Որդու գերեզմանին ինքնասպանության փորձ արած դպրոցի տնօրենը մահացել է. նրա դեմ քրգործ կար

Օրեր առաջ հիվանդանոցում մահացել է Արարատի մարզի Նարեկ գյուղի դպրոցի  52-ամյա տնօրենը, գրում է shamshyan.com-ը:

Ըստ աղբյուրի՝ վերջինս հունվարի 13-ին «սուր էկզոգեն թունավորում քացախաթթվի էսենցիայով» ախտորոշմամբ  տեղափոխվել էր «Արտաշատ» բժշկական կենտրոն:

Նա տեղափոխվել էր իրենց գյուղից՝ իր որդու գերեզմանի մոտից, որտեղ ինքնասպանության փորձ էր կատարել:

Պարզվել է, որ մինչ այդ Արարատի մարզի դատախազությունից ոստիկանության Արտաշատի բաժին գրություն է ուղարկվել,  որը դատախազությունը ստացել էր  Արարատի մարզպետից,  որտեղ հայտնվում է, որ աշխատանքային խմբի կողմից կատարած ուսումնասիրության ընթացքում պարզվել է, որ  Արարատի մարզի Նարեկ գյուղի Ա. Ստեփանյանի անվան միջնակարգ դպրոցի տնօրեն Անուշ Դ.-ն 2020 -2021 թթ ընթացքում ՊՈԱԿ-ի աշխատակցուհի Գայանե Ա.-ին փոխանցել է մոտ 13 մլն ՀՀ դրամ գումար: Իր հայտարարությամբ Անուշ Դ.-ն հայտնել է, որ  նշված գումարն ինքն է փոխանցել Գայանե Ա.-ին՝ առանց ՊՈԱԿ-ի որևէ աշխատակցի, այդ թվում՝ հաշվապահի իմացության, հետագայում այդ գումարները տնօրինել է ինքը՝ իր ֆինանսական խնդիրների պատճառով: Նա պատրաստակամություն էր հայտնել, որ պատճառված վնասը իր կողմից կվերականգնի: Գ. Շամշյանի տեղեկություններով՝ սակայն հունվարի 13-ին  Անուշ Դ.-ն  այցելում է  որդու շիրիմին, ապա կատարում ինքնասպանության փորձ, իսկ հունվարի 15-ին հիվանդանոցում, գիտակցության չգալով, մահանում է:  

Ավելի վաղ ոստիկանության Արտաշատի բաժնի հետաքննական բաժանմունքում նյութեր էին նախապատրաստվում հունվարի 13-ին Արարատի մարզի գյուղերից մեկի բնակչի կողմից ինքնասպանության փորձ կատարելու փաստով: Այդ օրը՝ ժամը 11:40-ի սահմանում, «Արտաշատ» բժշկական կենտրոնից ոստիկանության Արտաշատի բաժին ահազանգ էր ստացվել, որ «սուր էկզոգեն թունավորում քացախաթթվի էսենցիայով» ախտորոշմամբ  իրենց մոտ է տեղափոխվել մի քաղաքացի: Հիվանդանոց էր մեկնել օպերատիվ խումբը, ովքեր պարզել էին, որ տեղափոխվածը Արարատի մարզի գյուղերից մեկի բնակիչ, 52-ամյա կին է:  

Պարզվել էր, որ նույն օրը՝ ժամը 11:00-ի սահմաններում,  նա իրենց գյուղում՝ իր որդու գերեզմանին, ինքնասպանություն գործելու նպատակով խմել է քացախաթթվի էսենցիա: Բժիշկները ոստիկաններին հայտնել էին, որ նա ի վիճակի չէ բացատրություն տալու: 

Այս թեմայով 2026-ից սկսած դպրոցի ավարտական քննությունները կհանդիսանան նաև բուհի համար ընդունելության քննություններ. նախագիծ Դասադուլ են անում սահմանապահ Բաղանիսի դպրոցի աշակերտները Մահացել է պրոֆեսոր Նիկոլայ Հովհաննիսյանը Որդին դանակահարել էր հորը, նա հիվանդանոցում մահացել է Ո՞նց ես հայի գերեզմանը ծախում, հայի գերեզմանին տեր կա, դու Աստված չունե՞ս. տարեց կինը՝ Փաշինյանին (տեսանյութ) Շրի լանկայում մեքենան մխրճվել է ամբոխի մեջ. 7 մարդ, այդ թվում՝ ութամյա մի աղջիկ մահացել են (տեսանյութ ) Մահացել է «Իզվեստիայի» ռազմական թղթակիցը Մահացել է ԵԱՀԿ ՄԽ ՌԴ առաջին համանախագահ Վլադիմիր Կազիմիրովը Երևանում 25-ամյա վարորդը «Hyundai»-ով վրաերթի է ենթարկել հետիոտնին․ նա տեղում մահացել Կհստակեցվեն դպրոցի վարչատնտեսական կառավարչի գործառույթները