Կարգավորման գործընթացը հնարավոր է, եթե «Հայաստանը հրաժարվի ագրեսիվ դիրքորոշումներից»․ Էրդողանի խոսնակ

Թուրքիայում իշխող «Արդարություն և զարգացում» կուսակցության խոսնակ Օմեր Չելիքը մամուլի ասուլիսի ժամանակ անդրադարձել է նաև հայ-թուրքական հարաբերությունները կարգավորելուն միտված գործընթացին, գրում է Ermenihaber-ը:

Չելիքը, նշելով, որ Հայաստանի հետ կարգավորումն այն թեմաներից է, որին մոտիկից հետևում են տարածաշրջանում և Եվրոպայում, նախ անդրադարձել է ցեղասպանության թեմային:

«Գիտեք, որ սփյուռքի ու մի շարք ցեղասպանության պնդումներ անողների թեզերին ի պատասխան՝ մեր նախագահը շատ հզոր հայտարարություններ է արել մեր արխիվները բացելու ու թեման քաղաքականությունից դուրս պահելու վերաբերյալ»,- ասել է Չելիքը: 

Այնուհետև վերջինս հիշել է 2009-ի հայ-թուրքական արձանագրություններն ու դրանց տապալման համար մեղադրել հայկական կողմին:

Խոսելով ներկա իրավիճակի մասին՝ Չելիքն ասել է, որ կարգավորման գործընթացը հնարավոր է, եթե «Հայաստանը հրաժարվի ագրեսիվ դիրքորոշումներից»:

«Այսպիսով՝ Ադրբեջանի մեր եղբայրների հավանությամբ, մեր նախագահի ու պարոն Ալիևի առաջարկած հեռանկարներով՝ ողջ տարածաշրջանում ժողովուրդների համատեղ ապագային միտված բախումներից ու ագրեսիայից խուսափել պարտադրող հնարավորության պատուհան է բացվել»,- եզրափակել է Չելիքը: 

Այս թեմայով Թուրքիան պահանջում է քանդել Երևանում «Նեմեսիսի» հուշահամալիրը Հույս ունենք, որ Փաշինյանը անկեղծություն կդրսևորի ոչ միայն խոսքով, այլև գործով. Չավուշօղլու Թուրքիայի պաշտպանության նախարարը խոսել է Հայաստանի մասին Հիմա ճիշտ ժամանակն է Հայաստանի հետ հարաբերությունները կարգավորելու․ Դավութօղլու Խաղաղության պայմանագրի համար բանակցություններ են ընթանում. Չավուշօղլուն խոսել է Հայաստան-Ադրբեջան և Հայաստան-Թուրքիա գործընթացներից Մենք ցանկանում ենք կոնկրետ քայլեր տեսնել Հայաստանից. Չավուշօղլու Հայ-թուրքական երկխոսությունը տարածաշրջանային կայունության ամրապնդման ներուժ ունի․ ԱՄՆ Պետդեպ Անկարան մտադիր է շարունակել Երևանի հետ հարաբերությունների կարգավորման գործընթացը․ Չավուշօղլու Էրդողանի խոսնակը հայտնել է՝ ինչու 1992 թվականին փակվեց հայ-թուրքական սահմանը