Դեղերի շուկաներում մրցակցային միջավայրը զգալիորեն բարելավվել է. ՄՊՀ

ՀՀ ՄՊՀ-ից հայտնում են, որ հրապարակվել են դեղերի շրջանառության ոլորտի ուսումնասիրության արդյունքները. ուսումնասիրված շուկաներում մրցակցային միջավայրը զգալիորեն բարելավվել է:

Ուսումնասիրությունն ընդգրկում է 2019-2020 թվականներին սրտային հիվանդությունների ժամանակ օգտագործվող վազոդիլացնող և այլ դեղամիջոցների շրջանառությունը:

Ուսումնասիրության արդյունքները մասնավորապես ցույց են տվել, որ՝

Դիտարկվող ժամանակահատվածում նշված դեղամիջոցների արտադրություն ՀՀ-ում չի իրականացվել, ներմուծում իրականացնող տնտեսավարող սուբյեկտների թիվն ավելացել է՝ 22-ից կազմելով 29:

2019 և 2020 թվականներին ուսումնասիրվող դեղամիջոցներն առավել շատ ներկրվել են Ֆրանսիայից:

2020 թվականին 2019 թվականի համեմատ ուսումնասիրվող ապրանքային շուկաներում առավել խոշոր տնտեսավարող սուբյեկտների մասնաբաժինները նվազել են, ինչը խոսում է մրցակցային միջավայրի բարելավման մասին:

Առանձին դեղամիջոցների վերաբերյալ վերլուծությունը ևս ցույց է տվել մրցակցային միջավայրի բարելավում:

Որոշ դեպքերում առանձին դեղամիջոցների մանրածախ իրացման գներն աճել են, անկախ այն հանգամանքից, որ տեղի է ունեցել մեծածախ իրացման միջին գների նվազում:

Ուսումնասիրված դեղերի ինչպես մեծածախ, այնպես էլ մանրածախ իրացման գները 2020 թվականին 2019 թվականի համեմատ հիմնականում աճել են:

Հանձնաժողովի եզրահանգմամբ՝ կենսականորեն բարձր նշանակություն ունեցող դեղամիջոցների մանրածախ իրացման գների նվազման տեսանկյունից դրական ազդեցություն կարող է ունենալ գնային կարգավորման քաղաքականության կիրառումը:

Ուսումնասիրությանն ամբողջությամբ կարող եք ծանոթանալ Հանձնաժողովի կայքում՝ հետևյալ հղմամբ:

Այս թեմայով Հայաստանը պատրաստ է բարելավել ներդրումային միջավայրը եվրոպական և ամերիկյան ընկերությունների ներգրավման համար․ Փաշինյան ՄՊՀ նախագահը Բուդապեշտում կմասնակցի մրցակցային մարմինների ղեկավարների ամենամյա հանդիպմանը Շուրջ 900 անուն դեղեր չեն ներառվելու էլեկտրոնային դեղատոմսերով բաց թողնվող դեղերի ցանկում Հիշեցնում Էլեկտրոնային դեղատոմսով դեղերի ձեռքբերման մասին Կառավարությունը նախատեսում է կարգավորել դեղերի գրանցման և կլինիկական փորձարկումների ոլորտը Լենա Նանուշյանը հանդիպել է Իրանի սննդամթերքի և դեղերի վարչության պետ Հայդեր Մոհամմադիի հետ Քերոբյանը Ֆերրոպոլիս քաղաքում ներկայացրել է Հայաստանում ստեղծված բարենպաստ գործարար միջավայրը Մի շարք հանգամանքներ ազդում են Հայաստանում որոշ դեղերի բարձր գների վրա. պարզաբանում է նախարարը Վրաստանում դեղագործական ընկերությունները տուգանվել են դեղերի կարտելային գներ սահմանելու համար Հայաստանում օդի ջերմաստիճանը զգալիորեն կնվազի