Փաշինյանի քավորը «թիկունքից» հարվածո՞ւմ է հարազատ ՔՊ-ին

Դեկտեմբերի 5-ին Հայաստանի մի շարք մարզերում, այդ թվում Տավուշում կանցկացվեն ՏԻՄ ընտրություններ: Տավուշում  բավականին լարված ընտրություններ են սպասվում այն առումով, որ մարզի ղեկավար Հայկ Ղալումյանը, կարծես թե, այնքան էլ գոհ չէ այն բանից, թե ի վերջո ում վրա է կանգ առել ՔՊ-ի ընտրությունը և ում թեկնածությունն է առաջադրվել համայնքապետի պաշտոնի համար:

«Քաղաքացիական պայմանագիր» կուսակցության ընտրական ցուցակը գլխավորում է Նոյեմբերյան համայնքի նախկին ղեկավար, ժ/պ Կարեն Աբազյանը։  Նա 2016 թվականի սեպտեմբերի 18-ին կայացած ՏԻՄ ընտրություններում ընտրվել է Նոյեմբերյան համայնքի ղեկավար: Նախորդ ընտրությունների ժամանակ եղել է անկուսակցական, իսկ այս` դեկտեմբերի 5-ին կայանալիք ընտրություններին մասնակցում է ՔՊ-ի ցուցակով։ Ընտրական ցուցակում Կարեն Աբազյանին հաջորդում է Արայիկ Պարանյանը։ Նա Այրում համայնքի ժամանակավոր պաշտոնակատարն է, իսկ ցուցակի 3-րդ համարը «Նոյեմբերյան» ԲԿ-ի աշխատակազմի ղեկավար Հայկանուշ Բեգլարյանն է: Ընտրական ցուցակում առաջադրված թեկնածուները 33-ն են, բոլորը՝ «Քաղաքացիական պայմանագիր» կուսակցության անդամներ։

Մարզպետը, ինչպես գիտենք, ցանկանում է համայնքներում ունենալ յուրային ներկայացուցիչների: Հիշեցնենք, որ իշխանական պատգամավոր Վահե Ղալումյանի և նրա մարզպետ եղբայր Հայկ Ղալումյանի «դաբրոյով» էր, որ Արթուր  Ճաղարյանը ներկայացվել էր իշխանություններին ու արժանացել` Իջևանում որպես թեկնածու առաջադրվելու հավանությանը: Իջևանում Ղալումյանը յուրայինի հարցն արագ լուծեց, ինչը չես ասի Նոյեմբերյանի մասին, Աբազյանի ԺՊ նշանակվելու հանգամանքը կարծես թե այնքան էլ մարզպետի սրտով չի եղել: Տպավորություն է, որ մարզպետը ոչ մի կերպ չի օժանդակում Աբազյանի նախընտրական քարոզարշավին, քարոզարշավի ընթացքում աջակցման գեթ մեկ խոսք չի ուղղել վերջինիս, հետևաբար, կարելի է ենթադրել, որ Նոյեմբերյանում կրքերը դեկտեմբերի 5-ին թեժ են լինելու:

Արդյունքում՝ Նիկոլ Փաշինյանի ծրագիրը՝ Տավուշը ՔՊ-ականացնելու և մի շարք գյուղեր հեշտությամբ ադրբեջանականացնելու մասով, կարծես թե, բախվում է իր քավորի անձնական ամբիցիաներին, որոնց արդյունքում ՔՊ-ի դիրքերը գալիք ՏԻՄ ընտրություններին ընդառաջ բավական թույլ են: Հաշվի առնելով նաև, որ ՔՊ մրցակիցները Նոյեմբերյանում լավ են պատրաստվել այս ընտրություններին: Բացի ՔՊ-ից, այստեղ կպայքարեն նաև «Ապրելու երկիր» կուսակցությունը և  «Հանուն հանրապետության ժողովրդավարության պաշտպանների դաշինք» կուսակցությունը:

Այս թեմայով Աջակցում ենք Տավուշում սկսված համակայկական պայքարին․ Կոնսերվատորիայի Միասնական շարժում Եթե գնայինք Տավուշ, սաղին ծեծելու էինք, ստրուկների շրջանն է եկել, չկա հայրենասիրություն Բագրատաշեն-Ալավերդի ճանապարհին բերման ենթարկվածների մի մասին ազատ են արձակել (տեսանյութ) Սա հույսի առկայծող ճանապարհ է․ Ալեն Սիմոնյանը՝ Տավուշ-Ղազախ հատվածում տեղադրված սյան մասին Հայաստան-Ադրբեջան պետական սահմանի Տավուշ-Ղազախ հատվածում տեղադրվել է առաջին սահմանային սյունը Ուրեմն Բաքուն էլ ՀՀ-ի անկլավն ա, եթե Տավուշում անկլավ կա․ քոչվորին մի մետր չենք տալու․ դերասանուհի (տեսանյութ) Ճամփա փակած տավուշցիներն այսօր չեն խնայել անգամ նշանադրեք գնացող խնամիներին, ստիպված սինիներով իջել, ոտքով են անցել (տեսանյութ) Ինչ իրավիճակ է այս պահին Տավուշում (տեսանյութ) Փաշինյանի Տավուշ կատարած վերջին այցը նպատակ ուներ «սրբագրել» Ոսկեպար կատարած նախորդ այցի սխալները. Աբրահամյան Տավուշի գյուղերն ադրբեջանցիներին հանձնող Փաշինյանը 2015-ին այդ քայլն անընդունելի էր համարում