Մոսկվան դիմել է հայ, թուրք, ադրբեջանցի գործընկերներին, որ Վրաստանին բացատրեն «3+3»-ի առավելությունները

Ռուսաստանի Դաշնության արտգործնախարար Սերգեյ Լավրովը համոզված է, որ Հարավային Կովկասում թշնամական գործողությունների դադարեցումը և տրանսպորտային բոլոր ուղիների ապաշրջափակումը՝ Ռուսաստանի նախագահի միջնորդությամբ Հայաստանի և Ադրբեջանի ղեկավարների միջև ձեռք բերված պայմանավորվածությունների համաձայն, բացելու է հնարավորություններ, որոնցում հետաքրքրված են տարածաշրջանի բոլոր երկրները՝ Ռուսաստանը, Թուրքիան, Իրանը, Վրաստանը, Հայաստանը և Ադրբեջանը: Ռուսաստանի արտգործնախարարն այդ մասին ասել է իր ամենամյա ամփոփիչ ասուլիսի ժամանակ՝ խոսելով Հարավային Կովկասի հարցերին նվիրված «3+3» խորհրդակցական ձևաչափի մասին:

Լավրովը ընդգծել է, որ Վրաստանի միացումը «3+3»-ին չի պարտավորեցնելու Թբիլիսիին փոխել իր քաղաքական դիրքորոշումները:

«Մենք կարող ենք պայմանավորվել, որ այդ ձևաչափի շրջանակներում քննարկում ենք բացառապես այն թեմաները, որոնք հետաքրքրում են բոլոր մասնակիցներին», - ասել է Սերգեյ Լավրովը՝ հավելելով, թե քանի որ Մոսկվան դիվանագիտական հարաբերություններ չունի Թբիլիսիի հետ, այդ պատճառով շատ հնարավորություններ չունի բացատրելու վրացական կողմին փոխգործակցության նշված ձևաչափի առավելությունները: Այդ պատճառով Ռուսաստանը այդ հարցով դիմել է հայ, թուրք և ադրբեջանցի գործընկերներին, որպեսզի նրանք վրացի հարևաններին փոխանցեն այդ միտքը:

Լավրովի խոսքով՝ Վրաստանի շահերից է բխում առանց նախապայմանների «3+3»-ին միանալը:

Հարավային Կովկասում համագործակցության վեցակողմ հարթակ ստեղծելու նախաձեռնությամբ հանդես են եկել Թուրքիայի նախագահ Էրդողանը և Ադրբեջանի նախագահ Ալիևը: «3+3» ձևաչափով տարածաշրջանային խորհրդակցական հարթակի առաջին հանդիպումը տեղի է ունեցել դեկտեմբերի 10-ին Մոսկվայում՝ Ռուսաստանի ԱԳ նախարարի տեղակալ Ա. Ռուդենկոյի, Ադրբեջանի ԱԳ նախարարի տեղակալ Խ. Խալաֆովի, Հայաստանի ԱԳ նախարարի տեղակալ Վ. Գևորգյանի, Թուրքիայի ԱԳ նախարարի տեղակալ Ս. Օնալի և Իրանի ԱԳՆ գլխավոր տնօրեն Ա. Հագիգիանի համանախագահությամբ: Վրաստանը հայտարարել է, որ չի մասնակցելու «3+3»-ի հանդիպումներին:

Այս թեմայով Ուկրաինայից հետո Արևմուտքը փորձում է ապակայունացնել իրավիճակը Հարավային Կովկասը․ ՌԴ ԱԳՆ Նախքան ասելը, որ ՀԱՊԿ-ը պարտավոր է սահմանել իր պատասխանատվության գոտին, պետք է սահմանել ՀՀ սահմանները. Լավրով Հայաստանին ուզում են արագացված տեմպերով պոկել Ռուսաստանի Դաշնությունից. Լավրով Արևմուտքը չի ցանկանում, որ իրականացվեն ՌԴ-ի օգնությամբ Հայաստանի և Ադրբեջանի միջև ձեռք բերված պայմանավորվածությունները. Լավրով Լավրովը ժամանել է Մինսկ՝ մասնակցելու ԱՊՀ ԱԳ նախարարների խորհրդի նիստին Երազելը վնաս չէ. Լավրով Ֆիդանը և Լավրովը քննարկել են տարածաշրջանային հարցեր Պուտինը զարմացած էր Փաշինյանի հայտարարությունից. Լավրով Հայաստանի և Ռուսաստանի հարաբերություններում ստեղծված իրավիճակը լավատեսություն չի ներշնչում․ Լավրով Ղրիմի հարցը փակված է, այն Ռուսաստանի անբաժանելի մասն է. Լավրով