Ռուսաստանը և Հայաստանը կհամագործակցեն կիբերանվտանգության ոլորտում. ՌԴ ԱԽ

Ռուսաստանի և Հայաստանի կառավարությունները տեղեկատվական անվտանգության ոլորտում համագործակցության մասին համաձայնագիր են ստորագրել։ Այս մասին երեքշաբթի հայտնել է ՌԴ Անվտանգության խորհրդի ապարատի մամուլի ծառայությունը, հաղորդում է ՏԱՍՍ-ը։

«Փաստաթղթի համաձայն՝ տեղեկատվական անվտանգության ոլորտում Ռուսաստանի և Հայաստանի համագործակցության հիմնական ուղղությունները, մասնավորապես, լինելու են այդ ոլորտում սպառնալիքներին հակազդելու համակարգումը, տվյալների փոխանակումը՝ ահաբեկչական և այլ հանցավոր նպատակներով տեղեկատվական և հաղորդակցական տեխնոլոգիաների օգտագործման հետ կապված հանցագործությունները հայտնաբերելու, կանխելու, զսպելու և հետաքննելու նպատակով»,- ասված է հաղորդագրությունում։

Ռուսաստանի Դաշնության և Հայաստանի Հանրապետության անունից համաձայնագիրը ստորագրել են երկու երկրների անվտանգության խորհուրդների քարտուղարներ Նիկոլայ Պատրուշևը և Արմեն Գրիգորյանը, նշել են նախարարությունից։

Հայաստանի վարչապետ Նիկոլ Փաշինյանը երկօրյա պաշտոնական այցով գտնվում է Ռուսաստանում։ Նրա հետ Մոսկվա են ժամանել փոխվարչապետ Մհեր Գրիգորյանը, Անվտանգության խորհրդի քարտուղար Գրիգորյանը, ԱԳ նախարար Արարատ Միրզոյանը, ԿԳՄՍ նախարար Վահրամ Դումանյանը և այլ պաշտոնատար անձինք։

Այս թեմայով ՌԴ Պետդումայում առաջարկել են Ռուսաստանից միգրանտների արտաքսման նոր ռեժիմ սահմանել Ձերբակալվել է ՌԴ պաշտպանության փոխնախարարը Արգելվել է ռուսական ընկերության որոշ արտադրատեսակների ներմուծումը Հայաստան Հայաստանից դրամական փոխանցումները դեպի Ռուսաստան նվազել են, դեպի ԱՄՆ՝ ավելացել Իրանը ցանկանում է ամրապնդել ռազմական համագործակցությունը Ռուսաստանի հետ Վաշինգտոնն ու Բրյուսելը ցանկանում են տապալել Վրաստանի ներկայիս իշխանությանը․ Վոլոդին Ովքեր ցանկանում են պարտության մատնել ՌԴ-ին, պետք է գիտակցեն՝ գործ ունեն միջուկային տերության հետ․ ՌԴ ԱԳՆ Ռուսաստանը խստացնում է միգրացիոն վերահսկողությունը (տեսանյութ) ՌԴ ՊՆ-ն հրապարակել է միջմայրցամաքային բալիստիկ հրթիռի արձակման կադրերը (տեսանյութ) Ռուսաստանը միջմայրցամաքային բալիստիկ հրթիռ է փորձարկել (տեսանյութ)