«Լուսավոր Հայաստան»-ը չի միանա Հայկ Մարությանին անվստահություն հայտնելու նախաձեռնությանը
ԲլոգոսֆերաԵրեկ ուշ երեկոյան տեղի է ունեցել «Լուսավոր Հայաստան» կուսակցության կառավարման խորհրդի նիստը։
Երևանի ավագանու «Լույս» խմբակցության ղեկավար Դավիթ Խաժակյանը հայտնում է, որ խորհուրդը որոշել է չմիանալ Երևանի քաղաքապետ Հայկ Մարությանին անվստահություն հայտնելու նախաձեռնությանը։
Հիշեցնենք, որ Երևանի ավագանու «Իմ քայլը» խմբակցությունը քաղաքապետ Հայկ Մարությանին անվստահություն հայտնելու գործընթաց է սկսել։ Այս նախաձեռնությանը կողմ են արտահայտվել ավագանու ՀԲԿ-ական անդամներն ու «Լույս» խմբակցությունից Անի Խաչատրյանը:
Ավագանու իշխող խմբակցության անդամ Արմեն Կոտոլյանն ավելի վաղ հայտնել էր, որ անհրաժեշտ 33 ստորագրությունից ավելին՝ նախնական տվյալներով 39-ն արդեն իսկ հավաքվել է, և մինչև ամսվա վերջ Հայկ Մարությանը պաշտոնանկ կարվի։