«Լրագրողական համայնք, դուք տեռորի զոհ եք դարձել ու շատ ավելի վատ ա լինելու». Գեղամ Մանուկյան
Հասարակություն«Հեռուստատեսության և ռադիոյի հանձնաժողովը խմբագրական քաղաքականություն իրականացնելու իրավունք չունի: ՀՌԱՀ-ն իրավունք չունի որոշելու, թե, օրինակ, ինչպես է լուսաբանվում Ազգային ժողովի նիստը». Այս մասին այսօր՝ հունվարի 21-ին, ԱԺ-ում ՀՌՀ անդամի վերաբերյալ քննարկման ժամանակ իր ելույթում ասաց «Հայաստան» խմբակցության պատգամավոր Գեղամ Մանուկյանը։
«Հեռուստատեսության և ռադիոյի հանձնաժողովի անդամի պարտականություններն են հետևել այն փաթեթով, որով լիցենզիա են ստացել հեռուստաընկերությունները, այդ պարտականությունների կատարմանը, համապատասխանությանը և որպեսզի հեռուստաընկերություններն իրենց եթերային քաղաքականության մեջ Հայաստանի Հանրապետության օրենքները չխախտեն, կարմիր գծերը չանցնեն։ Մնացած բոլորի հետ հեռուստատեսության և ռադիոյի հանձնաժողովը կապ չունի։ ՀՌԱՀ-ը խմբագրական քաղաքականություն իրականացնելու իրավունք չունի։ Ազգային ժողովի նիստը ինչպես է լուսաբանում հեռուստատեսությունը՝ ՀՌԱՀ-ն իրավունք չունի որոշել»,- նշեց Մանուկյանը։
Պատգամավորի խոսքով՝ Ազգային ժողովում երկու օր քննարկվում է լեզվական մշակույթի, մշակույթի քարոզչության մասին, բայց ՀՌԱՀ-ն այդ գործառույթները իրականացնելու իրավունքը չունի։