Արագ շախմատի ԱԱ. Ռոբերտ Հովհաննիսյանը հաղթել է ադրբեջանցի Մամեդյարովին

Լեհաստանի մայրաքաղաք Վարշավայում անցկացվող արագ շախմատի աշխարհի առաջնությունում ավարտվել է մրցումային երկրորդ օրը:

Կայացած 9 տուրից հետո Հայաստանի ներկայացուցիչներից լավագույն արդյունքն ունի գրոսմայստեր Ռոբերտ Հովհաննիսյանը, որը 6,5 միավորով կիսում է 5-13-րդ տեղերը: Ընդհանուր առմամբ, Հովհաննիսյանը տարել է 5 հաղթանակ, խաղացել է 3 ոչ-ոքի և կրել 1 պարտություն:

Նշենք՝ առաջնության 6-րդ տուրում հայ գրոսմայստերը սպիտակ խաղաքարերով մրցել է ադրբեջանցի գրոսմայստեր Շահրիյար Մամեդյարովի հետ և հաղթանակ տարել։ Այս պահի դրությամբ առաջնության միանձնյա առաջատարն աշխարհի չեմպիոն, նորվեգացի Մագնուս Կարլսենն է՝ 7,5 միավորով։

ԱՄՆ-ն ներկայացնող Լևոն Արոնյանը վաստակել է 6 միավոր։ Հայաստանի մյուս ներկայացուցիչներից Սերգեյ Մովսեսյանն ունի 5,5, Շանթ Սարգսյանը, Տիգրան Լ. Պետրոսյանը՝ 5-ական, Մանուել Պետրոսյանը, Գաբրիել Սարգսյանը՝ 4,5-ական, Հայկ Մ. Մարտիրոսյանը, Սամվել Տեր-Սահակյանը՝ 4-ական, Հովհաննես Գաբուզյանը՝ 3 միավոր։

Կանանց պայքարում էլ Հայաստանի ներկայացուցիչներից Էլինա Դանիելյանը վաստակել է 5,5, Սուսաննա Գաբոյանը՝ 1,5 միավոր: Առաջատարը 7,5 միավորով Ռուսաստանի ներկայացուցիչ Ալեքսանդրա Կոստենյուկն է:

Այսօր՝ դեկտեմբերի 28-ին, կանցկացվի արագ շախմատի աշխարհի առաջնության մրցումային վերջին օրը։

Դեկտեմբերի 29-30-ին էլ կանցկացվի կայծակնային խաղի աշխարհի առաջնությունը։

Այս թեմայով Գրոսմայստեր Էլինա Դանիելյանը՝ Ավստրիայի թիմային չեմպիոն Հայաստանն աշխարհի ամենաշախմատային երկիրն է. Անդրեյ Տերեխով Ուղեղում Neuralink չիպ ունեցող առաջին հիվանդը շախմատ է խաղացել մտքով (տեսանյութ) Մարիամ Մկրտչյանը բրոնզե մեդալ է նվաճել Տաշքենդում Կայծակնային շախմատի մրցաշարում հայ շախմատիստները երկրորդ և երրորդ հորիզոնականներն են զբաղեցրել Women's Chess Championship մրցաշարում ամենաբարձր վարկանիշ ունեցող մասնակիցը Մարիամ Մկրտչյանն է Սերժ Սարգսյանը հանդիպում է ունեցել շախմատի՝ մարզային ֆեդերացիաների ներկայացուցիչների հետ Հայաստանի շախմատի պատանիների առաջնության արդյունքները Հայաստանի 10 լավագույն շախմատիստներն ու շախմատիստուհիները Հայաստանի արագ շախմատի առաջնության չեմպիոն՝ Մանուել Պետրոսյան, փոխչեմպիոն՝ Շանթ Սարգսյան