Երևանի քաղաքապետը իրավունք կունենա փոփոխել մինչև 2008 թվականի իրավական ակտերը

Երևանի քաղաքապետին իրավասություն է վերապահվելու փոփոխել, լրացնել, ուժը կորցրած ճանաչել մինչև 2008 թվականը մարզպետի կարգավիճակ ունեցած Երևանի քաղաքապետի, Երևանի քաղաքային և շրջանային խորհուրդների կողմից ընդունված և իրավական ուժը պահպանած ակտերը, ինչպես նաև ապահովել դրանց կատարումը:

Ազգային ժողովի տարածքային կառավարման, տեղական ինքնակառավարման, գյուղատնտեսության եւ շրջակա միջավայրի պահպանության հարցերի մշտական հանձնաժողովի նիստում ներկայացնելով «Երեւան քաղաքում տեղական ինքնակառավարման մասին» օրենքում լրացումներ կատարելու մասին նախագիծը՝ ասաց ՀՀ տարածքային կառավարման եւ ենթակառուցվածքների նախարարի տեղակալ 

Վաչե Տերտերյանը:

«Մինչև 2008 թվականը` Երևանում ամբողջական տեղական ինքնակառավարման համակարգի ներդրումը, ունեինք Երևանի քաղաքապետ պետական տարածքային մարմնի կարգավիճակով և ունեինք թաղային համայնքներ` որպես լիարժեք տեղական ինքնակառավարման մարմիններ և,բնականաբար, Երևանի քաղաքապետարանն ուներ որոշակի ծավալով ընդունված իրավական ակտեր, իսկ իրավահաջորդը` Երևանի քաղաքապետը տեղական ինքնակառավարման մարմին չի հանդիսանում: Այդ ակտերից որոշակի մասը ունեն իրավական ուժ: Դրանք գործող իրավական ակտեր են, կարգավորում են որոշակի հարաբերություններ` քաղաքացիների, տնտեսավարողների, սուբյեկտների: Շատ հաճախ այդ իրավական ակտերում  անհրաժեշտ է լինում կատարել որոշակի ուղղումներ, փոփոխություններ` հիմնականում տեխնիկական բնույթի: Փոխվում են փողոցների անուններ, փոխվում են ամենատարբեր հողային հարաբերություններ, և իրավական ակտերը փակուղային վիճակում են հայտնվում, որովհետև դրանց մեջ փոփոխություններ կատարելը դառնում է անհնար, որովհետև ինստիտուտը, որն ընդունել է իրավական ակտը, չկա, իսկ այն ինստիտուտը, որն այսօր պատասխանատու է այդ իրավահարաբերությունների համար, մասնավորապես` հասցեների, հողերի, սխեմաների, հատակագծերի համար, այդ իրավասությունը չունի»,- ասաց Տերտերյանը:

Նախարարի տեղակալը նշեց, որ նախագծով լուծվում է այդ բոլոր խնդիրները: Հանձնաժողովը դրական եզրակացություն տվեց նախագծին:

Այս թեմայով Այսօր երեկոյան տեղի կունենա մոմավառություն՝ ի հիշատակ Սոնա Մնացականյանի և նրա չծնված երեխայի Երևանի դպրոցներից մեկում 14-ամյա տղաները հարվածել են համադասարանցու գլխին. նա հոսպիտալացվել է «Կանգնի՛ր կամ հանձնի՛ր»․ Երևանի մի շարք փողոցներ պարալիզացված են․ ակցիաները շարունակվում են «Իրավունք». Լեո Նիկոլյանի վիճակն օր օրի վատթարանում է, իսկ նրա մուտքը Հայաստան շարունակում է փակ մնալ Օկուպացված Արցախում մինչև 2026-ի վերջ մոտ 40 000 ադրբեջանցի կբնակեցվի Սուրեն Պապիկյանն ընդունել է Եվրոպայի խորհրդի Երևանի գրասենյակի ղեկավարին Սա Տավուշում հավելյալ հնարավորություն է, շրջանավարտը բուհ ընդունվելու 3-րդ հնարավորություն կունենա (տեսանյութ) Ապրիլի 28-ին Երևանի կենտրոնում փակ փողոցներ կլինեն Երևանի և մարզերի որոշ հասցեներում լույս չի լինի Ոչ մեկն իրավունք չունի հող հանձնելու. առաջարկում եմ ստեղծել ինքնապաշտպանական ջոկատներ (տեսանյութ)