունենք հազարավոր զոհեր, որոնց թիվն աճում է ամեն ժամ։ Մենք անպայման շարունակելու ենք մեր աշխատանքը և պայքարելու ենք յուրաքանչյուր կյանքի համար,բայց այսօր մենք ունենք Ձեր աջակցության կարիքը։ Ամբողջ աշխարհում կորոնավիրուսի դեմ պայքարի լավագույն միջոցը պատվաստումն է, որի շնորհիվ հնարավոր է նվազեցնել մահերի քանակը բազմակի անգամներ։

Ցավոք, Հայաստանում հակապատվաստումային շարժումը հաճախ ուղեկցվում է կեղծ ու շինծու կրոնական թեզերով, որոնք որևէ կապ չունեն մեր իրական հավատի հետ։ Ստեղծվում է արհեստական անվստահության միջավայր, որն էլ մեր հայրենակիցների շրջանում բերում է պատվաստումային գործընթացի դանդաղեցման։

Ցավոք, հապաղումն այս պարագայում հաճախ հավասար է մահվան։ Խնդրում ենք Ձեզ, սատար կանգնել մեր առողջապահական համակարգին, օգտագործել Ձեր հեղինակությունը, ժողովրդին հասցնել հայրապետական խոսքն ու հորդորել հայոց եկեղեցու հետևորդներին հնարավորինս կարճ ժամկետներում պատվաստվել։

Վստահ ենք, որ միասնական ջանքերով կկարողանանք հաղթահարել նաև այս արհավիրքը։ Հարգանքով՝ ՀԲԱ Նախագահ Ա․Սողոյան»։

Այս թեմայով Վճռական քայլեր ձեռնարկեք Ռուբեն Վարդանյանի առողջական խնդիրների լուծման համար․ բաց նամակ ԿԽՄԿ-ին Տավուշի համայնքապետերը Փաշինյանին հորդորել են անցկացնել սահմանազատում ՀՀ ողջ տարածքով Պաշտոնական բան չեմ կարա ասեմ, խնդրում եմ, եկել եմ՝ լսեմ բնակիչներին. փոխոստիկանապետ Կարեն Հակոբյան (տեսանյութ) Փնտրվում է ՄԻՊ-ը. գտնողներին խնդրում ենք հարցեր տալ Նարեկ Սամսոնյանի և Վազգեն Սաղաթելյանի ձերբակալության ու կալանավորման մասին Այո, ներողություն եմ խնդրում. Սյունիքի մարզպետը՝ Շուռնուխում կառուցվելիք տների ուշացման մասին Բացասական ջերմաստիճանի շատ կարճ տևողությունը և փոքր արժեքներն առանձնապես չեն կարող ազդել ծաղկած պտղատուների վրա Խնդրում եմ նման դեպքերի մասին ծնողները ահազանգեն մեզ․ ԿԳՄՍ նախարարը՝ փառքի անկյունները հանելու մասին Կարմրուկը մանկական անվնաս հիվանդություն չէ․ ՀՀ ԱՆ-ն կոչ է անում պատվաստվել Շնորհավոր Կանանց միջազգային օրը․ Խնդրում ենք նկատի ունենալ, որ դեսպանատունն այսօր փակ է Մարզպետը արցախցիներին հորդորել է մնալ ու շարունակել ապրել Վարդենիսում՝ տուրք չտալով սադրիչ լուրերին