Քաղաքական ենթատեքստ․ Զարուհի Նախշքարյանի շուրջ օղակը սեղմվում է

Բարձրագույն դատական խորհուրդը Գագիկ Ջհանգիրյանի գլխավորությամբ հրապարակած 2 որոշումներից մեկով նախ մերժեց Երևան քաղաքի ընդհանուր իրավասության դատարանի դատավոր Զարուհի Նախշքարյանին կարգապահական պատասխանատվության ենթարկելու Արդարադատության նախարարի միջնորդությունը, ապա՝ խիստ նկատողություն հայտարարեց դատավորին։

Առաջին վարույթի հիմքում այն էր, թե արդյոք դատավորը կարող էր հայցը վերադարձնել ընդդատության կանոններով, թե ոչ։ Ըստ միջնորդության հիմնավորման՝ դատավորի կողմից թույլ էին տրվել «ՀՀ քաղաքացիական դատավարության օրենսգրքի» 121-րդ հոդվածի 2-րդ մասի 3-րդ կետում, 125-րդ հոդվածի 1-ին մասում, 127 հոդվածի 1-ին մասում ամրագրված պահանջների, «ՀՀ դատական օրենսգիրքի» 69-րդ հոդվածի 1-ին մասի 1-ին կետում, 70-րդ հոդվածի 2-րդ մասի 3-րդ կետում ամրագրված վարքագծի կանոնների խախտումներ: Դատավորի նկատմամբ կարգապահական վարույթ էր հարուցվել դեռևս 1.5 տարի առաջ ընդդատության խախտման պատճառաբանությամբ դատարան ներկայացված հայցադիմումը վերադարձնելու մասին որոշում կայացնելու համար։

Երկրորդ վարույթի հիմքում Շուշան Փաշինյանն ընդդեմ Նարեկ Սամսոնյանի գործն էր, որի հիմքում եղել է այն, որ Նախշքարյանը վարչապետ Նիկոլ Փաշինյանի դստեր՝ «Շուշան Փաշինյանի հայցն ընդդեմ Նարեկ Սամսոնյանի» դատական գործի շրջանակներում ինքնաբացարկ չի հայտնել։ Այս մասով քննարկվում էր՝ արդյոք դատավորը կարո՞ղ է ինքնաբացարկի միջնորդությունը մերժել, եթե չի տեսնում անաչառության խնդիր։ Զարուհի Նախշքարյանի նկատմամբ կարգապահական վարույթ էր հարուցվել նշված գործով ինքնաբացարկ չհայտնելու համար։ ՀՀ արդարադատության նախարարությունը վարույթը հարուցել էր՝ Փաշինյանների փաստաբան Գևորգ Գյոզալյանի ներկայացրած հաղորդման հիման վրա։

Սակայն, ԲԴԽ-ն բավարարեց  Նախշքարյանի նկատմամբ կարգապահական պատասխանատվության ենթարկելու վերաբերյալ արդարադատության նախարարի ներկայացրած մեկ այլ միջնորդություն, որով դատավորի նկատմամբ հայտարարվեց խիստ նկատողություն։ Վարույթը, որը հարուցվել է այն հիմքով, թե արդյոք դատավորը դուրս է եկել հայցի սահմաններից, թե ոչ՝ դեռ պետք է քննվի։

Նախշքարյանի ներկայացուցիչ Ռուբեն Մելիքյանը  բազմիցս նշել է, որ քաղաքական ենթատեքստ է տեսնում դատավորի դեմ իրականացվող գործողություններում․ «Իշխանությունների ցանկություններին չհամապատասխանող վճիռ կայացրած հերթական դատավորի դեմ արդարադատության նախարարությունը հարուցել է կարգապահական վարույթ։ Երևան քաղաքի առաջին ատյանի դատավոր Զարուհի Նախշքարյանին նախարարությունը մեղադրում է այն բանի համար, որ Նիկոլ Փաշինյանի դստեր հայցով քննվող մի քաղաքացիական գործի շրջանակներում ինքնաբացարկ չի հայտնել՝ այն պայմաններում, երբ ժամանակին քննադատել է հայտնի «վնգստացող դատավորներ» արտահայտությունը»։

Այս թեմայով Կարեն Հակոբյանը՝ Գեղարքունիքի առաջին ատյանի ընդհանուր իրավասության դատարանի դատավոր Ադրինե Ղուկասյանը՝ Վերաքննիչ քրեական դատարանի դատավոր «Ժողովուրդ». 36 կգ ոսկու եւ 293 միլիոն ռուբլու անհետացման գործով վկայի կարգավիճակում դատավոր է հարցաքննվել 2-5 տարի ազատազրկում կամ 3 տարի ուղղիչ աշխատանքային գաղութի պատիժ է սպառնում Ցեղասպանությունը ժխտելու կամ մարդկության դեմ հանցագործության վտանգավորությունը նսեմացնելու համար. նախկին դատավոր Զարուհի Նախշքարյան «Ժողովուրդ». ԲԴԽ դատավոր անդամի միակ թեկնածուն նախորդ տարի ՔՊ-ի կողմից մերժվածն է Ժենյա Նազարյանը նշանակվել է Արագածոտնի մարզի առաջին ատյանի ընդհանուր իրավասության դատարանի դատավոր Դատավոր Վահե Միսակյանին խիստ նկատողություն հայտարարվեց «Ժողովուրդ». Դատավոր Մխիթարյանի համար «ապագա կա»-ն վաղուց լուծված հարց է․ նրա ողջ ընտանիքը արդարադատական համակարգում «Ժողովուրդ». Ամենաբարձր օղակներից դատավոր Ռշտունու առաջ հարցեր են դրվել, որոնք անլուծելի են եղել բարոյականության դաշտում ԴԸԺ էթիկայի և կարգապահական հարցերի հանձնաժողովի անդամ ընտրվեց դատավոր Գայանե Խաչատրյանը