Թուրքիան ոչ միայն մերժում է ցեղասպանությունը, այլև խիստ սադրիչ դիրքորոշում ունի. կիպրական կուսակցություն

Կիպրոսի Հանրապետության ներկայացուցիչների պալատի «Ազգային ժողովրդական ճակատ» կուսակցությունը ուղերձ է հղել Հայոց Ցեղասպանության 107-րդ տարելիցի կապակցությամբ, ուղերձը հրապարակել է Հունաստանում Հայաստանի դեսպանությունը:

Կիպրոսի Հանրապետության ներկայացուցիչների պալատի «Ազգային ժողովրդական ճակատ» կուսակցությունն իր ուղերձում ներկայացնում է Օսմանյան կայսրության կողմից իրականացրած հայ ժողովրդի բնաջնջման հրեշավոր ծրագիրը:

« Անխիղճ ջարդերը տեղի են ունեցել անկախ տարիքից և սեռից, ինչպես նաև բռնաբարությունները և սեռական ոտնձգությունները՝ տղամարդկանց և կանանց նկատմամբ: Օսմանցիների դաժանության ցուցիչն այն էր, որ 1918 թվականին Տրապիզոնի դատավարությունների ժամանակ Օսմանյան բանակի սպա Հասան Մարուֆը ասում էր, որ թուրք բանտարկյալները խելագարվել են՝ տեսնելով, թե ինչպես են ողջ-ողջ այրվում հայերը, իսկ ռուսներին ասում էին, որ օդում շատ օրեր այրված մարդու մարմնի հոտ է գալիս: Իթան Բելկիդը, ով նույնպես սպա էր, խոստովանել էր, որ տեսել է թե ինչպես են ողջ-ողջ այրվել 5000 հայ»,- նշված է ուղերձում:

«Ազգային ժողովրդական ճակատ» կուսակցությունը նշում է, որ մեկ դար անց թուրքական ոճրագործության զոհերի ընդհանուր թիվը դեռ պարզ չէ, սակայն խոսվում է 800000-ից 1,5 միլիոն զոհերի մասին:

«Ժողովրդի հետ միասին թուրքական վայրագությունների զոհ է դարձել նաև հայկական քաղաքակրթությունը, քանի որ, ըստ հաշվարկների, Թուրքիայում գտնվող հայերի 913 պատմական շինություններից 464-ը հիմնովին ավերվել են, 252-ը՝ գտնվում էին ավերակի կարգավիճակում, իսկ 197-ը վերանորոգման հրատապ կարիք ունէին»,- ասված է հայտարարության մեջ:

«Ազգային ժողովրդական ճակատ» կուսակցության հաղորդագրության մեջ նշված է, որ Թուրքիայի կառավարությունը մինչ օրս մերժում է, որ Ցեղասպանություն է իրականացրել։ «Նրանք պնդում են, որ հայերը թշնամական ուժ էին, և որ նրանց կոտորածը պատերազմի պայմանների արդյունք էր։ Փաստորեն, Թուրքիան ոչ միայն մերժում է, այլև խիստ սադրիչ դիրքորոշում ունի այդ հարցում:

Բոլորս պետք է հասկանանք, որ Հայոց Ցեղասպանություն գոյություն չունի միայն ապրիլի 24-ին և չպետք է հիշենք այն միայն այդ օրը. Դա թուրքերի բարբարոսության գործնական ապացույցն է, որը շարունակում է գոյություն ունենալ նաև այսօր: Թուրքական ռեժիմը այսօր էլ շարունակում է նմանատիպ մարտավարություն վարել:

Նրանք իրենց վերաբերմունքով մեզ հասկացնում են, որ իրենց ատելությունը քրիստոնեական ցանկացած տարրի նկատմամբ անժամկետ է, և հատկապես մենք՝ Կիպրոսի հույներս, որոնց հայրենիքի կեսը գտնվում են թուրքական օկուպացիայի տակ, չպետք է մոռանանք դա՝ իմանալով, թե ում հետ գործ ունենք»,- շեշտում է «Ազգային ժողովրդական ճակատ» կուսակցությունը:

Այս թեմայով Ես ամաչում եմ իմ այն գործընկերների համար, որոնք արդարացնում են Արցախի հայերի ցեղասպանությունը (տեսանյութ) Ավստրալիայի Լիբերալ կուսակցությունը երկրի ընդդիմության առաջնորդին կոչ է արել ճանաչել Հայոց ցեղասպանությունը «Տավուշյան շարժումը» կարիք ունի քաղաքական ձևակերպումների և այդ դեպքում այն կբերի հաջողության. Հովհաննիսյան Բռնցքամարտի ԵԱ-ում մեկնարկում են կիսաեզրափակիչները. Հայաստանն ունի 7 ներկայացուցիչ «Ժողովուրդ». Ի՞նչ կապ ունի Սիսիանի բաժնի նախկին պետ Գարիկ Մուրադյանը 36 կգ ոսկու և 293 մլն ռուբլու հափշտակման գործի հետ Իշխանությունն ունի արտաքին սատարում, դրա համար էլ չի հաջողվում հեռացնել. Սերժ Սարգսյան ՔՊ-ում խիստ ծանր են տարել Փաշինյանի կնոջ և դստեր հետ Ծիծեռնակաբերդում տեղի ունեցած միջադեպը․ ինչ են քննարկել Գնդապետը ծանր վնասվածքներ ունի, բայց կյանքին վտանգ չի սպառնում․ Չալաբյանն այցելել է Միհրան Մախսուդյանին Արհեստածին Ադրբեջանը ստեղծել են, որպեսզ շարունակեն և ավարտեն հայերի ցեղասպանությունը Օսմանյան Թուրքիայից դուրս. Լարիսա Ալավերդյան (տեսանյութ) Հայոց Ցեղասպանությունը պարզապես անցյալի ողբերգություն չէ, այն շարունակական իրականություն է. ԵԽ գերմանացի պատգամավոր