Miramax-ը դատի է տվել Քվենտին Տարանտինոյին

Miramax կինոստուդիան դատի է տվել ռեժիսոր Քվենտին Տարանտինոյին` պահանջելով նրան արգելել «Pulp Fiction»-ի կտրված֊հանված տեսարանները NFT֊թոքեների տեսքով վաճառել: Այս մասին գրում է The Hollywood Reporter-ը։ Ընկերությունը հայցում նշել է, որ Տարանտինոյի գործողությունները կարող են թյուրիմացության առիթ լինել առ այն, որ Miramax-ը նույնպես ներգրավված է նրա գործողությունների մեջ։ Ըստ կինոստուդիայի՝ ռեժիսորի գաղափարը կարող է նաև «խրախուսել ուրիշներին հավատալ, որ իրենք ունեն նմանատիպ գործարքներ իրականացնելու իրավունք», թեև «Miramax գրադարանի հետ կապված NFT-ների մշակման, խթանման և վաճառքի իրավունքները պատկանում են կինոընկերությանը»: Միևնույն ժամանակ, The Hollywood Reporter-ը նշում է, որ ստուդիայի հետ ռեժիսորի պայմանագրի պատճենի համաձայն՝ Տարանտինոն պահպանել է ֆիլմի որոշ իրավունքները, այդ թվում՝ սցենարի հրապարակումը, ֆիլմի վերաբերյալ գրքերը, դրա սաունդթրեքը, շարունակությունը վերափոխելու իրավունքը և այլն։ Ի պատասխան Miramax-ի նամակի՝ Տարանտինոյի փաստաբանն ասել է, որ ռեժիսորը գործում է սցենարը հրապարակելու իր իրավունքների շրջանակներում։

«Pulp Fiction» ֆիլմը թողարկվել է 1994 թվականին։ 1995 թվականին նա ստացել է Օսկարի յոթ անվանակարգ։ Լավագույն օրիգինալ սցենար անվանակարգում հաղթողներ են հռչակվել Տարանտինոն և Ռոջեր Էյվերին։ Բացի այդ՝ ֆիլմը Կաննի կինոփառատոնում արժանացել է Ոսկե արմավենու մրցանակին։ Ֆիլմում նկարահանվել են Ջոն Տրավոլտան, Սամուել Լ. Ջեքսոնը, Ումա Թուրմանը և Բրյուս Ուիլիսը:

Այս թեմայով Սամուել Լ. Ջեքսոնը պատասխանել է Տարանտինոյին Marvel-ի դերասաններին քննադատելու համար