Ընդդիմության լուռ համաձայնությամբ ՔՊ-ն օկուպացնում է Շիրակի մարզը

ՏԻՄ ընտրություններից հետո Շիրակի մարզում, ինչպես նաև մի շարք այլ մարզերում, որտեղ կայացել են համայնքի ղեկավարների ընտրություն՝ բավական բուռն քաղաքական գործընթացներ են տեղի ունենում: 

Դիցուք՝ Գյումրին թեև ունեցավ ընդդիմադիր քաղաքապետ, սակայն, երկու փոխքաղաքապետերը ՔՊ-ից են, նրանք ընտրվել են հենց Բալասանյան դաշինքի քվեների շնորհիվ: Առաջին փոխքաղաքապետը Արթուր Պապիկյանն է, նա ավագանու անդամ է, նախկին զինվորական, նաև` Սուրեն Պապիկյանի ազգականը:  Երկրորդ փոխքաղաքապետը Դավիթ Առուշանյանն է: Անշուշտ, հարց է առաջանում, թե իրականում ով է ղեկավարում Գյումրի քաղաքը, հաշվի առնելով, թե քանի քրեական գործ էր հարուցվել նույն Բալասանյանի դեմ և որքան ազդեցության լծակ ունի իշխանությունը ընդդիմության նկատմամբ:

Փոխվում են վարչությունների պետերը: Ալբերտ Մարգարյանը, որին մինչև ՏԻՄ ընտրություններ 15 օրով քաղաքապետի ժամանակավոր պաշտոնակատար դարձրեցին, նշանակվել է քաղաքապետի խորհրդական: Հիշեցնենք, որ Ալբերտ Մարգարյանը նախկինում Գյումրու քաղաքապետարանի շինարարության վարչության պետն էր, Շիրակի նախկին մարզպետ Հովհաննես Հարությունյանի հոր ընկերը, ով քաղաքապետի ժ/պ նշանակվելուց հետո կադրային ջարդ էր սկսել քաղաքապետարանում:

Այս առումով ակտիվ գործունեություն է ծավալում Շիրակի նորանշանակ մարզպետ Նազելի Բաղդասարյանը, ով ցանկանում է հավատարիմ կադրերին բերել և լծել համայնքի կառավարմանը: Բաղդասարյանի եղբոր կինն էլ՝ Անի Քոչարյանը, որը Շիրակի պետական համալսարանի (ՇՊՀ) մագիստրատուրայի առաջին կուրսի ուսանողուհի է, ստանձնել է քաղաքապետարանի արարողակարգի բաժնի պետի պաշտոնը:

Ըստ էության, ունենք մի իրավիճակ, երբ գյումրեցիները ձայն չտվեցին ՔՊ-ին, սակայն, ստացան ՔՊ-ականների կառավարում՝ շնորհիվ «Բալասանյան» դաշինքի:

Այս թեմայով Փակվեց նաև Շիրակ եւ Արտաշեսյան խաչմերուկը «Հրապարակ». Հաջորդ կանգառը՝ Շիրակ. մարզպետը կհեռանա՞ պաշտոնից Շիրակի մարզպետը մտահոգություն է հայտնել շինաշխատանքների տեմպերի ու որակի մասով Շիրակի մարզպետը արձակուրդ է մեկնում Կաշառք տալու մեղադրանքով հետախուզվողը հայտնաբերվեց «Շիրակ» օդանավակայանում Շիրակ Թորոսյանն արդարանում է՝ Հռոմի ստատուտին կողմ չի քվեարկել, որովհետև թաղման է եղել Պարտադիր չի Շիրակ տեղահանվածները մնան Գյումրիում, երբ տեղեր ունենք Ամասիայում և այլ համայնքներում Արման Սահակյանը կրկին վերընտրվել է «Շիրակ» ֆուտբոլային ակումբի նախագահ Մեքենաները մի փոքր քսվում են իրար՝ առավոտ 9-ին բոլորս մնում ենք խցանման մեջ. Շիրակ Թորոսյան Խոշոր հրդեհ՝ Շիրակ գյուղում․ ըստ բնակչի՝ հրդեհը բռնկվել է մատուռում․ ժամանել է ՓԾ 2 մարտական հաշվարկ