Երևանի քաղաքապետն ու ՉԺՀ դեսպանն այցելել են նոր ավտոբուսների հավաքակայան

Երևանի քաղաքապետ Հրաչյա Սարգսյանը ՀՀ-ում Չինաստանի Ժողովրդական Հանրապետության արտակարգ և լիազոր դեսպան Ֆան Յոնգի հետ այցելել է Երևանի ավտոբուսների հավաքակայան, ծանոթացել նոր ավտոբուսների հարմարություններին: Քաղաքապետն ու դեսպանն ավտոբուսով պտույտ են կատարել հավաքակայանում:

Շնորհակալություն հայտնելով աշխատանքային այցի համար՝ քաղաքապետ Հրաչյա Սարգսյանը կարևորել է երկուստեք փոխգործակցության ընդլայնումն ու համատեղ ծրագրերի իրականացումը:
ՉԺՀ դեսպանն իր հերթին շնորհակալություն հայտնելով համագործակցությունն ընդլայնելու պատրաստակամության համար՝ նկատել է, որ առողջ և կայուն կերպով զարգացող երկուստեք հարաբերությունները նոր նախաձեռնությունների լավ հնարավորություն են:

«Հուսով եմ՝ մեր համագործակցությունը կլինի երկարատև, որպեսզի մենք ավելի շատ տեխնիկա, այս դեպքում ավտոբուսներ բերենք Երևան: Այս ավտոբուսները շահագործվում են նաև Չինաստանում, որևէ տարբերություն չկա թե՛ գունային առումով, թե՛ կառավարման տեսանկյունից, կարծում եմ՝ շատ հարմար են: Համագործակցության ընդլայնման մեր պատրաստակամությունը հայտնեցի պարոն քաղաքապետին, որպեսզի հետագայում նոր տեխնիկա կարողանանք բերել Հայաստան, Երևան, որպեսզի բնակիչների կյանքն ավելի հեշտացնենք և հարմարավետ դարձնենք»,- նշել է դեսպանը:Դեսպան Ֆան Յոնգին ներկայացնելով տրանսպորտային համակարգի բարեփոխումների ընթացքը՝ քաղաքապետ Հրաչյա Սարգսյանը նշել է, որ տարբեր ուղղություններով ցուցաբերվելու է համալիր մոտեցում:

 «Երթևեկության կազմակերպումը, լուսացույցների սպասարկումը, որպես պատվիրակված լիազորություն, անցնելու է Երևան համայնքին, այս պահի դրությամբ քննարկում ենք որպեսզի նաև խելացի լուսացույցներ ունենանք Երևանում: Միայն ավտոբուսների ձեռքբերմամբ հնարավոր չէ տրանսպորտի հարցը լուծել մայրաքաղաքում, և այդ համատեքստում մենք ունենալու ենք նաև կառավարման կենտրոն, որը հնարավորություն է տալու ժամանակակից միջոցներով վերահսկողություն իրականացնել հանրային տրանսպորտի նկատմամբ, որպեսզի ավելի մատչելի և հասանելի դարձնենք քաղաքացիների սպասարկումն ու կարողանանք որակյալ ծառայություններ մատուցել»,-նշել է քաղաքապետը:

Այս թեմայով Այս տարի մի քանի կարևոր ուղղություններով ավտոբուսների առանձնացված գծեր կսահմանվեն. Ավինյան 200 նոր ավտոբուսներ ձեռք բերելուց հետո անցնելու ենք 250 էլեկտրական ավտոբուսների հարցին. Ավինյան Մեր տնից չեմ բերելու նոր ավտոբուսների գումարը․ փոխքաղաքապետը՝ տրանսպորտի թանկացման հիմնավորման մասին Մինչև փետրվարի 15-ը արգելվելու է բեռնատարների և ավտոբուսների երթևեկությունը Վանաձոր-Վրաստանի սահման հատվածում Բոյկոտի մեթոդ է, էլ նման բան չպետք է լինի. Ավինյանը՝ ավտոբուսների գնման մրցույթի չկայանալու մասին Երևանի հասարակական տրանսպորտի ավտոբուսների ժամանման միջակայքերը կարող են ավելանալ ԼՂ-ից տեղահանված անձանց ՀՀ տեղափոխելու համար 37 աստիճան է, ավտոբուսների օդորակիչները պետք է միացրած պահենք, կլուծենք մարդկանց գլխին փչելու հարցը Լավ, ի՞նչ անենք, որ երթուղի դուրս չեկած ավտոբուսների թիվը 7.2%-ը չանցնի. Ավինյան 3%-ը չպետք է գերազանցի մեր ունեցած և երթուղի դուրս եկած ավտոբուսների տարբերությունը, խնդիր կստեղծվի Սուրեն Պապիկյանը զորակոչի կապակցությամբ այցելել է ՀՀ ՊՆ կենտրոնական հավաքակայան