«Պատրաստ ենք ծանրամարտի Եվրոպայի առաջնությունն անցկացնել ամենաբարձր մակարդակով»․ Վահրամ Դումանյան

ՀՀ կրթության, գիտության, մշակույթի և սպորտի նախարար Վահրամ Դումանյանն ընդունել է Եվրոպայի ծանրամարտի ֆեդերացիայի (EWF) նախագահ Անտոնիո Կոնֆլիտիին և գլխավոր քարտուղար Միլան Միխայլովիչին ու քննարկել ծանրամարտի Եվրոպայի 2023 թվականի առաջնությունը Երևանում անցկացնելու հնարավորությունը:

Հանդիպմանը ներկա է եղել նաև ԿԳՄՍ նախարարի տեղակալ Կարեն Գիլոյանը:

Ինչպես տեղեկացրին ՀՀ կրթության, գիտության, մշակույթի և սպորտի նախարարությունից,  Վահրամ Դումանյանը, ողջունելով հյուրերին, ընդգծել է՝ մեր երկրի համար մեծ պատիվ կլինի Եվրոպայի առաջնության անցկացումը. «Ծանրամարտը Հայաստանում շատ սիրված և բավականին մեծ մասսայականություն վայելող մարզաձև է, ու մենք կարող ենք հպարտանալ այս մարզաձևում ունեցած հաջողություններով: Ուրախ կլինենք, եթե միջազգային ֆեդերացիան այդ մրցաշարի անցկացումը մեզ վստահի: Կարող եք հավատացած լինել՝ մենք պատրաստ ենք առաջնությունն ամենաբարձր մակարդակով անցկացնելուն»:

Ըստ աղբյուրի՝  Ծանրամարտի Եվրոպայի  ֆեդերացիայի նախագահ Անտոնիո Կոնֆլիտին կարևորել է պետական աջակցությունն այդ գործընթացում և շեշտել՝ առանց այդ աջակցության, թերևս, հնարավոր չէ առաջադրված նպատակն իրագործել. «Տեսնում ենք՝ Հայաստանի կառավարությունն աջակցում է այս գաղափարի իրագործմանը, իսկ դա արդեն գործի կեսն է: Առաջին անգամ էինք Հայաստանում, ծանոթացանք ենթակառուցվածքներին, ու կարող եմ ասել՝ դրանք գոհացուցիչ են: Մայիսին համաժողով կունենանք ծանրամարտի միջազգային ֆեդերացիայի հետ ու այդ ժամանակ էլ վերջնական որոշում կկայացնենք»:

Անտոնիո Կոնֆլիտին նաև նշել է, որ իրենք մշտապես պատրաստ են աջակցելու Հայաստանի ծանրամարտի ֆեդերացիային և հայկական սպորտին առհասարակ. «Տեսնում եմ՝ որքան եք կարևորում սպորտը ձեր երկրում, ու իսկապես ուրախ եմ դրա համար: Սպորտն առաջին հերթին առողջություն է և կարգապահություն ու մշտապես պետք է լինի ուշադրության կենտրոնում»:

Այս թեմայով Սարո Խոդավերդին և Վահրամ Ճուղուրյանը նշանակվել են օտարերկրյա պետություններում Սփյուռքի գործերի հանձնակատարներ Արցախի հարցը որևէ կապ չունի Ադրբեջանի տարածքային ամբողջականության հետ, մենք ինքնորոշվել էինք մեր տարածքի վրա․ Վահրամ Բալայան «Ով որ ձեզնից ձայն չհանեց, ով էլ վրան քսեց օճառ, ուրեմն նա ոչ թե հայ է, այլ խճուղու մարմնավաճառ»․ Վահրամ Սահակյան «Հրապարակ». Էկոնոմիկայի նախարարությունը 64 հազար դոլար է փոխանցել Վահրամ Թոքմաջյան Արցախում ստեղծված իրավիճակից դուրս գալու համար կա 4-րդ ճանապարհ․ Վահրամ Մարտիրոսյան Աշխարհում ոչ մի ադրբեջանցի քֆուր չի գրի մորը զոհվածի․ դուք շատ եք, բայց ձեզ հայ ասող չկա․ Վահրամ Սահակյան (տեսանյութ) Որևէ տեղ մեկնել չեմ պատրաստվում, ընտանիքիս և հարազատներիս հետ շարունակում եմ ապրել Արցախում. Վահրամ Պողոսյան ԿԳՄՍ նախկին նախարարը նշանակվել է ՀՀ նախագահի խորհրդական 2–րդ բանակային կորպուսի հրամանատար Վահրամ Գրիգորյանն ազատվեց պաշտոնից Վահրամ Դումանյանն աշխատանքից ազատման դիմում է ներկայացրել