«Ժողովուրդ». Թորոսյանն ինքնաառաջադրվել էր փոխվարչապետի պաշտոնի համար

«Ժողովուրդ» օրաթերթը գրում է․ «Սուրեն Պապիկյանին ՀՀ պաշտպանության նախարար նշանակելուց հետո իշխող «Քաղաքացիական պայմանագիրն» ու վարչապետ Նիկոլ Փաշինյանը փոխվարչապետի պաշտոնում մի քանի թեկնածուի են դիտարկել, այդ թվում նաև՝ վարչապետի խորհրդական Արայիկ Հարությունյանին, ինչի մասին «Ժողովուրդ» օրաթերթն ավելի վաղ գրել էր։ Փաշինյանի ընտրությունն ի վերջո Արմավիրի նախկին մարզպետ Համբարձում Մաթևոսյանի վրա էր կանգ առել։ Մեզ հասած տեղեկություններով՝ ՔՊ վարչության նիստի ժամանակ, երբ քննարկվելիս է եղել փոխվարչապետի հարցը, առողջապահության նախկին նախարար, այժմ ԱԺ «Քաղաքացիական պայմանագիր» խմբակցության պատգամավոր Արսեն Թորոսյանն ինքնաառաջադրվել է։

Տեսնելով, որ որևէ մեկն իրեն չի առաջադրում, ինքն է դա արել, ինչին Նիկոլ Փաշինյանը պատասխանել է, թե նրան այլևս չի տեսնում գործադիրում: Եղելության մասին «Քաղաքացիական պայմանագիր» կուսակցության վարչության անդամ Նարեկ Բաբայանից «Ժողովուրդ» օրաթերթը տեղեկացավ. «Եթե ինչ-որ մեկը Ձեզ նման տեղեկություն է տրամադրել, ապա այդտեղ կրիմինալ չկա, և ոչ մի բան չկա։ Եթե ինչ-որ մեկը հրապարակում է նման տեղեկություն, թող բաց ասի և ինքը պատասխանատվություն կրի իր ասածի համար: Իսկ թե ինչ ենք քննարկել, կներեք, ես այդ հանգամանքները չպետք է Ձեզ բացահայտեմ»,- մանրամասնեց Բաբայանը՝ ըստ երևույթին չհերքելով, ավելին՝ հաստատելով Թորոսյանի ինքնաառաջադրման հանգամանքը։

Պարոն Բաբայանին, փաստորեն, զարմացրել է այն, որ իրենց գաղտնի համարվող նիստերից մեզ տեղեկություններ են հասնում, բայց զարմանալիորեն չի զարմացրել գործընկերոջ՝ Թորոսյանի ինքնաառաջադրման հանգամանքը։ Վերջինս, ըստ երևույթին, որևէ կերպ չի համակերպվում զբաղեցրած պաշտոնից՝ նախարար լինելուց միանգամից գահավիժելու ու պատգամավորական աթոռ զբաղեցնելու հանգամանքին ու առիթը բաց չթողնելով՝ փորձում է պաշտոնի նոր «լեւլներ» սահմանել»։

Այս թեմայով Փորձելու եմ լուծումներ գտնել ռեստորաններում նարգիլեների օգտագործումը դադարեցնելու համար․ Թորոսյան Հայտարարագիրը լրացնելը մի այիբ ա, հարկ վճարելը՝ այլ․ հեշտ համակարգ է պետք ներդնել․ Արսեն Թորոսյան Արցախի անկախության ճանաչման շանս չկա և չի եղել՝ ինքնախաբեությամբ ենք զբաղվել․ Արսեն Թորոսյան․ factor.am Այս պահին մեր երկրում պատվաստված բոլոր քաղաքացիների թիվը կազմում է մեր ազգաբնակչության 33.7%-ը. Արսեն Թորոսյան «Ես բացառում եմ որեւէ ճնշում. Մենք այս պահին որեւէ փոխհրաձգության մեջ չէինք նախագահի ինստիտուտի հետ». Արսեն Թորոսյան «Իրավունք». Արսեն Թորոսյանը՝ «սեռիյ կարդինա՞լ» ԲԿ-ներն աշխատում են խիստ ծանրաբեռնված ռեժիմով, և մահճակալային ֆոնդն այլևս չի բավարարում. Արսեն Թորոսյան Կյանքեր փրկող գիտությունը քաղաքականությունից դուրս է. Արսեն Թորոսյան «Հրապարակ». Արսեն Թորոսյանը գրոհ է սկսել նախարար Ավանեսյանի դեմ Արսեն Թորոսյանը՝ պատվաստանյութերում առկա նյութերի մասին (տեսանյութ)