Մարտակերտցիների «համբերության բաժակը» լցվել է. ինչ էր տեղափոխում ադրբեջանական շարասյունը Քարվաճառ

Նախկինում շատ անգամներ են ադրբեջանական շարասյուներ անցել մեր ճանապարհով, բայց սա միակ դեպքն էր, երբ մերոնց հաջողվեց այն հետ ուղարկել: Այս մասին ԼՈՒՐԵՐ.com -ի հետ զրույցում ասաց Արցախի Հանրապետության ԱԺ «Արդարություն» խմբակցության պատգամավոր Մետաքսե Հակոբյանը՝ անդրադառնալով համացանցում տարածված այն տեսանյութին, որում երևում էր, թե ինչպես են մարտակերտցի տղամարդիկ փակել ադրբեջանական շարասյան դիմաց թույլ չտալով, որ այն հասնի Քարվաճառ: 

«Այնպես է ստացվել, որ մենք իրավունք չունենք օգտվել մեր այն ճանապարհներից, որոնք անցել են Ադրբեջանի տիրապետության տակ, բայց նրանք իրավունք ունեն օգտվեն մերինից: Ամեն անգամ, երբ գյուղացիները ստիպված են լինում օգտվել այդ նույն ճանապարհից, վախենում են թե՛ իրենց, և թե՛  երեխաների կյանքի համար, որովհետև չգիտես՝ ինչ սպասել ադրբեջանցուց»,- ասաց պատգամավորը:

Մեր այն հարցին՝ եթե բնակիչները նախկինում չէին խոչընդոտում ադրբեջանական շարասյան անցնելուն, ապա որն է պատճառը, որ հիմա են ընդդիմանում, Մետաքսե Հակոբյանը պատասխանեց. «Մարդկանց համբերության բաժակն է լցվել, որովհետև երբ որ նոր էր այս ամենը, հույս ունեին, որ ինչ-որ մի բան կփոխվի, բայց, երբ տեսան, որ այդպես չէ, սկսեցին արդեն իրենք իրենց ուժերով պայքարել անօրինությունների դեմ»,- ընդգծեց պատգամավորը:

Վերջինս ասաց, որ մարտակերտցիներից մեկը իր հետ զրույցում ասել է, որ նման շարասյուներով գրեթե միշտ զինվորական համազգեստներով մարդիկ են անցնում, իսկ մեքենայի ներսի պարունակությունը չեն կարողանում իմանալ, թե ինչ է. «Բնակիչները ասում են՝ ամեն ինչ էլ կարող է լինել այդ մեքենաների ներսում: Առաջին հայացքից, որ նայում ես ինչ-որ շինանյութ է, հավանաբար իրենց դիրքերի բերալավման համար է»,- ասաց մեր զրուցակիցը:

Ըստ Հակոբյանի՝ կարևոր չէ՝ քանի հոգի է կանգնել ադրբեջանական մեքենայի դիմաց, էականն այն է, որ նրանք այնքան ուժ և խիզախություն են ունեցել, որ կարողացել են մի քանի հոգով այդ շարասյունը ելման դիրքեր ուղարկել:

Զվարթ Պետրոսյան

Այս թեմայով Ադրբեջանցիները ծաղրում են Ստեփանակերտում փողոցով քայլող տարեց հայ տղամարդուն․ Լինդսի Սնել (տեսանյութ) «Ադրբեջանցիները ցնցող բացահայտում են արել»․ դեսպան Մկրտչյան Եղվարդ-Աշտարակ ճանապարհին մեքենաներ են բախվել․ տուժածները հոսպիտալացվել են Շահրամանյանին հարցաքննության են հրավիրել, մեքենաներ են յուրացվել, հաղորդում է ներկայացվել Բաշինջաղյան - Առաքելյան խաչմերուկի մոտակայքում մեքենաներ են բախվել Վեդի-Այգավան ճանապարհին մեքենաներ են բախվել Զրահապատ մեքենաներ և ուղղաթիռներ. Փարիզը պատրաստվում է ֆերմերների շրջափակմանը Արտաշատ-Երևան ճանապարհին մեքենաներ են բախվել․ կա զոհ Վայքից Ջերմուկի խաչմերուկ ընկած հատվածում մեքենաներ են բախվել. կան տուժածներ Արտակարգ իրավիճակ՝ «Չայնիի» ոլորաններից դեպի Գեղարքունիքի մարզ․ ճանապարհներին մեքենաներ են վթարվել