Նախագահը շնորհավորել է Աբու Դաբիի Էմիրության թագաժառանգին՝ ԱՄԷ հիմնադրման 50-ամյակի առթիվ

Արաբական Միացյալ Էմիրությունների հիմնադրման 50-րդ տարեդարձի առթիվ Հայաստանի Հանրապետության նախագահ Արմեն Սարգսյանը շնորհավորական ուղերձ է հղել Աբու Դաբիի Էմիրության թագաժառանգ, երկրի զինված ուժերի գերագույն հրամանատարի տեղակալ, շեյխ Մուհամմեդ բին Զայեդ Ալ Նահյանին: Այս մասին հայտնում են ՀՀ նախագահի աշխատակազմից:

Ուղերձում մասնավորապես ասված է.

«Ջերմորեն շնորհավորում և լավագույն բարեմաղթանքներս եմ հղում Ձեզ Արաբական Միացյալ Էմիրությունների հիմնադրման 50-րդ տարեդարձի առթիվ:

Անկախության հինգ տասնամյակները նշանավորվում են տպավորիչ ձեռքբերումներով և առաջընթացով, որոնք իրականություն են դարձել հմուտ կառավարման և անխոնջ աշխատանքի շնորհիվ։ Կրթության, գիտության և նորարարությունների վրա հիմնված Ձեր նախաձեռնություններն ու ծրագրերն, անկասկած, Միացյալ Էմիրություններին հաստատակամ քայլերով ուղղորդում են դեպի առավել բարեկեցիկ ապագա:

Բարձր եմ գնահատում Հայաստանի և Միացյալ Էմիրությունների դինամիկ զարգացող հարաբերությունները:

Առանձնահատուկ կարևորում եմ մեր հանդիպումներն ու շփումները, որոնք ավելի են խորացնում մեր ժողովուրդների բարեկամությունն ու միջպետական համագործակցությունը:

Համոզված եմ, որ պարբերաբար հանդիպումների և միասնական ջանքերի շնորհիվ առավել կընդլայնենք և կամրապնդենք երկկողմ գործակցությունը՝ ի նպաստ մեր ժողովուրդների բարօրության:

Մաղթում եմ Ձեզ քաջառողջություն և հաջողություն, իսկ Արաբական Միացյալ Էմիրությունների բարեկամ ժողովրդին՝ հարատև խաղաղություն և բարեկեցություն»:

Այս թեմայով Երեվան-Երասխ ավտոճանապարհի երթևեկությունը այրվող անվադողերով խաթարելու դեպքի առթիվ նախաձեռնվել է քրեական վարույթ Նոյեմբերյանում մարդկանց մեջ մեքենայի մխրճվելու տեղեկությունների առթիվ պահանջել ենք պատշաճ քննություն. ՄԻՊ (տեսանյութ) Սա երբևէ ամենախայտառակ տեքստն էր Ցեղասպանության օրվա առթիվ` արված Հայաստանի ղեկավարի կողմից. թուրքագետ Սա հպատակության, այլ ոչ թե խաղաղության ճանապարհ է. Սերժ Սարգսյանի ուղերձը՝ Ցեղասպանության տարելիցի առթիվ Մաղթում եմ Ձեզ արգասաբեր գործունեություն․ Փաշինյանի ուղերձը՝ Խաչատուրյանին հոբելյանի առթիվ «Բաքվում խիստ անհանգստացել են Ռուբեն Վարդանյանի՝ 2024-ի Խաղաղության նոբելյան մրցանակի առաջադրվելու առթիվ. անցել են ինտենսիվ ու կազմակերպված գրոհի» Աբու Դաբի-Երևան չվերթի օդանավը հրաշքով է փրկվել կործանվելուց (տեսանյութ) Քաղաքաշինության կոմիտեի նախագահը կարևորում է Կառուցապատողների հայկական ասոցիացիայի հետ համագործակցության խորացումը Լոռու մարզում 93-ամյա կնոջ սպանության դեպքի առթիվ նախաքննությունն ավարտվել է Ժողովրդավարությունը մեր միակ անվտանգային համակարգն է. ՀՀ ԱԺ նախագահը՝ Լիտվայի Սեյմի նախագահին