Եթե այս ամենի մեկ տոկոսը մեր իշխանությունն աներ, ինչպիսի աղմուկ կբարձրանար միջազգային հարթակներում. Վահրամ Բաղդասարյան

«Այս համագումարը պատմական է նրանով, որ չենք հավաքվել իշխանությունը պահելու համար, հավաքվել ենք որպես ընդդիմություն, բայց նպատակ չենք դնում առայժմ իշխանության գալու, նպատակը մեկն է՝ հեռացնել այս ազգադավ իշխանությանը»,- ՀՀԿ 17-րդ համագումարում ասաց ՀՀԿ անդամ Վահրամ Բաղդասարյանը։

Նա նշեց, որ իրենց  իշխանության ժամանակ իրենց որդեգրած քաղաքականությունը հետևյալն էր՝ միավորել ողջ քաղաքական դաշտը, ողջ հայ ժողովրդին, չունեին ներքին թշնամիներ, պայքարում էին արտաքին թշնամու դեմ։

«Նախագահ Սերժ Սարգսյանը բազմիցս ասել է՝ ընդդիմությունը մեր ժողովրդի մի մասն է, պետությանը որքան պետք է իշխանություն, այնքան էլ պետք է ընդդիմություն, մարդու որ ձեռքն էլ կտրես, նա դառնում է անդամալույծ»,- նշեց  Վ. Բաղդասարյանը։

Ելույթում անդրադառնալով վերջին ՏԻՄ ընտրությունների արդյունքներին՝ նշեց, որ թեև  համատարած անմարդկային ճնշումներ կիրառեցին իշխանություններն իրենց համակիր չհանդիսացող քաղաքացիների վրա, սակայն դրանից հետո էլ հանրապետության համայնքների ճնշող մեծամասնությունում կրեցին պարտություն, որից հետո սկսվեց ռեպրեսիաների երկրորդ փուլը:

«Այն համայնքերում, որտեղ գործող իշխանությունը պարտություն էր կրել, սկսվեց շինծու քրեական գործերով ձերբակալություններ` առավելագույն ձայներ ստացած ընդդիմադիրների ցուցակների առաջնորդների գլխավորությամբ: Սա ոչ այլ ինչ է, քան բռնատիրություն:

Սա էլ կանցնի, հավատացած եղեք։ Լոռեցին մի ասացվածք ունի, ասում են` կրակը հանգչելուց առաջ բոց է տալիս: Սա այս իշխանության անասնական վերջին ճիգերն են: Եվ մենք պետք է լինենք համախմբված, որպեսզի կարողանանք դիմակայենք, հակառակ դեպքում մենք կկորցնենք ամենաթանկը` հայրենիքը»,-ասաց Վ.Բաղդասարյանը:

Նրա խոսքով, ցավալին այն է, որ այս քաղաքական արհավիրքը տեսնելով` ժողովրդավարության կոչ անող միջազգային կառույցները լուռ են։

«Եթե այս ամենի մեկ տոկոսը մեր իշխանությունն աներ, ինչպիսի աղմուկ կբարձրանար միջազգային հարթակներում»,- նշեց ՀՀԿ-ական գործիչը։

Վահրամ Բաղդասարյանն ընդգծեց, որ սրանք իշխանության սրընթաց վայրէջք ապրող հեղինակության պայամաններում իշխանությունը պահելու համար պատրաստ են ոչ թե մեկ ձեռքը կտրել, այլ գլխատել այն ամեն ինչը, ինչ  կխանգարի իրենց իշխանությանը։

Այս թեմայով ՔՊ-ական պաշտոնյաների արտոնյալ ԽԾԲ-ն. Նազելի Բաղդասարյան Արցախի հարցը որևէ կապ չունի Ադրբեջանի տարածքային ամբողջականության հետ, մենք ինքնորոշվել էինք մեր տարածքի վրա․ Վահրամ Բալայան ՀՀ–ի և Ադրբեջանի միջեւ բանակցվող նախագծում առկա է արդեն իսկ համաձայնեցված կետ․ վարչապետի խոսնակ «Տեսեք՝ անձնագրային բաժինն ինչ է անում «բաստիոնի» քաղաքացիների հետ»․ Էդիկ Բաղդասարյան «Ով որ ձեզնից ձայն չհանեց, ով էլ վրան քսեց օճառ, ուրեմն նա ոչ թե հայ է, այլ խճուղու մարմնավաճառ»․ Վահրամ Սահակյան Եվա Բաղդասարյանն ամուսնու հետ սիրառատ լուսանկարներ է հրապարակել «Հրապարակ». Էկոնոմիկայի նախարարությունը 64 հազար դոլար է փոխանցել Վահրամ Թոքմաջյան «Գիտեմ՝ կարոտում եք ինձ»․ Եվա Բաղդասարյանի գրավիչ կերպարը Օրվա գերխնդիրը մարդկանց էվակուացումն է, կազմակերպված ու անվտանգ տարհանումը. Գեղամ Բաղդասարյան Արցախից հետո հաջորդ պահանջը Ադրբեջան-Նախիջեւան միջանցքն է. Էդիկ Բաղդասարյան