100 օրերի ընթացքում որոշակի աշխատելաոճ և ձեռագրային սկզբունքներ կարողացել եմ ի ցույց դնել. Նազելի Բաղդասարյան

Որևէ պետական պաշտոնյա չի կարող հաջողել, եթե չի տեսնում առկա խնդիրները, չի կարևորում քաղաքացիների կողմից մատնանշված հիմնահարցերը: Այս մասին աշխատանքային 100 օրերն ամփոփող մամուլի ասուլիսի ժամանակ նշել է Շիրակի մարզպետ Նազելի Բաղդասարյանը:

Ասուլիսը կայացել է Արթիկ համայնքի Լեռնարկերտ բնակավայրի մշակույթի տանը:

Մարզպետը նշել է, որ ասուլիսը հաշվետվողականության մեկ քայլ է, իսկ այն Լեռնակերտ բնակավայրում անցկացնելն ինքնանպատակ չի արվել՝ աշխատանքային մոտեցման ցուցաբերում է, որովհետև ինչպես ՀՀ կառավարությունն է միտված ապակենտրոնացված քաղաքականություն իրականացնելուն, այնպես էլ մարզում պետք է նույն ձեռագիրը պահպանել։ Այնուհետև Շիրակի մարզպետն անդրադարձել է բոլոր ոլորտներում իրականացված աշխատանքներին ու առկա հիմնախնդիրներին։

«Խոսելով մարզի խնդիրների մասին չեմ կարող չառանձնացնել մեր մարզից գերեվարված տղաների հայրենադարձման հարցին, այս պահի դրությամբ 62 հաստատված գերիներց 32-ը վերադարձել են, գործընթացը շարունակվում է, հաստատված գերիների հետ հարազատները նամակագրական և հեռախոսային կապ ունեն, որն իրականացվում է «Կարմիր խաչի միջազգային ընկերության» աջակցությամբ, ամեն ինչ արվում է, որ մեր հայրենակիցներն օր առաջ վերադառնան տուն»,- նշել է մարզպետը։

Ըստ Նազելի Բաղդասարյանի, մարզի խնդիրների մեջ առանձնանում է գործազրկությունը և պետք է ամեն կերպ խթանել տնտեսության զարգացմանը, այս առումով քայլեր են ձեռնարկվում, մասնավորապես, ամեն ինչ արվելու է, որ ներդրումների առումով մարզն առավել գրավիչ դառնա․ «Կարծում եմ, որ մենք պետք է մեր մարզի առավելությունները շեշտադրենք։ Մենք ամեն ինչ անելու ենք, որ յուաքանչյուր համայնք կարողանա ներկայացնել իր առավելությունները։ Մարզպետարանը, որպես պետական տարածքային քաղաքականություն իրականացնող և վերահսկող, փորձում է ամեն կերպ այդ ամենին նպաստել»։

Համայնքների զարգացման կարևոր ու ճկուն գործիքակազմ Շիրակի մարզպետը համարել է պետություն-համայնք համագործակցության արդյունք հանդիսացող սուբվենցիոն ծրագրերը և նշել, որ 2022-ին 44 հայտ է ներկայացվել համայնքներից՝ ընդհանուր 7 մլրդ 229 մլն դրամի․ «Շատ մանրակրկիտ ուսումնասիրել ենք և կարվի հնարավորը, որ ծրագրերը կյանքի կոչվեն։ Հատկապես, որ պետությունն ամեն ինչ անում է համայնքներին աջակցելու համար։ Մեծ ուշադրություն է դարձվում մանկապարտեզների, նախակրթարանների կառուցմանը, նորոգմանը՝ կֆինանսավորվի այդ ծրագրերի 70 տոկոսը: Վերանայվել է նաև սահմանամերձ համայնքների սուբվենցիոն ծրագրերի տոկոսային հարաբերությունը՝ պետական բյուջեից ֆինանսավորման չափաբաժինը 80 տոկոս է կազմում։ Մեծ ուշադրություն է դարձվում դեպի արոտավայրեր գնացող ճանապարհների կառուցմանը, ընդհանրապես, ճանապարհաշինությանը, լուսավորության ցանցերի անցկացմանը, մեքենասարքավորումների ձեռքբերմանը»։

Մարզպետն անդրադարձել է գյուղատնտեսությանը՝ նշելով, որ ոլորտում առկա խնդիրներն կառավարության և մարզային իշխանությունների ուշադրության կենտրոնում են, խոսքն ինչպես ոռոգման հիմնահարցի, այնպես էլ պարարտանյութերի գնի թանկացման մասին է։

Նազելի Բաղդասարյանը պատասխանել է նաև լրագրողների հարցերին, որոնք վերաբերվել են անօթևանությանն ու վթարայիններին, նոր ձևավորված համայնքների աշխատանքին, կադրային քաղաքականությանն ու համագործակցությանը։

Ամփոփելով ասուլիսը՝ Շիրակի մարզպետը նշել է, որ 100 օրերի ընթացքում որոշակի աշխատելաոճ և ձեռագրային սկզբունքներ կարողացել է ի ցույց դնել, այսուհետ ևս շարունակելու է աշխատել նույն սկզբունքով՝ պատասխանատվությամբ ու թափանցիկ։

Այս թեմայով ՔՊ-ական պաշտոնյաների արտոնյալ ԽԾԲ-ն. Նազելի Բաղդասարյան ՀՀ–ի և Ադրբեջանի միջեւ բանակցվող նախագծում առկա է արդեն իսկ համաձայնեցված կետ․ վարչապետի խոսնակ «Տեսեք՝ անձնագրային բաժինն ինչ է անում «բաստիոնի» քաղաքացիների հետ»․ Էդիկ Բաղդասարյան Վարչապետի խոսքը մանիպուլատիվ կերպով կտրվել է կոնտեքստից և լուսապատկերի տեսքով շրջանառվել. Նազելի Բաղդասարյան Եվա Բաղդասարյանն ամուսնու հետ սիրառատ լուսանկարներ է հրապարակել «Գիտեմ՝ կարոտում եք ինձ»․ Եվա Բաղդասարյանի գրավիչ կերպարը Նազելի Բաղդասարյանը եւ Սյունիքի մարզպետը ներկայացնում են ԼՂ հայրենակիցներին ցուցաբերվող աջակցության աշխատանքների ընթացքը Նազելի Բաղդասարյանը եւ Շիրակի մարզպետը ներկայացնում են ԼՂ-ից բռնի տեղահանված հայրենակիցներին ցուցաբերվող աջակցության աշխատանքների ընթացքը Նազելի Բաղդասարյանը ներկայացնում է ԼՂ-ից բռնի տեղահանված մեր հայրենակիցներին աջակցության աշխատանքների ընթացքը Նազելի Բաղդասարյանը ներկայացնում է Լեռնային Ղարաբաղից բռնի տեղահանված հայրենակիցներին աջակցության աշխատանքների ընթացքը