Որոշումը ես եմ կայացրել՝ քաղաքական ենթատեքստ ունենալով. Արագածոտնի մարզպետը խոստացավ փոխել Փաշինյանի ընկերոջ թեկնածությունը

Արագածոտնի մարզի Բյուրական համայնքում լարված իրավիճակը հանգուցալուծվեց այն բանից հետո, երբ իրենց հետ հանդիպման եկավ Արագածոտնի մարզպետը՝ Ռազմիկ Պետրոսյանը։ Նշենք, որ բնակիչները բողոքի ակցիա էին անում ընդդեմ համայնքի ժամանակավոր պաշտոնակատար Ռադիկ Գևորգյանի։

Նրանց փոխանցմամբ, Գևորգյանը պատրաստ է հեռանալ՝ Բյուրականը ցնցումների չտանելու համար։ Համաձայնության են եկել իրենց կողմից համայնքի ղեկավարի թեկնածու առաջարկել Սպարտակ Ռոստոմյանին՝ Բյուրականի բնակչին։

Համայքնապետարանի մոտ բողոքի ակցիայի մասնակիցներին մոտեցավ Արագածոտնի մարզպետ Ռազմիկ Պետրոսյանը և ասաց.

«Տեսա՝ ավելի շատ քաղաքական նրբերանգներ ենք ուզում տալ այս ամենին։ Ավելի շատ ուզում ենք մեզ համոզել, որ Բաբայանը դեմ է ներկա իշխանություններին՝ ինչու ենք մեզ մոտ ուզում նման տպավորություն ձևավորել։ Մի՛ արեք նման բան»,- ասաց մարզպետը՝ հավելելով, որ առաքելություն ունեն, որն ավելի կարևոր է։ Վերջինս նշեց, որ նոր նշանակված ժամանակավոր պաշտոնակատարի հետ անձամբ գրեթե չի շփվել։

«Քաղաքական գործընթացներ են գնում՝ ընտրություններ։ ԺՊ ենք նշանակել մարդու, ում մենք ենք խնդրել, որ գա որպես համայնքի բնակիչ, հիմա կարող է գրանցված չէ։ Այդ որոշումը ես եմ կայացրել, դա դոգմա չէ, դա կայացվել է քաղաքական ենթատեքստ ունենալով, որևէ անձի դեմ ուղղված չէ»։

Բնակիչները նշեցին, որ միևնույնն է՝ չեն ընդունում պաշտոնակատարին՝ «վեկալեք ձեր կամակատարին, տարեք էստեղից»։ Մարզպետը պնդեց, որ կամակատարներ գոյություն չունեն, բոլորը նույն առաքելությունն են անում։ Նա հայտարարեց, որ անձամբ ինքն է հրամանը տվել ժամանակավոր պաշտոնակատար նշանակել Գևորգյանին, դեկտեմբերի հինգից հետո անդրադառնալու են համայնքերի վարչատարածքային ղեկավարներին, թե՛ նախկին թե՛ ներկա ԺՊ-ների անունները չեն առաջարկվի։ Մարզպետը հավելեց, որ վարչապետի և պետական կառավարման անունը չպետք է շոշափվի, որոշումն իրենն է եղել, եթե կա դժգոհություն, կնշանակվի այլ ժամանակավոր պաշտոնակատար, գյուղի բնակիչ, այդպիսով հարցին լուծում կտրվի։

Հիշեցնենք, որ վաղ առավոտից բնակիչները թույլ չէին տալիս, որպեսզի ԺՊ–ն համայնքապետարանի շենք մտնի։ Բյուրականի բնակիչները պահանջում էին, որ իրենց համայնքի ժամանակավոր պաշտոնակատար նշանակեն մեկին, որը ծանոթ է իրենց և իրենց խնդիրներին։

Այս թեմայով ՈւՂԻՂ․ Բողոքի ակցիա Հրազդանում ԱՄՆ համալսարաններում զանգվածային բողոքի ցույցեր են (լուսանկարներ) Տանը խելոք չենք նստելու ու մորթվենք, զենքերը վայր դնել պետք չէ, պայքար է պետք. բողոքի ակցիա (տեսանյութ) ՈՒՂԻՂ. Բողոքի ակցիա ԱԺ-ի դիմաց. պահանջում են Փաշինյանի հրաժարականը «Տարօրինակ» ու կրեատիվ բողոքի ակցիա՝ Մոնումենտի կամրջի տակ. 1930-ականների հագուստով ցուցարարները բողոքում են. Ռուբեն Մելիքյան Հանրապետության հրապարակում ինքնաբուխ բողոքի ակցիա է (տեսանյութ) Մենք հեղափոխություն չենք անում, վարչապետ չենք փոխում, բայց թուրքին մի բերեք մեր տան մեջ. ակցիա Ժողովուրդ, հելեք ոտի, կործանման են տանում, ես արդեն տուն եմ կորցրել, փողով չեն խաբի ոչ մեկիս. ակցիա Մեր բանակն լավ էլ կռվել ա, նիկոլականներն եկել, ասել են` էդ իրանց հողն ա, պետք ա հետ նահանջենք. ակցիա (տեսանյութ) «Մեկի քթից արյուն էկավ, պատասխանը տալու ես», «Դու ԱԺ պատգամավոր ես, հեռու գնա». բողոքի ակցիա (տեսանյութ)