Մհեր Գրիգորյանի գրասենյակի ղեկավարը մանրամասներ է հայտնել Սոչիում կայացած հանդիպումից. Civic.am

Վերջերս Թուրքիայի նախագահ Ռեջեփ Թայիփ Էրդողանը հայտարարել էր, որ Սոչիում ՌԴ նախագահ Վլադիմիր Պուտինի մասնակցությամբ Ադրբեջանի և Հայաստանի առաջնորդների միջև տեղի ունեցած հանդիպման արդյունքում լուծվել է Արաքս գետի երկայնքով երկաթուղիների և մայրուղիների կառուցման հարցը։ 

Այս և այլ հարցերի վերաբերյալ Civic.am-ը հարցում է ուղարկել ՀՀ փոխվարչապետ Մհեր Գրիգորյանի աշխատակազմ: Կայքի հարցերին պատասխանել է փոխվարչապետի գրասենյակի ղեկավար Էդգար Մկրտչյանը։

- Ձեռք բերվե՞լ է արդյոք Արաքս գետի երկայնքով երկաթուղիների և մայրուղիների կառուցման համաձայնություն, թե՞ ոչ, և եթե՝ այո, ապա Արաքսի երկայնքով նոր երկաթգի՞ծ է կառուցվելու։ 
 
- Այս պահին կարող ենք ասել, որ փոխադարձ ըմբռնում կա Հորադիզից Երասխ երկաթգծի վերականգնման արդյունավետության հարցում։ Ավտոմոբիլային ուղիների վերաբերյալ քննարկումները դեռ չեն ավարտվել։

- Ադրբեջանի և Թուրքիայի նախագահները պարբերաբար հայտարարում են «Զանգեզուրի միջանցքի» մասին, իսկ հայկական կողմը հայտնում է, որ միջանցքային տրամաբանությամբ հարցեր չեն քննարկվել ու չեն քննարկվելու, փոխվարչապետների արդեն տեղի ունեցած հանդիպումների ժամանակ Ադրբեջանը միջանցքի վերաբերյալ հարցեր բարձրացրե՞լ է, թե՞ ոչ։ 

- Կրկին հայտնում ենք, որ միջանցքային տրամաբանությամբ հարցեր չենք քննարկել ու չենք քննարկելու։ 

- Արդյոք գերիների և անհետ կորածների վերադարձի հարցը ներառվա՞ծ է հանձնաժողովի աշխատանքներում, և ի՞նչ է արվում այդ ուղղությամբ։  

- Գերիների և անհետ կորածների վերադարձի հետ կապված հարցեր Հայաստանի, Ադրբեջանի և Ռուսաստանի փոխվարչապետների համանախագահությամբ գործող  եռակողմ աշխատանքային խմբի հարթակում չեն քննարկվել։

- Արդյոք Ռուսաստանի միջնորդությա՞մբ է հանվել հայկական կողմի նախապայմանը՝ մինչև ապաշրջափակումը գերիների վերադարձի վերաբերյալ։ 

- ՌԴ-ի կողմից որևէ նման միջնորդություն հայկական կողմին չի ներկայացվել։

- Արցախի կարգավիճակի կամ Ադրբեջանի տարածքային ամբողջականությունը ճանաչելու հարցը որևէ կերպ քննարկվո՞ւմ է հանձնաժողովի աշխատանքում։   

- Արցախի կարգավիճակի կամ Ադրբեջանի տարածքային ամբողջականության վերաբերյալ որևէ հարց Հայաստանի, Ադրբեջանի և Ռուսաստանի փոխվարչապետների համանախագահությամբ գործող եռակողմ աշխատանքային խմբի հարթակում չի քննարկվել։

Այս թեմայով Տավուշցիները մեքենայի մեջ նկատել են Մհերի Գրիգորյանին ու Շահին Մուստաֆաևի՞ն․ 168.am Մհեր Գրիգորյանը և ՎԶԵԲ-ի տարածաշրջանային տնօրենը քննարկել են Հայաստանում իրականացվող ծրագրերի ընթացքը Մեր Հայաստանի տարածքները նվիրվում են թշնամուն, սա անարդար ու անօրեն որոշում է. Արսեն Գրիգորյան (տեսանյութ) Մհեր Գրիգորյանն Իրանի դեսպանի հետ քննարկել է սահմանազատման գործընթացի վերջին զարգացումները Կարող են ապօրինի հրաման չկատարել՝ պագոնները հանեն, գնան իրենց տուն. Գրիգոր Գրիգորյան (տեսանյութ) Տիգրան Աբրահամյանը, Մհեր Սահակյանն ու Արման Ղազարյանը ՁՊՎ-ում տեսակցել են Սուրեն Պետրոսյանին Գրիգորյանը չի մասնակցի Պետերբուրգում Անվտանգության հարցերը համակարգող ներկայացուցիչների հանդիպմանը Ես խոնարհվում եմ Բագրատ Սրբազանի առջեւ. Սամվել Գրիգորյան Ավարտվել է Մհեր Գրիգորյանի ու Տավուշի բնակիչների հետ հանդիպումը Փոխվարչապետ Մհեր Գրիգորյանն ընդունել է ԱՄՆ դեսպանին