«Պատմական պահ». Գերմանիայում 29-ամյա իրաքցին դատապարտվել է եզդիների դեմ ցեղասպանության համար

«Իսլամական պետություն» ահաբեկչական խմբավորման հետևորդը, որը հինգ տարեկան եզդի աղջկան շղթայել է արևի տակ ու թողել, որ ծարավից մեռնի, ցմահ ազատազրկման է դատապարտվել Ֆրանկֆուրտի դատարանի կողմից:

Իրաքցին դատապարտվել է եզդի փոքրամասնության ցեղասպանության համար։ Սա դատարանի նման ձեւակերպմամբ առաջին վճիռն է, հաղորդում է AFP-ն։

Նշվում է, որ 29-ամյա Թահա Ալ-Ջումայլին մեղավոր է ճանաչվել ցեղասպանության, մարդկության դեմ մահվան հանգեցրած հանցագործությունների, ռազմական հանցագործությունների, ռազմական հանցագործություններին նպաստելու եւ մահացու մարմնական վնասվածքներ հասցնելու համար՝ 2013 թվականին «Իսլամական պետությանը» միանալուց հետո: Ամբաստանյալը դատարանում դատավճռի հրապարակման ժամանակ կորցրել է գիտակցությունը։

Մայիսին ՄԱԿ-ի հատուկ քննիչները հայտարարել են, որ «հստակ եւ համոզիչ ապացույցներ» են հավաքել ԻՊ-ի կողմից եզդիների դեմ իրականացված ցեղասպանության վերաբերյալ:

«Սա պատմական պահ է եզդիական համայնքի համար: Եզդիների պատմության մեջ առաջին դեպքն է, երբ հանցագործը կանգնում է դատարանի առաջ՝ ցեղասպանության մեղադրանքով»,- ասել է փաստաբան և ԻՊ-ի կողմից եզդիների դեմ կատարած հանցագործությունների մասին ապացույցներ հավաքող Yazda ՀԿ-ի անդամ Նատիա Նավրուզովը:

Ըստ դատախազության՝ Ալ-Ջումայլին եւ նրա նախկին կինը՝ Ջենիֆեր Վենիշ անունով գերմանուհին, եզդի կնոջ ու երեխայի են «գնել»՝ որպես տնային «ստրուկներ», երբ ապրելիս են եղել 2015 թվականին ԻՊ-ի կողմից գրավված Մոսուլում:

Ալ-Ջումայլին մեղադրվում է 50 աստիճան շոգին հինգ տարեկան աղջկան շղթայելու մեջ՝ որպես ներքնակի վրա միզելու համար պատիժ։ Արդյունքում երեխան մահացել է ծարավից։

Առանձին դատավարության ժամանակ 30-ամյա գերմանուհին դատապարտվել է տասը տարվա ազատազրկման: Երեխայի մայրը, ում հաջողվել է ողջ մնալ, վկայություն է տվել երկուսի դեմ:

Նա նաև պատմել է, որ իրեն մի քանի անգամ բռնաբարել են ԻՊ-ի ջիհադականներն այն բանից հետո, երբ 2014 թվականի օգոստոսին ներխուժել են հյուսիսարեւմտյան Իրաքի Սինջար լեռներում գտնվող իր գյուղը:

Այս թեմայով Շուրջ 2600 եզդի կանայք դեռ գերության մեջ են, ցեղասպանությունը շարունակվում է. Ռուստամ Բաքոյան Եզդիների ցեղասպանությունը չի ավարտվել, շուրջ 2600 եզդի կանայք արաբական շուկայում հանվել են վաճառքի Մալխաս Ամոյան. Հաղթանակս նվիրում եմ հայ և եզդի ազգին ՄԻՊ Անահիտ Մանասյանը հյուրընկալել է ազգությամբ եզդի փոքրիկ քույրեր Սոֆիյա և Վիկտորիյա Մուրադովաներին ՄԻՊ-ը հանձնարարել է ուսումնասիրել նկարչական մրցույթին եզդի երեխայի մասնակցությունը չթույլատրելու մասին հրապարակումները Հայ և եզդի ժողովուրդների բարեկամությունն ավելի կամրապնդվի․ Խաչատուրյանը՝ եզդիական Նոր տարվա առթիվ Հայաստանում Շվեդիայի դեսպանն այցելել է աշխարհի ամենամեծ եզդիական տաճարն Ակնալիճ գյուղում Մեր մտքերը Լեռնային Ղարաբաղի ժողովրդի հետ են. Մուրադ Իսմայիլի հայտարարությունը ՀՀ կառավարության որոշմամբ Իրաքյան Քուրդիստանում բնակվող եզդի փախստականներին տրամադրվել է հումանիտար օգնություն «Պարտադրել էր ծնողներին, որ պիտի գնա Հայաստան ու ծառայի». եզդի Արման Չաթոյանը զոհվել է Վարդենիսում. News.am