Փաշինյանն ու ՔՊ-ն «պատերազմ» են հայտարարում Հայկ Մարությանին

Այսօր առավոտյան Երևանյան տրանսպորտային մի շարք գծեր սպասարկող վարորդներ դուրս էին եկել բողոքի ակցիայի, նրանք պահանջում էին բարձրացնել աշխատավարձերը և, ըստ էության, դժգոհում Հայկ Մարությանի տրանսպորտային ռեֆորմներից: Սակայն, պետք է հասկանալ՝ ինչի՞ց սկսվեց այս լարվածությունը:

Երեկ Հայկ Մարությանը, մասնակցելով նոր ավտոբուսների, այսպես ասած, գիծ դուրս բերելուն, հատուկ ընդգծեց, որ դրանք ձեռք են բերվել միայն քաղաքապետարանի գումարներով: Նախորդ շաբաթ էկոնոմիկայի նախարարությունը կաշվից դուրս էր գալիս և փորձում էր ստեղծել տպավորություն, որ  այդ իրենց տիտանական ջանքերի շնորհիվ են նոր ավտոբուսները մտել երթուղի: Սակայն, երեկ Մարությանը, ըստ էության, բացահայտեց կառավարության սուտը:

Դրանից հետո Մարությանը հանդգնեց առանց թիկնապահների շրջել այդ ավտոբուսներով և զրուցել քաղաքացիների հետ: Համաձայնեք, նման ճոխություն ՔՊ-ից իրենց քչերը կարող են թույլ տալ: Նիկոլ Փաշինյանը հաստատապես այդ քչերի շարքում չէ և հենց դա էր փորձում իր այդ քայլով ընդգծել Հայկ Մարությանը:

Այս ամենին հաջորդեց Հժ-ի հայտնի հոդվածը, որտեղ Մարությանին փորձ արվեց փչացնել՝ կապելով նախկինների, մասնավորապես Ռոբերտ Քոչարյանի հետ: Դժվար չէ կռահել, թե ով է հանդիսանում Փաշինյանի ընտանեկան կայքի աղբյուրը: Դժվար չէ նաև կռահել, որ այսօր սկսված բողոքի ակցիաները, ամենայն հավանականությամբ, ուղղորդված են: Ի դեպ՝ ՀԺ-ում առկա տեղեկությունները Մարությանի խոսնակը անվանեց՝ դեղին մամուլի բամբասանք:

Փաշինյանը առաջին անգամ չէ, որ պատժում է Մարությանի անկախական այս ձգտումները: Այն բանից հետո, երբ քաղաքապետը հրաժարվեց մասնակցել ՔՊ-ի կազմակերպված գունագեղ տոնակատարությանը՝ ՀԺ-ում հայտնվեց հոդված նվիրված Մարությանի հայտարարագրին և հայտարարագրած միլիոններին: Երբ նա ապօրինի շինարարության դեմ պայքար սկսեց՝ Փաշինյանի ընտանեկան կայքը գրեց.  «Երևանի քաղաքապետը ավագանու վերջին նիստում բացատրեց, որ, մասնավորապես, Աջափնյակ վարչական շրջանում բանդա է գործում, որը կազմված է պետական տարբեր մարմիններում աշխատող մարդկանցից ու թաղային հեղինակություններից: Շինությունները, որոնց կառուցման ընթացքը չէր կասեցվել, մեկ էլ հանկարծ բուլդոզերի տակ հայտնվեցին: Անհասկանալի մնաց, թե ուր էր խանգարող «բանդան»»:

Ուշագրավ է, որ այդ օրվա նաև միակ հրապարակումը չէր: Քաղաքապետի դեմ առաջին հրապարակմանը հաջորդեց երկրորդը կրկին նույն կայքում, նույն օրը: Խոսքն այս անգամ վերաբերում էր Կենտրոն վարչական շրջանում սկսված փողոցային առևտրի դեմ պայքարին:

Կասկածից վեր է, որ Փաշինյանի համար  լուրջ խնդիր է Երևանի ավագանու արտահերթ ընտրություններում ՔՊ հաղթանակը, և մեծ է հավանականությունը, որ դրանից հետո Երևանն ընդդիմադիր քաղաքապետ կունենա: Ու նաև սա հաշվի առնելով է, որ Նիկոլ Փաշինյանը հապաղում է ու կտրուկ գործողությունների չի դիմում, հասկանալով, որ արտահերթ ընտրությունները այնքան էլ չեն բխում իր շահերից: Հաշվի առնելով ՏԻՄ ընտրություններում առկա պատկերը՝ Երևանում ՔՊ-ն կարող է կորցնել իշխանությունը, եթե ընտրությունները լինեն առաջիկա շաբաթներին կամ ամիսներին: Այդ պատճառով էլ մնում է նման մեսիջներով հասկացնել Մարությանին, որպեսզի վերջինս չփորձի «թռնել» ՔՊ գլխից:

Այս թեմայով Պետությունը շոու բիզնեսի ներկայացուցիչներից պահանջում է եկամտային հարկ և այս քաղաքականությունը պետք է ընդլայնել․ Փաշինյան Սամվել Ղուկասյանն ազատվել է Կենտրոն վարչական շրջանի ղեկավարի պաշտոնից Ադրբեջանցիների 96․2%-ը «Զանգեզուրը, Իրավանը և Գյոյչան» (Սյունիք, Երևան և Սևան) համարում է ադրբեջանական պատմական հողեր․ Արմա Թաթոյան Լևոն Քոչարյանի օգնական Արթուր Սուքոյանը 2 ամսով կալանավորվեց Աստվածաշունչն ասում է՝ «ամեն իշխանությունն Աստծուց է»․ Փաշինյան (տեսանյութ) Զինվորն ի՞նչ գործ ունի սահմանին կանգնած․ Փաշինյան (տեսանյութ) Լեգիտիմությունն ավելի լավ երաշխավոր է, քան լավ երաշխավորը. Նիկոլ Փաշինյան (տեսանյութ) Ի՞նչ գործընթաց է սպասվում մոտակա օրերին Կիրանցում. Փաշինյանը մանրամասներ է ներկայացրել (տեսանյութ) Եթե Կիրանցի դպրոցն ադրբեջանցիների համար երևալը խնդիր է, կարող ենք ծառ տնկել, պատ կառուցել․ Փաշինյան (տեսանյութ) Կարող է մեր ինքնիշխան տարածքից դիրք դուրս գալ, որովհետև ՊՆ-ն այդ գծի վրա այլևս ծառայություն չի իրականացնելու. Փաշինյան (տեսանյութ)