Առանց այդ էլ թույլ տնտեսություն ունեցող մի շարք երկրներ կարող են բախվել ռեցեսիայի․ ԱՄՀ

Այս տարի համաշխարհային տնտեսական աճը կարող է մնալ դրական տարածքում՝ չնայած  Ուկրաինայում պատերազմին, սակայն առանց այդ էլ թույլ տնտեսություն ունեցող մի շարք երկրներ կարող են բախվել ռեցեսիայի։ Այս մասին հայտարարել է Արժույթի միջազգային հիմնադրամի  գործադիր տնօրեն Քրիստալինա Գեորգիեւան, հաղորդում է Reuters-ը։

Նրա խոսքով՝ ԱՄՀ-ն կնվազեցնի իր աճի կանխատեսումները, երբ ապրիլին հրապարակեն նոր կանխատեսումները։  ԱՄՀ-ն վերջին անգամ կանխատեսել էր 4,4% համաշխարհային տնտեսական աճ 2022թ․ հունվարին, ինչը մոտ կես տոկոսային կետով ցածր է հոկտեմբերին կանխատեսվածից՝ մատակարարման շարունակական խափանումների պատճառով: Սակայն հակամարտության եւ Ռուսաստանի դեմ պատժամիջոցների հետեւանքով էներգակիրների եւ պարենային ապրանքների գների բարձրացման ցնցումը ծանր հարված կհասցնի շատ զարգացող երկրներին, ասել է նա։

«Մենք ցանկանում էինք, որ աճը շարունակվի, իսկ ինֆլյացիան, որը խնդիր էր դարձել, նվազի»,- ասել է  Գեորգիեւան՝ նշելով, որ հակառակ իրավիճակն է եղել։

ԱՄՀ-ն նախատեսում է թարմացնել իր կանխատեսումները, երբ հրապարակի Համաշխարհային տնտեսական նոր հեռանկարը՝ Համաշխարհային բանկի հետ ապրիլի 18-24-ը Վաշինգտոնում գարնանային հանդիպումների ժամանակ:

«Մենք ռեցեսիայի հնարավոր ռիսկ կտեսնենք այն երկրներում, որտեղ ցնցումը տեղի է ունենում թույլ տնտեսության ֆոնին»,- հավելել է նա։

Այս թեմայով Մեր նպատակն է Հայաստանը դարձնել բարձր տեխնոլոգիական տնտեսություն ունեցող երկիր. վարչապետը հանդիպել է եգիպտացի գործարարներին «Standard and Poor’s»–ը վերահաստատել է ՀՀ սուվերեն BB- վարկանիշը` կայուն հեռանկարով Հայաստանում Տնտեսական ակտիվության ցուցանիշի հավելաճը կազմել է 9.5% Fitch-ը 2024 թվականին Հայաստանում 6% տնտեսական աճ է կանխատեսում Հայաստանի ամենախոշոր հարկատուները ռուսական կապիտալով ընկերություններն են Վահան Քերոբյանը Կամարիսում այցելել է ելակի, ազնվամորու և մոշի մշակությամբ զբաղվող ջերմոցային տնտեսություն Ինչ եկամուտներ և ունեցվածք են հայտարարագրել տնտեսական բլոկի պատասխանատուները Հայաստան կժամանի ԳԴՀ տնտեսական համագործակցության նախարարի պետքարտուղարը Քերոբյանը ԱՄԷ դեսպանի հետ քննարկել է տնտեսական համագործակցության հեռանկարային ուղղությունները Փոխվարչապետն ընդգծել է գործադիր-Միասնական հարթակ կապի աշխատակարգի սահմանման անհրաժեշտությունը