Բանկերը ներել են պատերազմում զոհված անձանց և նրանց հարազատների 2.8 մլրդ դրամի չափով վարկերը

Հայաստանյան բանկերը ներել են պատերազմում զոհված անձանց և նրանց հարազատների վարկային պարտավորությունները՝ մոտ 2.8 մլրդ դրամի չափով, այս մասին ասաց ՀՀ արդարադատության փոխնախարար Երանուհի Թումանյանցը՝  ԱԺ պետաիրավական հարցերի մշտական հանձնաժողովի նիստում՝ «Դատական ակտերի հարկադիր կատարման մասին» օրենքում լրացումներ կատարելու մասին օրենքի նախագծի քննարկմանը:

 Փոխնախարարը հայտնեց. «2021 թվականի հունիսի 30-ի դրությամբ Կենտրոնական բանկը հայտնել է, որ վարկային կազմակերպությունների ու բանկերի կողմից պատերազմում զոհված զինծառայողների ու վերջիններիս ընտանիքների վարկային պարտավորությունների մասով զիջվել է 2.8 մլրդ դրամ, ծառայություն է ներկայացվել 728 կատարողական թերթ, որից արդեն իսկ զիջվել են 593-ը»:

Անդրադառնալով նախագծին՝ Թումանյանցն ասաց, որ նախագծի ընդունման նպատակը պայմանավորված է այն հանգամանքով, որ բազմաթիվ բանկեր և վարկային կազմակերպություններ, ինչպես նաև շատ պարտապաններ այս ընթացքում պայմանավորված 2020-ի սեպտեմբերի 27-ին հայտարարված ռազմական դրությամբ, զիջել են պարտքերը: «Եվ դրա արդյունքում, թեև եղել են այդ պահին արդեն իսկ հարուցված կատարողական վարույթներ, իրավիճակն այնպիսին է, որ այդ վարույթների շրջանակում գանձվում են գումարներ, որոնք մնում են պարտատիրոջ վրա: Մենք ուղղակի նախագծով զիջում ենք այդ գանձումները, կատարողական ծախսերը, որոնք պետք է վճարի պարտատերը»,-ասաց փոխնախարարը:

 Դատական ակտերի հարկադիր կատարման մասին օրենքով կան կատարողական վարույթի համար կարճման ենթակա հիմքեր, այդ թվում նաև Քաղաքացիական օրենսդրությամբ կան պարտավորության դադարումը ներելու հիմք, միաժամանակ կա ԴԱՀԿ մասին օրենքում այնպիսի կարգավորում, որի համաձայն, եթե այսպիսի իրավիճակ է ստեղծվում, և կարճվում կամ ավարտվում են դիմումի հիման վրա կատարողական գործողությունների ծախսերը, այդ դեպքում պետք է գանձվեն, և բռնագանձման ենթակա գումարը պետք է պակաս չլինի, քան 1 տոկոսը: «Այս պարագայում այդ բեռն ընկնում է բանկերի, վարկային կազմակերպությունների վրա, որոնք զիջելով պարտքը, նաև ստացվում է, որ ստիպված են կրել այդ ծախսերը»,-ասաց փոխնախարարը:

ՀՀ ազգային ժողովը հոկտեմբերի 21-ին ընդունել էր կառավարության կողմից ներկայացված Հայաստանի Հանրապետության հարկային օրենսգրքում լրացումներ կատարելու մասին օրենքի նախագիծը, որով հնարավորություն է ընձեռվում, որ բանկերն ու վարկային կազմակերպությունները կարողանան առանց հարկային հետևանքներ կրելու ներել ռազմական գործողությունների հետևանքով զոհված, անհետ կորած կամ հաշմանդամություն ձեռք բերած անձանց և նրանց հետ փոխկապակցված անձանց որոշակի շրջանակի վարկային պարտավորությունները:

Այս թեմայով Խաղաղություն ու բարգավաճում մեր պետությանը, քաջառողջություն մեր վետերաններին և հավերժ փառք զոհված հայորդիներին. ՀՀ նախագահ Այս պայքարը հայկական է. պիտի միանան զոհված զինծառայողների բոլոր պատվախնդիր ծնողները. տիկին Գոհար Ըստ նիկոլականների ու նրանց արբանյակների՝ Եկեղեցին պիտի անջատ լինի նաև հասարակությունից. Ռուբեն Մելիքյան Այսօր Ոսկեպար գյուղի տարածքում զոհված ոստիկանների 33-րդ տարելիցի օրն է 300 մլն դրամի ներդրում սահմանամերձ համայնքում. կնքվեց խեցգետնաբուծության զարգացման պետական աջակցության մասնակցության առաջին պայմանագիրը Զոհված հերոսի մոր կոչը հանրությանը Շարժման քայլերթին են միացել նաև զոհված զինծառայողների հարազատները (տեսանյութ) Սադրանքներ եղե՞լ են ինչ-որ անձանց կողմից․ հարցեր՝ Բագրատ Սրբազանին (տեսանյութ) Ապօրինի ծագման գույքի գործերով 1,3 մլրդ դոլարից ավելի հայց ունենք. թիվը կարող է աճել. դատախազ Բայդենը ներել է 317 000 ուսանողի՝ 6,1 միլիարդ դոլարի պարտքը