Հայաստանը պատրաստ է Ադրբեջանի հետ քննարկել ցանկացած հարց՝ առանց նախապայմանների․ Էդուարդ Աղաջանյան

Հայաստանը պատրաստ է Ադրբեջանի հետ քննարկել ցանկացած հարց՝ առանց նախապայմանների, այս մասին Հանրային հեռուստաընկերության «Հարցազրույց Պետրոս Ղազարյանի հետ» հաղորդաշարի ժամանակ հայտարարել է ՀՀ ԱԺ արտաքին հարաբերությունների մշտական հանձնաժողովի նախագահ Էդուարդ Աղաջանյանը։

«Հայաստանի դիրքորոշումը բավականին կոնստրուկտիվ է, որը կայանում է հետևյալում․ կրկնում եմ՝ հայկական կողմը պատրաստ է քննարկել, ըստ էության, ցանկացած հարց, բայց կարևորագույն նախապայմանը նախապայմանների բացակայությունն է»,- ասել է նա։

Հիշեցնենք, որ երեկ տված հարցազրույցում Էդուարդ Աղաջանյանն ասել էր, որ վերջին 30 տարիների ընթացքում ՀՀ դիրքորոշումը բանակցությունների սեղանին եղել է հենց Արցախի հայության անվտանգ ապրելու իրավունքն իրենց ծննդավայրում և լրագրողի հակադարձմանը, թե արդյոք հնարավոր է Ադրբեջանի կազմում, նա արձագանքել էր՝ ասելով, թե իր կարծիքով «պետք է այդ գործընթացը քննարկվի, և վերջնական կարգավիճակն Արցախի քննարկվի և դրան` վերջնական կարգավիճակին հասնենք խաղաղության պայմանագրի վերջնական հաստատման և կնքման շրջանակներում»։

Անդրադառնալով Պետրոս Ղազարյանի հարցին, թե որքանով է տրամաբանական և նպատակահարմար բոլոր հարցերի քննարկումը մեկ փաթեթով՝ սահմանազատում և սահմանագծում, տրանսպորտային ուղիների բացում, խաղաղության պայմանագիր, Էդուարդ Աղաջանյանն ասել է․

«Իմ կարծիքով՝ նպատակահարմար չէ, դրա արդյունքում գործընթացը էլ ավելի կոմպլեքս կդառնա։ Եվ եթե տվյալ պարագայում գործընթացները առնվազն գործառնական առումով իրարից անկախ են եղել, այդ պարագայում, կարծում եմ, մի գործընթացը կսկսվի մյուսով պայմանավորվել, ինչը բնականաբար էլ ավելի կբարդացնի վերջնական համաձայնության գալու հավանականությունը»։

Էդուարդ Աղաջանյանը նաև նշել է, որ Հայաստանն այժմ սպասում է Մինսկի Խմբի արձագանքին՝ Ադրբեջանի հետ խաղաղության բանակցություններ նախաձեռնելու վերաբերյալ իր դիմումին։

«Կարծում եմ, որ սա շատ կարևոր նախաձեռնություն էր ․․․ Խնդիրը նրանում է, որ Ադրբեջանի հետ մեր բանակցությունները և առհասարակ երկխոսությունը տեղի է ունենում ծայրահեղ անվստահելի, կամ եթե կուզեք, վստահության մթնոլորտի բացակայության պայմաններում։ Եվ դա ունի շատ հստակ պատճառներ»,– ասել է նա՝ նշելով, որ Ադրբեջանը մշտապես խնդիրներ է առաջացրել բոլոր հայտարարություններից բխող պարտավորությունների կատարման հարցում։

Պատգամավորը նշել է նաև, որ Հայաստանը պետք է առավելագույնը անի, որպեսզի հասնի տարածաշրջանում խաղաղության հաստատմանը։ «Բայց այս օրակարգը միայն մենք չէ, որ պետք է սպասարկենք։ Եվ այն իրավիճակը, որն այսօր առկա է, ևս մեկ անգամ ապացուցում է, որ տարածաշրջանում մնացած խաղացողները, և տվյալ պարագայում Ադրբեջանը, ևս պետք է իրապես շահագրգռված լինի իրական խաղաղության հաստատմամբ։ Մեր առաքելությունը կայանում է նաև նրանում, որ մենք Ադրբեջանին ներքաշենք այս օրակարգի մեջ՝ փորձելով օգտագործել բոլոր հնարավոր գործիքները, այդ թվում դիվանագիտության ոլորտում»,– ասել է նա։

Այս թեմայով Վիլյորբան քաղաքի պատվիրակությունն Աբովյանում էր կարևոր հանդիպումների ու հագեցած շրջայցի օրակարգով․ Էդուարդ Բաբայան Պատմական Հայաստանից հրաժարվելով՝ Նիկոլը մեզ դարձնելու է առանց հիշողոթյան անասուն․ Էդուարդ Շարմազանով Էդուարդ Սպերցյանը նախկին ԽՍՀՄ երկրների ամենաթանկ ֆուտբոլիստների հնգյակում է «Ժողովուրդ». ՔՊ խմբակցության նախկին պատգամավոր Էդուարդ Աղաջանյանը հարցաքննության է ներկայացել Հակակոռուպցիոն կոմիտեում Պետք է վախենալ ոչ թե պատերազմից, այլ «խաղաղ» ադրբեջանացումից․ Էդուարդ Շարմազանով Հո Բուդյոնին չեմ, որ թուրը ձեռս մտնեմ կռվի մեջ. Էդուարդ Շարմազանով Ազգակործան պատուհասները կգնան ու կկորեն պատմության աղբանոցում, քիչ մնաց․ Էդուարդ Շարմազանով Իսպանական ակումբներից մեկը հետաքրքրված է Էդուարդ Սպերցյանի ծառայություններով Փաշինյանի երազանքը «Զվարթնոց»-ում ռուսներին թուրքերով փոխարինելն է․ Էդուարդ Շարմազանով «Ժողովուրդ». Հայկուհի Հարությունյանի հայտարարության առթիվ հարուցված քրվարույթի շրջանակում կհարցաքննվի Էդուարդ Աղաջանյանը