Փաշինյանը շնորհակալություն հայտնեց Երևանի ավագանու անդամներին քաղաքական սկզբունքայնության համար

Հայաստանի կառավարությունը շարունակելու է աջակցել Երևանի քաղաքապետին ու ավագանուն՝ իրականացնելու այն ծրագրերը, որոնք միասին նախանշել են դեռ 2017-2018 թվականներին: յս մասին Երևանի ավագանու հանդիսավոր նիստի ընթացքում հայտարարեց Հայաստանի վարչապետ Նիկոլ Փաշինյանը՝  շնորհավորելով Հրաչյա Սարգսյանին Երևանի քաղաքապետի պաշտոնում ընտրվելու առթիվ ու հաջողություններ մաղթելով ավագանու հետագա աշխատանքներին:

«Ուզում եմ շնորհավորել նաև Երևանի ավագանուն, քանի որ իմ համոզմունքն այն է, որ մեր օրակարգի կարևորագույն խնդիրներից մեկը պետական ինստիտուտների կայացումն է: Վերջին օրերին տեղի ունեցած իրադարձություններով՝ Երևանի ավագանին հստակ քաղաքական կամք ցուցադրեց Հայաստանի Հանրապետությունում տեղական ինքնակառավարման նոր մոդելի կայացման ճանապարհին»,- ասաց վարչապետը:

Նա նշեց, որ այն ծրագիրը, որը 2018 թվականից իրագործվում է Երևանում, «Իմ քայլը» դաշինքի, ինչպես նաև ավելի վաղ գործած «Ելք» դաշինքի նախընտրական ծրագիրն է: «Դեռ 2018 թվականին, երբ Երևանի ավագանու ընտրություններ էին տեղի ունենում հեղափոխությունից անմիջապես հետո, մեր կարևորագույն տեսլականն ու արձանագրումը եղել է այն, որ ընտրություններից հետո պետք է իրականացվի այն նախընտրական ծրագիրն ու ծրագրի հիմնադրույթները, որոնք դեռ 2017 թվականին «Ելք» դաշինքը դրել է Երևանի ընտրողների առաջ և ավելի քան 20 տոկոս ձայն է ստացել»,- ասաց Փաշինյանը:

Նա հայտարարեց, որ այս ընթացքում ՀՀ կառավարությունն էական ու արդյունավետ աջակցություն է ցուցաբերել Երևանի քաղաքապետարանին՝ ֆինանսական տարբեր գործիքներով շուրջ 50 մլրդ դրամի հատկացումներ անելով:

Ելույթի ավարտին Փաշինյանը ևս մեկ անգամ շնորհակալություն հայտնեց ավագանու անդամներին քաղաքական սկզբունքայնության համար՝ նշելով, որ դա շատ էական է տեղական ինքնակառավարման մարմինների ու պետական ինստիտուտների կայացման ճանապարհին:

Այս թեմայով Ես ամաչում եմ իմ այն գործընկերների համար, որոնք արդարացնում են Արցախի հայերի ցեղասպանությունը (տեսանյութ) Երևանի դպրոցներից մեկում 14-ամյա տղաները հարվածել են համադասարանցու գլխին. նա հոսպիտալացվել է «Տավուշյան շարժումը» կարիք ունի քաղաքական ձևակերպումների և այդ դեպքում այն կբերի հաջողության. Հովհաննիսյան «Կանգնի՛ր կամ հանձնի՛ր»․ Երևանի մի շարք փողոցներ պարալիզացված են․ ակցիաները շարունակվում են «Ժողովուրդ». Աննա Հակոբյանը քաղաքական նպատակով էր Գյումրիում. թեմի առաջնորդը «վտանգ» է համարվում Սուրեն Պապիկյանն ընդունել է Եվրոպայի խորհրդի Երևանի գրասենյակի ղեկավարին Երբ մենք մենակ ենք շփվում, և ոչ ոք իրավիճակը չի օգտագործում քաղաքական ամբիցիաների համար, կարողանում ենք համաձայնության գալ. Ալիև 2026-ից սկսած դպրոցի ավարտական քննությունները կհանդիսանան նաև բուհի համար ընդունելության քննություններ. նախագիծ Ապրիլի 28-ին Երևանի կենտրոնում փակ փողոցներ կլինեն Թուրքին մտցնում են մեր հողի մեջ, ո՞նց պաշտպանենք մեր ընտանիքներին, հողը հայինն ա, քաղաքական հարց չկա (տեսանյութ)