Այսօր Արցախի հերոսներ Վազգեն Սարգսյանի, Սամվել Բաբայանի և Վիտալի Բալասանյանի ծննդյան օրն է

Մարտի 5-ին Հայաստանի ազգային հերոս, Արցախի հերոս, սպարապետ Վազգեն Սարգսյանի, ԼՂՀ ինքնապաշտպանական ուժերի նախկին գլխավոր հրամանատար, գեներալ-լեյտենանտ, Արցախի հերոս Սամվել Բաբայանի, Արցախյան ազատամարտի մասնակից, Արցախի հերոս, ԱՀ Անվտանգության խորհրդի քարտուղար Վիտալի Բալասանյանի ծննդյան օրն է: 

Վազգեն Սարգսյանը ծնվել է 1959 թվականին, Արարատի շրջանի Արարատ գյուղում։ Արցախյան Շարժման առաջին իսկ օրերից նա ազատամարտիկների շարքերում էր` իբրև արցախյան ազատագրական պայքարի առաջին կազմակերպիչներից մեկը։

1990-91թթ. իր հրամանատարության ներքո միավորել է Երկրապահ կամավորական ջոկատները, եղել է ՀԽՍՀ գերագույն խորհրդի պատգամավոր, պաշտպանության և ներքին գործերի մշտական հանձնաժողովի նախագահ։ Նա խոշոր ավանդ է ունեցել հայրենի հողն ու սահմանները թշնամու ոտնձգություններից զերծ պահելու, մարտի դաշտում մեր ժողովրդի քաջարի զավակների հաղթանակն ապահովելու գործում։

Անգնահատելի են Վազգեն Սարգսյանի ծառայությունները հայոց բանակի կազմավորման և կայացման գործընթացներում: Նա հսկայական ներդրում ունի Հայաստանի ու Արցախի պաշտպանության և անվտանգության ապահովման գործում։ Պետական ականավոր գործիչ, պաշտպանության նախարար, վարչապետ Վազգեն Սարգսյանը մեծ դերակատարություն ուներ ՀՀ պետականության հզորացման, երկրի զարգացման ասպարեզում։

Սամվել Բաբայանը ծնվել է 1965-ին՝ Ստեփանակերտում: 1988-ից մասնակցել է Արցախյան շարժմանը: 1989-91թթ. եղել է Ստեփանակերտի 2-րդ կամավորական ջոկատի հրամանատար, կենտրոնական շտաբի անդամ, ԼՂՀ ինքնապաշտպանության ջոկատների հրամանատարի տեղակալ:

1991թ. հունիսին՝ «Կոլցո» գործողության ժամանակ, ձերբակալվել է ԽՍՀՄ ՆԳՆ զորքերի կողմից և ավելի քան 6 ամիս պահվել է Շուշիի և Բաքվի բանտերում:

1992-94թթ. համակարգել է ԼՂՀ պաշտպանական շրջանների մարտական գործողությունները, մասնակցել Շուշիի ազատագրման պլանի մշակմանը, եղել է ուղղության հրամանատար: 1997-ից Արցախի Հերոս է և ԼՂՀ բարձրագույն՝ «Ոսկե Արծիվ» շքանշանակիր:

Վիտալի Բալասանյանը ծնվել է 1959-ին, Ասկերան քաղաքում:

1988-ին Բալասանյանին իր համակիրների հետ հաջողվել է հետ մղել դեպի Ստեփանակերտ շարժվող ադրբեջանցիների բազմահազարանոց ամբոխն ու կանխել արյունահեղությունը: 1992թ. հունվարից Վիտալի Բալասանյանը մասնակցել է Ասկերանի, Աղդամի, Մարտակերտի շրջանների բնակավայրերի, Ամարասի հովտի, Քաշաթաղի ինքնապաշտպանական և ազատագրական մարտերին:

1989-91թթ. եղել է կամավորական ջոկատի, ապա` գումարտակի, 1992-96թ.` Ասկերանի պաշտպանական շրջանի, 1996-98թ.` ԼՂՀ ՊԲ միավորման հրամանատար, 1998-99թ.` ԼՂՀ ՊԲ հրամանատարի տեղակալ, 1999-2005թ.` ԼՂՀ պաշտպանության նախարարի տեղակալ, 2005-2006թ.` Արցախի պատերազմի վետերանների միության նախագահ:

Վիտալի Բալասանյանը պարգևատրվել է ԼՂՀ «Մարտական Խաչ» 1-ին և ՀՀ «Մարտական Խաչ» 2-րդ աստիճանի և ԼՂՀ բարձրագույն «Ոսկե արծիվ» շքանշաններով:

Այս թեմայով Սուրեն Պետրոսյանն այսօր դուրս կգա ՁՊՎ-ից. 60 ժամվա ընթացքում նրան մեղադրանք չի ներկայացվել ՄԻՊ-ն անհասկանալի համառությամբ այդպես էլ չհիշեց Սամվել Վարդանյանի խոշտանգման մասին․ Մնացականյան ՀՀ քրեական օրենսգրքում հստակ կսահմանվի կիբեռհանցագործությունների ցանկը․ Արփինե Սարգսյան Մենք այսօր էլ շարունակում ենք բախվել ցեղասպանության տարբեր դրսևորումների. Սինանյան Իշխանությունն ունի արտաքին սատարում, դրա համար էլ չի հաջողվում հեռացնել. Սերժ Սարգսյան Այսօր լրանում է Հայոց ցեղասպանության 109-րդ տարելիցը․ Ռոբերտ Քոչարյան 24.04.2024-ից թող սկսվի Հայաստան-Արցախի վերածննդի հետհաշվարկը․ ես հավատում եմ. Նազենի Հովհաննիսյան Անկում տարադրամի շուկայում․ փոխարժեքն՝ այսօր Ֆրանսիան այսօր ոգեկոչում է 1915 թվականի Հայոց ցեղասպանության 109-րդ տարելիցը․ Մակրոն Այսօր արդեն ունենալով անկախ պետություն՝ մենք պետք է շարունակենք ամրանալ և բացառենք նման արհավիրքը